Ашық сабақ шаршы түріндегі қосу кестесі

Оқу ісінің меңгерушісі: ___________

Шаршы түріндегі қосу кестесі

Мектеп:

Күні :

15.11.16

Мұғалімнің есімі:

СЫНЫП: 1-сынып

Қатысқандар саны:

Қатыспағандар саны:

Оқу мақсаты:

бір таңбалы сандарды ондықтан аттамай қосу кестесін құрады, біледі және қолданады;

"+", "-", "=" таңбаларын қолданады.

Барлық оқушылар:

Оқушылардың басым бөлігі:

Кейбір оқушылар:

Ресурстар:

қосудың демонстрациялық шаршы түріндегі кестесі;

қосудың шаршы түріндегі кестесінің сызбасы дайындалған А1 форматты парақ;

әрбір оқушыға арналған жеке қосу кестесі;

қосудың шаршы түріндегі кестесін құрастыруға арналған таза қағаздар;

ламинатталған қағаздар және маркерлер.

Тірек сөздер

"+", "-", "=" таңбалары

Сабақтың мақсаты:

1.1.1.1 натурал сандар және нөл санының құрылу жолын түсіну; 10/11-20 көлемінде тура және кері санау; натурал сандар қатарындағы орнын анықтау

Сабаққа байланысты деректі материалдар

Сабаққа қатысты ескертпелер

Сабақ бір таңбалы сандарды қосу кестесінің жобасын құруға бағытталған. Осы әрекетке қатыса отырып, оқушылар бір таңбалы сандарды қосудың шаршы түріндегі кестесінде сандарды байланыстыру принципін түсінеді, 20-ға дейінгі сандарды қосудың нәтижесін тауып үйренеді.

Сабақты ауызша санаудан бастаңыз. Ол үшін презентация немесе парақшада жазылған мысал дайындаңыз. Оқушыларға жұмыс жасау үшін жеке қосу кестесін таратып беріңіз. Ауызша санау мыса-лына жауапты оқушылар ламинатталған қағаз бетіне жазып және оны сыныпқа көрсету керек.

Ауызша санау барысында оқушылар кестеден тиісті мысалды қалай табатынын анықтаңыз. Кестеден керекті баған мен жолды анықтау әрекетінің ретін қайталаңыз. Оқушыларға бір таңбалы сандарды қосудың мысалына ғана жауап жазылған кесте құрастыруға болатынын айтыңыз.

Оқушылардың жауабын тыңдаңыз. Егер кестеде барлық мысал реттелген болса, яғни белгілі бір бағандарға және жолдарға жазылған болса, онда бұл бағандар мен жолдарды нөмірлеп, жаңа кесте құрастыруға болатынын хабарлаңыз.

Кіріспе тапсырма. Оқушыларға осындай кесте құрастыруды ұсыныңыз. Осы мақсатпен тақтаға кестеге арналған шаршы сұлбаны, ал оқушылардың әрбір жұбына осыған ұқсас кішілеу көлемді сұлбаларды таратып беріңіз. Оқушыларға кестедегі бағандарды 1-ден 9-ға дейін сан ретімен қойып, қалай нөмірлеу керек екенін көрсетіп беріңіз. Оқушылардан кес-тедегі жолдарды қалай нөмірлейтінін сұраңыз. Олар-ға бұл тапсырманы жұппен орындауды ұсыныңыз.

Оқушылардан 1+1, 5 + 5; 9 + 6 мысалдарының мәнін тауып, өз кестелеріне жазуын өтініңіз. Оқушылардың әрекеті дағдыланған алгоритм бойынша орындалуы тиіс: мысалдағы бірінші нөмір - бұл бағанның нөмірі, мысалдағы екінші нөмір - жол нөмірі.

Әр жұпқа өз кестелерінің 2 бағанын толтыруды ұсыныңыз. Тапсырманы орындап болғаннан кейін олардың тапсырманы қалай тез шешіп және өз кестелері ұяшықтарын тез толтыруға болатынын сұ-раңыз. Оқушылар кестедегі мәндердің рет-ретімен орналасатыны туралы қорытынды жасауы керек. Әрбір келесі мән алдыңғы саннан бір бірлікке артық, яғни сандық сәуледегідей әрбір келесі сан алдыңғы санға 1-ді қосқанда шығады.

Оқушыларға қосу кестесін аяғына дейін толтыру-ға мүмкіндік беріңіз. Жұмыс барысында қиындыққа кездескен оқушыларға көмектесіңіз.

