Урок 'Мәңгі жасар өмір' 3 сынып

Сабақтың тақырыбы: Мәңгі жасар өмір

Сабақтың мақсаты: Білімділік: Оқушылардың Сәкен Сейфуллин туралы білімдерін толықтыру.Әңгіменің негізгі ойын,идеясын ашу.Қазақ халқының басынан кешкен репрессия жөнінде қысқаша мағлұмат беру.

Дамытушылы:Оқушылардың сөздік қорын дамыту,тілін ,ойлау,көру, есте сақтау , қабылдау қабілеттерін дамыту.

Тәрбиелік:Оқушыларды өз халқының біртуар азаматтарын құрметтеуге,елін жерін сүюге ,өз ана тілінде сөйлеуге тәрбиелеу.

Сабақтың типі: Жаңа білімді игеру

Сабақтың түрі: интеграциялық сабақ

Сабақтың әдісі: сұрақ-жауап , түсіндіру

Сабақтың көрнекілігі: Интерактивті тақта, бейне көрініс

Пәнаралық байланыс: Музыка

Сабақтың барысы:

І.Ұйымдастыру кезеңі

Сабағыңа жөндеп

Әзірленсең-еңбек.

Қиындықтың бәрін

Еңбек қана жеңбек

ІІ. Үй тапсырмасын тексеру

«Интернат қоймасы» (Шерхан Мұртаза) мазмұнын айту

ІІІ. Жаңа сабақ

Өткен сабақты жаңа сабақ пен байланыстыру.

- Сонымен балалар көптеген халықымыздың зиялы өкілдері « репрессия» деп , «халық жауы» деп тұтқынға алынған болатын.

Солардың бірі - Сәкен Сейфуллин біздің бүгінгі сабағымызға арқау болмақ.

1937-1938 жылдары қазақ зиялылары Кеңес үкіметіне қарсы үгіт насихат жүргізді деген айыппен қудаланып,репрессияға ұшырады.105 мың адам қамауға алынып,оның 22 мыңы атылды.Репрессия -мемлекеттің өз азаматтарына қолданатын қатаң жазалау шарасы. Бүгін біз Тұрсынбек Кәкішевтің «Мәңгі жасар өмір » деген шығармасымен танысамыз.

( Слайд арқылы автор туралы дерек беру)

Тұрсынбек Кәкішов - 1927 жылы 15 тамызда Ақмола облысы,Бұланды ауданы,Бөрлі ауылында дүниеге келген.Әдебиет зерттеушісі,ғылым докторы және профессор.Қазақ Кеңестік Социалистік республикалар одағының еңбек сіңірген ғылым қайраткері.1944-1945 жылдары Ақмола облыстық Қазақ драма театрында актер болған. Сәкен Сейфуллиннің өмірі мен шығармашылығы жөнінде ғылыми зерттеулер жүргізген.

Оқулықпен жұмыс:

1.Мәтінді мұғалім оқиды.

2Тізбектеп оқу (оқушыларға мәтінді оқыта отырып ,талдау жасату)

Мәтіннің 1-2-ші бөлімі бойынша топтау стратегиясы құрылады.

-Балалар енді осы шығармадғы Сәкен Сейфуллин туралы білімімізді толықтырайық ( Сәкен Сейфуллин туралы слайд көрсетіледі)

Сәкен (Сәдуақас) Сейфуллин 1894 жылы Жезқазған өңіріндегі) бұрынғы Ақадыр ауданындағы Қарашілік қыстауында дүниеге келген . Қазақ әдебиетінің негізін салушы , мемелекеттік қайраткер .1916 жылы ұлт азаттық көтеріліске тілектес өлеңдерін жазған .1918 жылдың 4 маусымында ақтардың көтерілісі болып Ақмола Совдегі тұтқындалған .Атаман Анкеновтвң азап вагонында 47 күн ажалмен арпалысып ,1919 жылы 3 сәуірде Колчактың Омбыдағы түрмесінен қашып шығады. «Өткен күндер» атты өлеңдер жинағыы бар. «Бақыт жолында» пьесасын жазған. 1920 жылы 7 мамырда Ақмолаға қайтып оралып атқару комитеті мүшесі болып сайланады.

-Балалар ,енді осы мәтінде қандай ән туралы айтылған.?

-Сәкен кім?

-Мәтінде қандай ән жайында баяндалады?

-Ол кімнің әні?

-Ендеше осы әнді барлығымыз тыңдасақ.

«Тау ішінде » әні орындалады.

Сөздік жұмыс

Ақталу-қылмысты емес деп есептелу.

Елгезек-тіл алғыш.

Біртуар-сирек туатын ,ерекше адам

Суретпен жұмыс

-Суретті қалай атар едің?

-«Халық жауы» деген жаламен атылып кеткен кімдерді білесіңдер?

-Оларды атқан адамдарға өз көзқарастарыңды білдір!Берілген суретпен мәтіннің арасында қандай байланыс бар?

VІ Бекіту.

Оқушылардың білімін сұратар арқылы бекіту(сыныпты ІІІ топқа бөліп, жаңа сабаққа байланысты мақал-мәтелді аяқтату, талдау)

VІІ. Қорытынды

-Сонымен бүгін сабақтан не түсіндіңдер?

-Сәкен Сейфуллин деген кім екен?

-Ол не себепті қамауға алынған?

Сәкен Сейфуллиннің қандай шығармалары бар екен?

-Ақын мәтінді«Мәңгі жасар өмір» деп неліктен атаған деп ойлайсыңдар?

VІІІ. Үй тапсырмасын беру

Мәтінді түсініп оқып ,мазмұнын айту

VІV. Бағалау

№34 орта мектеп

Ана тілі(3 сынып)

Сабақтың тақырыбы:

Мәңгі жасар өмір

2015-2016 оқу жылы