Тақырыбы: Жж дыбысы мен әрпі

Жалпы мақсаттар:1.Ж дыбысы мен әрпін таныту,ол арқылы берілген сөздерді оқу мен жазуға үйрету.2. Оқушының логикалық ой-орісін,өз ойларын еркін жеткізе білу дағдыларын дамыту.3. Ынтымақтаса жұмыс жасай білуге,жақсыны үйреніп, жаман әдеттерден аулақ болуға тәрбиелеу.

Оқыту нәтижесі:Әрпімен танысып, оқи алады(барлығы);

Әріп туралы түсінік қалыптасады;(барлығы)

Сөйлем құрып және жатқа жазып алады;(кейбіреуі)

Сабақтың әдісі:Топтық жұмыс,зерттеушілік әңгіме

АКТ,электрондық оқулық, деңгейлік тапсырмалар.

Көрнекілігі: Ж әрпінің баспа және жазба түрі, интерактивті тақта, кеспе әріптер, суреттер, Ж әрпінен басталатын мақал-мәтелдер, стикер,түрлі-түсті қалам,постер.

Түйіді идеялар: Бірлескен топтық жұмыс оқушылардың ынтымақтастығын дамытудың қуатты құралы болып табылады.

Сабақ барысы: 1. Ұйымдастыру кезеңі.

а) психологиялық дайындық

Үлкенге де сіз,

Кішіге де сіз,

Сәлем бердік сіздерге

Құрметпенен біз.

-Балалар, кәзір қай сабақ?

-Әліппе сабағы.

Әліппе сабағыннан не үйрендіңдер?

(Әріптерді, дыбыстарды жазып, айтып үйрендік)

Жылу алақанын сезініп, күн сияқты күлімдейікші.Бәріміз әп-әдемі сабаққа кірісейік. Балалар өздеріне қай түс ұнайды сары,қызыл,жасыл ,көк түстермен бөліну.

Өткен сабақты пысықтау.

Оқушыларға отырған топпен тапсырма беру

1-топқа берілген сөздерге сөйлем құрау.

2-топ сәйкестігін көрсету.

3- топ буыннан сөз құрау.

4-топ өткен әріпке сөз ойлап жазады.

ә) Өткен әріптер бойынша «Әріптерді сөйлет» ойынында балалар әріптерді айтып, олардың дауысты және дауыссыз дыбыстар екенін атап, олардан сөз құрап, өз үйлеріне апарады.

Жаңа сабақ

-Балалар, Жаңа жыл мерекесі де келіп қалды. Аққала қонаққа келем деп еді.Бірақ әлі жоқ қой.

Есік қағылып, хат тасушы хат береді.Ол кімнен екен?Ия, түсінікті. Бұл хат Аққала жіберіпті.

« Сәлеметсіңдерме, құрметті оқушылар!

Бір жағдайға байланысты, мен сендерге келе алмаймын.Сондықтан жұмбақ жасырып жібердім. Егерде сендер жұмбақ шешсендер бүгінгі сабақтың тақырыбын анықтайсыңдар.Маған хат жазып жіберіңдер.Бүгінгі сабақта не біліп,не үйренгендерін?

1. Күндіз бәрі қашады,

Түнде аспанды басады (жұлдыз)

2. Аспай піскен.

Қайнамай түскен (жеміс)

3. Жазда тұрып жоғары

Күзде жерге қонады. (жапырақ)

4. Ішіне тамақ салынған,

Есігі тастай жабылған. (жұмыртқа)

Балалар қандай дыбыстан басталып тұр?

-Ж ж ж ж ж- айтып көреді.

-Ж дыбысы созып айтуға келе ме?

Ендеше Ж қандай дыбыс ?

-Ж дыбысы бар сөздер білесіңдер ме?

- Ж дыбысы сөздің қай жерлеріңде кездеседі екен?

Тіл дамыту жұмыстары бойынша жұмыс жүргізу.

Жа-жа-жа Менің атым Қожа

Жу-жу-жу Желбірейді ту

Таза болсын су

Сен қолыңды жу.

1. Ж - ұяң дауыссыз дыбыс

2. Жасалуына қарай - тіл алды дауыссыз

3. Айтылуына қарай - ызың дауыссыз.

Сергіту сәті. Шеңберге тұрып айту.

Топ-топ-топ -топ басайық,

Жалаудан күн жасайық

Жаса-жаса алтын күн,

Жаса-жаса жарқын күн.

Оқулықпен жұмыс. 1)Тақырыптық сурет бойынша әңгіме жүргізу

Жолбарыс туралы түсінік беру

2)Жапырақ сөзін буынға бөлу, дыбыстық талдау, сөйлем құру

3) Жусан туралы мағлумат беру,әңгімелеу. «Жусан» мәтінін оқыту.

Дәптермен жұмыс. Тілашар дәптеріндегі (43-бетте) Ж әрпінің бас және кіші әрпін үлгі бойынша үстінен бастырып қолдарын жаттықтыру.

Бекіту.

«Ойлан тап» Жолбарыс деген сөздің ішінен басқа сөз тауып жазу

«Ұйқасын тап!» ойыны арқылы кеспе әріптерден сөз құрап, талдау.

Іші толған шәрбәт,

Дәмі қандай әйбат.

Үзесің бірден жүзін,

Оның аты - … (жүзім)

Сырты қандай қатты,

Дәні сондай тәтті,

Шағып қара таңдап,

Оның аты - … ( жаңғақ)

Құйрығы он қарыс,

Бұл айбатты … (жолбарыс)

«Жалғасын тап» ойыны

жа......, жыл......,

жо....., жол.......,

жу....., жал.......

Жа......

Қорытындылау. «Дана ағашы» балалар мына ағашқа не жетіспейді?