Ойлан. Тапсырманы жұппен орындауды ұйым-дастырыңыз. Оқушыларға кестені қарап шығып, онда барлығы қандай сандар жазылғанын анықтауды ұсыныңыз.

Жауабы:

кестеде 10 әртүрлі сан жазылған: 1, 2, 3, 4, 5, 6, 7, 8, 9, 10.

Қосындының мәнін қосу кестесінің көмегі-мен тап. Берілген тапсырма қосудың шаршы түрін-дегі кестесін мысалдарды шешу дағдысын бекітуге қолданылады. Тапсырманы жұппен орындауды ұсыныңыз.

Шығарып көр. Tапсырманы жұппен орындауды ұсыныңыз. Бұл үшін оқушыларға қосу кестесінің шағын суреттерін таратып беріңіз немесе сабақтың басында құрастырылған кестелерді пайдалануды ұсыныңыз.

Оқушылар мысалдағы қалдырылып кеткен сан-дарды анықтап, оларды ламинатталған қағаз бет-теріне жазуы керек.

Өзара тексеру өткізу үшін оқушы жұптарына беттерді алмастырып, нәтижелерді салыстыруды өтініңіз.

Жауабы:

түсіп қалған сандар: 4; 2; 10.

Орындап көр. Жұмысты топпен орындауды ұйымдастырыңыз. Оқушылардан кестедегі тапсыр-маны қарап шығуын өтініңіз.

Бұл тапсырмада қосу нәтижесінің орнында бос ұяшықтар орналасқан кесте ұсынылады. Оқушылар саны бар кестені тапсырма кестемен сәйкестенді-ріп, әрбір үй қай санның орнында тұрғанын анық-тауы керек. Топтағы жұмыс нәтижесін бекіту үшін оқушыларға осыған ұқсас толтырылмаған кесте сызбаларын немесе ламинатталған қағаз беттерін ұсыныңыз. Жұмысты орындағаннан кейін сынып оқушыларымен талқылау жүргізіңіз.

Тілдік құзыреттілікті қалыптастыру

Қосымша тапсырмалар

Өткен сабақта меңгерген тірек сөздерді бекіту үшін ойын өткізіңіз.

Ол үшін қосу кестесін пайдаланыңыз. Қосу кестесінде кейбір цифрлардың орнына тірек сөз-дердің әріптерін жазыңыз. Бұл кестелерді оқу-шыларға таратып беріңіз. Қай сан әріптің артына жасырылғанын анықтауды және бұл санды әріп-тің жанына жазып қоюды ұсыныңыз. Осылайша, оқушылардың айтып дағдылануы тиіс тірек сөздің шифры пайда болады.

Түсіп қалған сандарды орнына қой. Оқушылар қосу кестесінің бөліктерін қарап шығуы керек. Бұл бөліктер баған нөмірінен, жол нөмірінен және толтырылуы тиіс бос ұяшықтан тұрады. Оқушылар қосудың шаршы түріндегі кестесі бойынша баған мен жол нөмірлеріне сүйене отырып, қалдырылып кеткен сандарды табатын болады. Қосу нәтижелерін бос ұяшықтарға жазып қою керек. Қосудың бірдей нәтижелері жазылған кестенің ұяшықтарын оқушылар бір түспен бояуы керек.

Сандарды тап. Оқушылар тапсырманы орындай отырып, әріптің артында қай сан жасырынғанын анықтауы керек. Тапсырмаға жауапты оқушылар мысал түрінде жазуы керек.

Бағалау

Оқушылар сабақ соңында:

бір таңбалы сандарды қосудың кестесін құрастыруды;

қосу үшін бір таңбалы сандардың қосу кестесін

пайдалануды меңгереді.

Оқушылардың тақырыпты меңгеру деңгейін анықтау үшін келесі сұрақтарды қойыңыз:

- Қосудың шаршы түріндегі кестесі бойынша санау нәтижесін қалай табуға болады?

- Қосудың шаршы түріндегі кестесіндегі ең кішкентай сан қандай?

- Қосудың шаршы түріндегі кестесінде ең үлкен сан қандай?

- Қосу кестесінің көмегімен 8 + 2 қанша болатынын тап.

- Қосу кестесінің көмегімен 6-баған мен 3-қа-тардың қиылысындағы санды табыңдар.

Оқушылармен жұмыс дәптеріндегі "Жетістік бас-палдағымен" өзін-өзі бағалауға байланысты жұмыс өткізіңіз.

