Сабақ жоспары. Тақырыбы: 'Мейірімділік- асыл қасиет' өзін-өзі тану (3 сынып)

Ашық сабақ

Мейірімділік-асыл қасиет

(Өзін-өзі тану 3- сынып)

Өткізген: А.Б.Садуева

2014-2015 оқу жылы

Сабақтың тақырыбы: Мейірімділік-асыл қасиет

Мақсаты: Балалардың «мейірімділік», «қайырымдылық» құндылықтары туралы түсініктерін кеңейту.

Міндеттері:

• Мейірімділіктің адам өміріндегі маңыздылығын түсіндіру.

• Өзара сыйластық қарым-қатынастарын дамыту.

• Мейірбандылыққа тәрбиелеу.

Көрнекі құралдары: үнтаспа, түрлі-түсті қағаздар, гүлдің суреті, парақшалар

Ұйымдастыру:

-Ал балалар мен сендерді дәстүрлі шаттық шеңберіне шақырамын.

Шаттық шеңбері

Мейірімділік-асыл қасиетіміз,

Жүректегі таза ақ ниетіміз.

Жан дүние кілті,

Шаттық пенен күлкі.

Биік ұстап соны,

Қадірлейік біз оны!

Жұп болып тұра қалу.

Орындарына жайғасу

Тыныштық сәті:

Өздеріңді еркін ұстап, жайғасыңдар. Бір сәт тыныштықта отырамыз.Біраз қиялға шомыламыз.Ал балалар сендер өздеріңді бірүлкен бұлттың ішінде өмір сүретін тамшы ретінде елестетіп көріңдерші. Бұл кішкентай тамшылар тамшыларөте көңілді,әрі қуанышты, мейірімді, қамқор жақсылықжасайтын тамшылар. Су тамшысы болған қандай жақсы. Сендердің әрқайсыларың кішкентай сиқырлы тамшыдан, жаны мейірімге, жақсылыққа толы балаларға айналып, сыныпқа оралдыңдар.

-Балалар, көз алдарыңа не елестеді?( балалардың жауабы)(Бұлтқа жапсыру)

Жақсылық жасау, мейірімді болу дегеніміз-Бұл тек қана адамдарға ғана емес қоршаған ортаны, айналаны, барлығына қамқор болу. Ал адамдар мейірімді, қайырмды болса еліміз тыныш тату болады. Сондықтан риясыз жақсылық жасау керек.

(Ертегі видео)

Үй тапсырмасы:

-Өз суреттеріңді салып келу, бойларыңдағы жақсы қасиеттерің туралы айту.

- Олай болса, бүгінгі сабағымыз «Мейірімділік -асыл қасиет»деп аталады.Сабағымызда адамның бойындағы жақсы қасиеттерінің бірі мейірімділік туралы әңгімелесеміз.

(тақырып хабарланады)

Ойланайық, пікірлесейік

• Мейірімділікті қалай көрсетуге болады?

• Өздеріңе мейірімділік көрсеткен кезде қандай сезімге бөлендіңдер?( бұлтқа тамшы жапсыру)

Адамдар бір-біріне жылы сезімдерін білдіріп, айналасындағыларға тек жақсылық ойлап, игілікті істер жасау арқылы ғана мейірімділікті таныта алады. Адамдардың бір-біріне деген мейірім шапағаты-әдептіліктің белгісі.

Мәтінмен жұмыс

«Сары тауық және оның балапандары» мәтінін оқып, түсіндіру. Сұрақтарға жауап алу.

• Сары тауық балапандарын қандай жақсы қасиеттерге баулыды?

• Сары тауық өзінің бойында бар,қандай жақсы қасиеттерді балапандарға үйретті? Сол жақсы қасиеттерді балапандарының бойына жапсыру.(жанашырлық,кішіге,қамқор,мейірімділік,бауырмалдық, татулық,адал)

• Сары тауық өз аналық мейірімін қалай көрсете білді?

• «Күн ашылып ана жүрегіндей жадырады» дегенді қалай түсінесіңдер?

• Ал сендер мейіріміділікті, қайырымдылықты кімдерден үйреніп жүрсіндер?

(оқушылардың жауаптары тыңдалады)

-Дұрыс сендерге мейірімді болуды мектепте ұстаздың , үйде аналарың үйретеді. Ендеше сол аналарымыз туралы айтайық. (Слайд)

Дәйексөз

Мейірімділікті анадан үйрен. Халық даналығы

Ана -халық ұғымында жаратушы. Олай дейтініміз табиғатты да, адамды да дүниеге әкелуші ана. Ал барлық нәрсенің дүниеге келуі үлкен мейірім мен шапағаттан пайда болады. Табиғаттың барлық жанға бірдей мейірімді болуы сондықтан. Адамның да ананың кіршіксіз мейірімен берілген мейірімділігін сақтап қалу өз қолында. (Ана туралы видео)

Сұрақ-жауап.

Тренинг «Болады-болмайды»

Мейірімді болуға..... болады

Кешірімді болуға......

Қатігез болуға........

Тәртіпті болуға......

Әдепті болуға.....

Ұрысқақ болуға....

Сыпайы болуға.....

Қайырымды ....

Бұзық болуға.....

Бауырмал.....

Ақылды......

Мақтаншақ....

Шыншыл....

Арам....

Маман.....

Жаман.....

Шығармашылық тапсырма

І топ: «Мейірімділік гүлін» құрастыру

Оқушылар түрлі-түсті қағаздан әртүрлі гүлдерді қиып, жапсырмалайды.

ІІ топ: «Мейірімділік үйі»

(оқушылардың жұмыстары тыңдалады)

Жағдаятты талдау

(оқушылар сөйлемдерді өз ойларымен аяқтайды)

Слайд

Жүректен жүрекке

- Кәне, барлығымыз шеңберге тұрып, кімнің немесе ненің мейірімді екенін кезектесіп айтып шығайық.

• Күлімдеген күн мейірімді!

• Кіршіксіз ақ қар мейірімді!

• Таза мөлдір су мейірімді!

• Бәрімізді көтеріп тұрған жер мейірімді!

• Аяулы анам мейірімді!

• Қамқоршы апам мейірімді! т.б.

Ана туралы ән

- Жүрегіміздегі мейірім шуағы өшпесін деп бүгінгі сабағымызды аяқтаймыз.