-Дұрыс, жапырақ.Сабақты жақсы меңгерген балалар жоғары қарай ілесіңдер?Ортаға жартылай түсіндім?Төменге қарай түсінбедім?

Оқушыларды бүгінгі сабаққа назарларын аударып қатысқандарына алғысымды білдіріп, әрбір оқушының сабаққа қалай қатысқанын айтып, смайлик беру.

Сабақтың тақырыбы:Ана-Бақыт,Ана-Күн.

Сабақтың мақсаты:Халықаралық әйелдер мерекесінің шығу тарихынан мағлұмат беру. Баланың анаға деген құрметті сезімін, сүйіспеншілігін арттыру; 2.Ананы қадірлеуге, еңбегін бағалай білуге. 3. Әсемдікке, әдептілікке білуге үйрету.

Көрнекілігі: ана туралы жазылған мақал-мәтелдер,слайд,шарлар,домбыралар, гүлдер.

Н.Тілендиевтің «Алкисса»күйі орындалып тұр.

Жүргізілу барысы. Мұғалімнің құттықтау сөзі.

Мейрамдарыңыз құтты болсын, аспандарыңыз ашық бллсын, үйлеріңізде құт, береке, мереке көп болсын. Биылғы көктемнің де алғашқы мерекесі 8 наурыз -барлық елде, әлем бойынша 104- рет аталып өтуде.

Алғаш, 1910 жылы Гагра қаласында өткен екінші Халықаралық социалист әйелдердің конференциясында сөз сөйлеген Клара Цнпкин өз баяндамасы сонында өте орынды, әрі маңызды ұсыныс жасаған еді .Сол жылдан бастап, әлемдегі бүкіл халық болып 8 наурыз-әйелдер күнін атап өтуде.

Шаттық шеңбер:Аналарға бір тілек.(Оқушылар ортаға келіп жақсы тілектерін аналарға арнайды).

Балаларға ең жақын,Сіздер ана,даналар

Сіздердің ыстық құшағың пана болар балаға.

Жүрегінің бір бөлшегі-бала үшін

Сізден жақын адам бар ма,балаға!-дей келе құрметті аналар ,қазір балаларыңыздың сыйлықтарын қабыл алыңыздар. (Әр бала жеке өзі жасаған сыйлығын, ашық хат тапсырады ).

1-оқушы:

Аналарды сүйеміз,

Сөзін ойға түйеміз.

Ана-Бақыт, ана-Күн

Әдеппен бас иеміз.(Бас ию)

2- оқушы:

Мақтан етер анасын

Әркім өзінің панасын.

Біз үшін күн боп жанасың

Құтты болсын мейрамын.

Құттықтаймын анашым!

3- оқушы:

Ақ қабақты анамсың

Күн сәулелі панамсың.

Әлпештеген баласын

Айналайын анашым.

Ән «Аналар күні»

Мұғалім: Балалар «Ана сен үшін кім?»Әр топ жұптасып өз ойларын айтады.

Ана бізді тәрбилейді, өсіреді,тосады,сағынады,күтеді,сүйеді, бағады. т.б.

4- оқушы:

Ана-өмірдің қуанышы тірегі.

Бала- оның жұбанышы,тірегі.

Ана алдында ел жауы да бас иген.

Олар дәйім тыныштықты тілейді.

5- оқушы:

Абырой алып баласы,

Әлемге билік етсе де,

Ай-күнге қолы жетсе де,

Аландайды анасы.

«Ерке қыз» әні орындалады.

Мұғалім:Ананың әрбір сөзі жылыққа толы.

Ананың көз нұры тастай мұзды жібітеді.

Аналарға деген баланың жылы лебіздері

таусылмайды.

6-оқушы:

Мен ержетіп ,өскенде,

Аралаймын әлемді.

Сыйлық әкеп әжеме,

Таң қалдырам бар елді.

7- оқушы:

Айналасына ас қойып,

Изенді көлдей шалқытқан.

Қолын қатты тигізбей,

Иісін жұпар аңқытқан...Бұл кім?

Бәрі қосылып:Ана!Ана! Ана!

Мұғалім:Айтыс деген өнері ғой,қазақтың,

Айтысқанда арқасы қозар ақынның.

Шапалақтап қарсалайық халайық.

Қыз бен жігіт шақырайық ортаға

Қошеметтеп қол соғайық баршамыз!

(Ортаға Отарбай Шырын, Нұржау Бейбарс айтысқа шығады).

Нұржан Керменбаевтің әніне «Қазақтың баласы»қыздар би тобы.

«Кім көп біледі?» (мақал -мәтелдің жалғасын табу)

1.Ата-ананың қадірін балалы..................

2.Әдепті бала ата-анасын...........

Әдепсіз бала ата-анасын..........

3.Әкеден ақыл,анадан .........

4.Қыздың аңқауынан сақта, ұлдың ........сақта.

5.Тентек баланы теке..........

6.Өкпелегіш балақай,өз сыбағасынан ...........қалар.

7.Ұл баланың үйкүшік болғаны ..........

Қыз баланың қыдырымпаз ..............

8.Әдепсіз бала -ауыздықсыз .......тең.

9.Шешеге қарап ,қыз өсер,әкеге қарап..........

10.Анаңа ауыр сөз айтпа, атыңа ауыр ...........

Мұғалім:Құрметті аналар , сүйікті ұстаздар және қыздар!

Бәрі:Мерекелеріңіз құтты болсын!

Аналарды сүйеміз, сөзін ойға түйеміз.

Білім берген ұстазға, әдеппен бас иеміз.

Бәрі 2 рет бас иеді.

«Ана» әні орындалады.

Қорытынды: Ата-аналарға «Екі жұлдыз, бір тілек» стикерге жазып дана ағашына илу тапсырылады.

</