Оқу ісінің меңгерушісі: ___________

Менің отбасым

Мектеп:

Күні :

Мұғалімнің есімі:

СЫНЫП: 1-сынып

Қатысқандар саны:

Қатыспағандар саны:

</<font color="#000000">Оқу мақсаты:

Барлық оқушылар: «Отбасы» тақырыбының әлеуметтік мәселелерін қарастыруды, ұлттық дәстүрлер мен мерекелерді суреттеуді, «отбасылық шежіре», «отбасылық дәстүр» сөздерінің мағынасын түсінуді үйренy;

Оқушылардың басым бөлігі: дағдылы және мереке күндерінің айырмашылығын түсіндіре білу.

Кейбір оқушылар: Алған блімді тәжірибеде қолдана алады.

Тірек сөздер:

отбасы - cемья - family;

отбасылық шежіре - родословная - geneology;

отбасылық дәстүрлер - семейные традиции - family traditions.

Ресурстар:

Түймедақ суреті, рөлдік ойынға арналған үлестірме парақшалар, шежіре ағашы бейнеленген плакат, ашықхат жасауға арналған үлгілер, түрлі-түсті қағаз, желім.

Сабақтың мақсаты:

1.1.2.3 мектептегі тәртіп ережелерін сақтау маңыздылығын түсіндіру

Сабаққа байланысты деректі материалдар

Сабаққа қатысты ескертпелер

Әр адамның өмірінде отбасының маңызы зор. Адамға жалғыз өзі өмір сүру, қиындықтармен күресу қиындық келтіреді. Бір өзі өз табыстарына қуана алмайды. Отбасы ұғымы сүйіспеншілік және қамқорлық туралы алғашқы ізгі ниеттермен байланысты.

Әр отбасында өз дәстүрлері болуы тиіс. Дәстүр

- ұрпақтан-ұрпаққа берілетін әдет-ғұрып және көзқарастар жиынтығы. Дәстүрлерге сонымен бірге отбасылық шежіре құру да жатады. «Шежіре - бұл бір тамырдан тарайтын ұрпақтар ағашы»,- деп атап өтті Н.Ә.Назарбаев өзінің «Қазақстан-2050» Жолдауында. Мұндай дәстүрлерге отбасылық мерекелер де жатады. Отбасылық мерекелерді өткізу отбасы мүшелерін ұйымшыл етіп, қуаныш сыйлайды.

Кейбір отбасыларында дастарқан басында бірге ас ішу, жоспарларды бірге талқылау, мәселелерді бірлесе шешу, киноға, табиғатқа бірге бару сияқты дәстүрлер қалыптасқан.

Қазақ отбасыларында балаларға ерекше көңіл бөлінеді. Бала дүниеге келгеннен бастап («Шілдехана тойы», «Қырқынан шығару», «Тұсау кесер», «Тілашар» және т.б.) бүкіл өмір бойы баланың барлық қуаныштары аталып отырады.

Тұсаукесер дәстүрінің пайда болу тарихы. Бұл дәстүр өте ертеде пайда болған және тек

қазақтарда ғана емес, сонымен бірге басқа да туыстас халықтарда да (қырғыз, алтайлықтар, хакастар) кездеседі. Ерте заманда әлемді жер үсті, жер асты және аспан әлемі деп үш бөлікке бөлген екен. Адам бұл әлемнің барлығында болып қайтуы тиіс екен. Нәрестенің жерасты әлемімен байланысы мықты болғаны сондай, оны өз бетімен үзе алмаған. Оған көмектесу қажет болған. Сол кезеңнен бастап тұсау кесуді жігерлі, рухы мықты адамға сеніп тапсырған. Тұсауды кесе отырып, ол жерасты әлемімен баланы байланыстырып тұратын соңғы жіпті кескендей болады. Бала содан кейін біздің әлемге алғашқы қадам жасайды!

БҰҰ Бас Ассамблеясы 1993 жылы 15 мамырда Халықаралық отбасы күні деп жариялады. Бұл күнді белгілеу туралы шешім әлем жұртшылығындағы көптеген отбасылық мәселелерге назар аудару үшін қабылданды.

1998 жылғы 20 қаңтарда Елбасы Нұрсұлтан Назарбаев Қазақстанда Отбасы күнін мерекелеу туралы жарлыққа қол қойды. Бұл күн қыркүйектің әр екінші жексенбісінде мерекеленеді.

Сабақты «Түймедақ» ойнынан бастауыңызға болады. Түймедақтың ортасына «отбасы» сөзін жазып қойыңыз. Оқушылар әр жапыраққа осы сөзге қатысты сөздерді жазуы тиіс. «Отбасы» тақырыбына әңгіме өткізіңіз.

