Ана тілінен 'Буын' тақырыбындағы сабақ жоспары

Сабақтың тақырыбы:

Кішіпейілдік - кісілік белгісі. Буын

Мақсаты:

1.Оқушыларға буын туралы түсінік беру

2. Оқушылардың сабақ барысында есте сақтауын сөздік қорын дамыту, логикалық ойлауын дамыту.

3. Үлкен кісіні сыйлауға, әдептілікке тәрбиелеу, дұрыс амандасуға тәрбиелеу.

Ұйымдастыру

5мин

Треннинг:

Әр ұлт өкілдерінің суреттерін слайдтан шығарып қою. Сол сурет бойынша амандасу түрлерін көрсетеді.

Мақсаты: сыныпта жағымды ынтымақтастық атмосферасын қалыптастыру.

Жақсы балалар, ендеше бәріміз орнымызға отырайық. Топқа бөлінгенен кейін топтың қағидалары, топ ережесі болады, алдарыңда тұр. (слайдтан шығарып қою).

Балалар, бізде ана тілі сабағы.

Сендер сабаққа қандай мақсатпен келдіңдер?

(жазуды, оқуды, білім алуға, тәртіпті болуға)

Балалардың жауабы тыңдалады. Түстер бойынша топқа бөліну, қызыл, сары, көк, жасыл, ақшыл жасыл.

Топтарды да сол түстер бойынша бөлу.

Үй тапсырмасын тексеру.

5мин

Балалар үйге қандай тапсырма берілді, кім айтады? Сәлемдесуге байланысты қандай сөздер білесіңдер? (Осы жайлы біліп келу.)

-Иа, балалар көрген жанның бәріне амандасу көптік етпейді. Үнемі үлкен адамдарды көргенде амандасып жүруіміз керек.

Итермелеу сатысы.

Жаңа сабақ

15мин

- слайдтан сурет көрсету.Сурет туралы не айтуға болады? Суреттен не көріп тұрсыңдар? (жекелей, жұпта, топта)30с ойлану. Адамдарға ат қою.

Жалпы әдептілік, үлкенге құрмет көрсету, оларды сыйлау дегенді бір сөзбен айтқанда - кішіпейілділік деп атауға болады. Кішіпейілдік деген сөзді қалай түсінесіңдер?

Кішіпейілдік қазіргі кезде екінің бірінің бойында кезіге ме?

Ендеше балалар, бүгінгі біздің тақырыбымыз «Кішіпейілдік - кісілік белгісі. Буын»

Енді балалар кішіпейілділік деген сөзді буынға бөлейікші?

Кі-ші-пе-йіл-дік 5 буын бар.

Сөзге талдау жасап,буынға бөліп айтады.

Енді балалар буын деген қайдан шығады?

Сөзде қанша дауысты дыбыс болса, сонша буын болады (слайдтан көрсету. Мысалы: а-та, ме-ре-ке).

Кішіпейілдікті тағы қалай айтуға болады? (сыпайы) ассосиация құру. (Тақтаға іліп көрсету, кішірім, амандасу, рахмет айту,рұқсат сұрайды, тіл алады.) Балалар қазыр сендерге осы сыпайылық туралы өлең оқылады. Өлеңді мұқиат тыңдап, сұрақтарға жауапқа дайындалып отырасыңдар.

Диктофон әдісі.20мин. Әбділдә. Дүйсенбиев.

«Не деу керек?» өлеңді мәнерлеп оқу.

• Өлеңді өз беттеріңмен іштен оқу

• Хормен оқу

• Тізбектей оқу (топтан 1 оқушы оқу.)

• Сұрақтарға жауап беру.

• 5 топ сараптаушы топ, ассосиацияны толықтыру.

Сергіту сәті. 30.

Мағынаны ажырату.