Сұрақтар қойыңыз: «Отбасының басқа адамдар тобынан айырмашылығы неде? Біздің сыныбымызды отбасы деп атауға болады ма?»

Кел, талқылайық!

• Суретте кімдер бейнеленген?

• Бұл адамдарды біріктіретін не?

Отбасы - ең жақын және туыс адамдар. Әр отбасында жақсы қарым-қатынас болуы өте маңызды. Отбасы мүшелерін

Отбасылық дәстүрлер біріктіреді.

Менің отбасым. Оқушылардан өз отбасы, отбасындағы адамдардың қарым-қатынасы туралы айтуын сұраңыз.

«Қонақжайлылық» ойынын өткізіңіз. Сынып оқушыларын 3-4 топқа бөліңіз. Әр топ өзара әже, ата, ана, әке, балалар, қонақтар рөлдерін бөліседі. Рөлдерді бөліскеннен кейін ойын өткізіледі және оны талқылайды. Әр топтың жақсы жақтарын

айтыңыз: үлкендерге, қонақтарға құрмет көрсете алды ма, отбасы мүшелеріне назар аударды ма?

Дәстүрлер. Оқушылардан өздеріне таныс суретті таңдауын сұраңыз («Шашу», «Бата», «Тұсау кесу» және т.б.). Оқушылар өз өмірлерінде болған оқиғаларды әңгімелейді. Бұл дәстүрлердің қайсысын көргенін айтады.

«Отбасылық шежіре» сөзінің мағынасын оқушылармен бірге ашыңыз. Оқушылардың назарын ағаштың суретіне аударыңыз. «Шежірені неліктен ағашпен салыстырады?» деген сұрақ бойынша оқушылардың ойларын біліңіз.

Сен білесің бе? Оқушылардың пікірін сұраңыз. Адамның өмірі, азамат ретінде қалыптасуы отбасынан басталатыны туралы түсінік беріңіз. Отбасы мәселелеріне көңіл бөлу үшін Халықаралық отбасы күні құрылды. Отбасы күні Қазақстанда да аталып өтіледі.

Анықта. Бұл тапсырманы үйде орындауға беріңіз. Оқушылар үшін өз ата-аналарының балалық шағы туралы білу қызықты болады. Олар өздері жүргізген бақылау нәтижелерін сурет арқылы берсе де болады. Қабілеті жоғары оқушылар суреттерінде ата-аналарының бала кездерінде үлкендерге қалай көмектескенін, қандай ойындарды ойнағанын және қазіргі кезде оқушылардың өздері қандай ойындарды ойнайтынын көрсетеді.

Орындап көр. Оқушыларға ашықхат жасау үшін үлгілер таратып беріңіз. Өз жақын туыстарына тілек жазуды сұраңыз. Ашықхаттың арғы бетіне үй мекенжайын жазсын. Бұл келесі сабаққа арнап алдын ала берілген тапсырма болады.

«Отбасылық шежіреге» туыстарыңның суреттерін желімде.

Сен білесің бе?

15 мамыр - Халықаралық отбасы күні. Қазақстанда Отбасы күнін қыркүйекте мерекелейді.

Сабақтың қорытындысы

Тілдік құзыреттілікті қалыптастыру

Зертте. Оқушылардан Наурыз мерекесі туралы әңгімелеп беруді сұраңыз. Олар өз отбасында бұл мерекені қалай атап өтетіні туралы естеріне түсіріп, әңгімелеп беруі тиіс. Олардың әңгімесін тойда айтылатын тілектер, ұлттық тағам, киіз үй және т.б. туралы қосымша ақпаратпен толықтырыңыз. Наурыз мерекесінің тарихы туралы қысқаша түсінік беріңіз.

Жұмыс дәптеріндегі тапсырма тілдік мақсатты іске асыруды көздейді.

Оқушылар «ана», «әке», «әже», «ата», «аға», «іні», «әпке», «сіңілі» сөздерін үш тілде айта алады.

Пәнаралық байланыс

Қосымша тапсырмалар

Өнер. Оқушыларға өз отбасына қатысы бар заттардың суретін салуды ұсыныңыз. Олар күннің, кемпірқосақтың, ағаштың, үйдің және т.б. суретін

салуы мүмкін. Әр суретке атау беруге болады. Мысалы, «Анам, әкем және мен - тату-тәтті отбасымыз», «Отбасымыз - қорғанымыз», «Біріміз бәріміз үшін, бәріміз біріміз үшін!», «Әрқашан біргеміз» және т.б.

АКТ. Қабілетті оқушыларға өз отбасы туралы шағын таныстырылым жасауды ұсыныңыз. Онда отбасы мүшелерінің суреттерін орналастыруға болады. Оқушылар суретке өз шежіре ағашын сала алады.

Жауабы: Жеті күннен кейін.

Оқушыларға әшекейлі тізбек көмегімен өз отбасын бейнелеуді ұсыныңыз. Оқушылар түрлі-түсті қағаз жолақшаларына өз есімін, анасының, әкесінің, атасының, әжесінің, ағасының, әпкесінің есімдерін жазады. Әр жолақты сақина етіп бекітеді де барлық әшекейлі тізбектерді біріктіреді. Нәтижесінде отбасы шежіресі шығады. Әрқайсында қайталанбас өз отбасы бар екенін байқайды. Оқушылар бір-бірінің әшекейлі тізбектерін біріктіре алады. Оқушылардан барлық әшекейлі тізбектерді біріктірсе, не болатыны туралы тұжырым жасады сұраңыз.

Бағалау

Оқушылар

- отбасылық дәстүрлер туралы;

- Наурыз мерекесі туралы білді;

Оқушылар

- өз отбасы шежіресін жасауды;

- қонақжайлылық ережелерін сақтауды үйренді.

«Тату-тәтті отбасы» ойыны Сенің анаңның анасы саған кім болады?

(Нағашы әже). Менің анамның қызы, бірақ мен емес?

(Әпке, сіңлі).

Сенің әкеңнің әкесі? (Aта). Сенің әкеңнің ағасы саған кім болады?

(Көке).

Сенің әкеңнің әпкесі саған кім болады? (Әпке).

Қорытынды бағамдау

Қандай екі нәрсе табысты болды (оқытуды да, оқуды да ескеріңіз)?

1: Оқушыларды сабақтың әр кезеңінде бағалау.

2: Дарынды және үлгерімі төмен оқушылардың ерекшелігіне көңіл бөлу.

Қандай екі нәрсе сабақты жақсарта алады ( оқытуды да, оқуды да ескеріңіз)?

1: Сабақтың нәтижесіне көңіл бөлу.

2: Рефлексия.

Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім ?

Оқу ісінің меңгеруісі:Композиция. Бейненің өлшеммен қатынасы.

Мектеп:

Күні : 15.11.16

Мұғалімнің есімі:

СЫНЫП: 1-сынып

Қатысқандар саны:

Қатыспағандар саны:

Сабақтың мақсаты

1.1.1.1 Қоршаған ортаның кейбір ерекшеліктерін, таныс бейнелер мен пішіндерін білу (түс, фактура, пішін және т.б.)

Сабақтың міндеттері

Мұғалім үшін: композиция,өлшем ұғымдарымен таныстыру.

Оқушылар үшін: бейненің таңдап алынған қағаз көлеміне тәуелділігін түсіндіре білу.

Нені білулері керек

Суретшілер нені композиция деп атайтынын түсінеді.

Нені үйренулері керек

Үйренген білімдерін тәжірибеде қолданады.

Жұмысқа қажетті материалдар

Түрлі-түсті фломастерлер мен қарындаштар.

Сабақты өткізуге қажетті материалдар,интернет ресурстар

Түрлі бет-әлпетті сипаттайтын суреттер, оқулық пен жұмыс дәптері.

Материалды түсіндіру

Композиция-бейнені қағаз бетіне дұрыс орналастыру.

Сен суретті қағаз бетіне қалай орналастыруды ойласаң, деме композициямен жұмыс істеудесің.

ТІЛДІК ҚҰЗІРЕТТІЛІК

КОМПОЗИЦИЯ КОМПОЗИЦИЯ COMPOSITION

Тақта алдында жұмыс, Өздік жұмыс

Дәптермен жүмыс.

• 48-49 беттердегі композицияларға назар аудар.

• Қағаз парағы суреттің үйі сияқты дегенді қалай түсінесің?

Сабақтың қорытындысы

Өлшемі әртүрлі үш қағаз парағын дайында. Олардың әрқайсысына алмалардың суретін әдемі көрінетіндей етіп бейнеле. Суреттердегі алманың өлшемі қандай?

Кері байланыс

Өз сабағыңызды талдау үшін осы бос орынды пайдаланыңыз. Сол жақта берілген сұрақтарға жауап беріңіз?