Дәптермен жұмыс. ( Күннің атын жаздыру, К әрпін жазу )

58-жаттығуға қарайық. 7мин Сөздерді буынға бөліп оқыңдар. Ішінен көп буыны сөзді тауып, көшіріп жазыңдар. Апа, әже, ата, , көке, шеше, нағашы. (Бас әріптен жазу.) Нағашы деген кім?

Енді сендерге мен ана туралы мақал-мәтел таратып беремін. 3мин.

1топқа 1 дауыты дыбысы бар сөзді табыңдар. (бал)

2топ. 1буынды сөзді табыңдар (бал).

3 топ. 3 дауысты дыбысы бар сөзді табыңдар. (ананың, баланың, шуағы, құшағы).

4 топ. 2 дауысты дыбысы бар сөзді табыңдар(сүті, тілі, жылы, күннің).

5-топ. 3 буыннан туратын сөздерді табыңдар (ананың, баланың, шуағы, құшағы).

1.Ананың сүті-бал.

Баланың тілі-бал.

2. Күннің шуағы жылы

Ананың құшағы жылы.

Рефлекция (кері байланыс)

Әр топқа сұрақтар қою.

-Сабақ қалай өтті?

-Неге қол жеткіздің?

-Нені істей алмадың? Неге?

-Қалай жоюға болады?

Бағалау.

Сабаққа жақсы қатысқан балаларды стикер арқылы бағалау.

-жақсы балалар бүгін сабаққа бәрін жақсы қатыстыңдар, рахмет.

Үйге тапсырма

70 беттегі мақалдарды жаттап келу.

«Көпбейінді №3 мектеп-гиназия» КММ

Ашық сабақ

Тақырыбы: Кішіпейілдік-кісілік белгісі. Буын (Ана т.)

1А сынып

Актанова:А.Т

Өскемен 2015ж.

Ана тілінен өткен сабаққа

Рефлексивтік есеп.

«Болашаққа - кемел біліммен» атты бастауыш кафедрасының он күндік пән апталығында ана тілі пәнінен ашық сабақ бердім. Тәлімгерім Жолдыбаева Сая. Сабақтың тақырыбы «Кішіпейілдік - кісілік белгісі. Буын.». Сабақта оқушылар түстер бойынша 5 топқа бөлініп, әр топ 5,4 оқушыдан топтасты . Сабақты бастамас бұрын әр ұлт өкілдерінің амандасу түрлерін көрсетіп, оқушылардың қызығушылықтарын ояттым. Үйге берілген тапсырмада, амандасу түрлерін біліп келу болған. Оқушылар амандасу түрлерін толығымен айтып 2оқушы көрініс ретінде көрсетті.жаңа сабақты бастамас бұрын оқушылардан қандай мақсатпен келдіңдер деп сұрадым. Себебі, сабақ соңында өздері қойған мақсаттарына жеткені қуантты Жаңа сабақты бастағанда сурет арқылы оқушыларға ойлана отырып, ой салдым. Яғни кішіпейіл болуға, үлкенді сыйлауға тәрбиелеу. Ассосиация құрғаным өте сәтті шықты. Сөздерді буынға бөліп, буынның шығуын түсіндірдім. Сергіту сәті де ойымнан шықты. Диктофон әдісі арқылы өлең жолдарын тыңдады. Тыңдау арқылы өлеңдегі сұрақтарға жауап беріп ассосиацияны толықтырдым. Топпен қойылған сұрақ бойынша тауып, оқыды. Дәптермен жұмыс болды. Буындарды сөзге бөле отырып, көп буынды сөзді тауып дәптерге жазды. Бағалау әр кезең сайын болды, жұлдызшалар арқылы. Алға қойған мақсатыма жете білдім

Нені жақсарта алам?

Оқушылардың сөздік қорларын молайтуды.

Бұрынғы сарынды әдісті жойып, жаңа технологияларды енгізгім келеді. Мол тәжірибе жинақтап, ұстаздардың айтқан ұсыныстарын жүзеге асыруға қабілетті боламын.