4 сыныптың дүниетану пәнінен Дала өсімдіктері мен жануарлары тақырыбына сабақ жоспары

Дүниетану. 4 сынып

Сабақтың тақырыбы:

Дала өсімдіктері мен жануарлары.

Сабақтың мақсаты:

1. Білімділік:

Далалық белдеу,оның ерекшеліктері және дала жануарлары мен өсімдіктері туралы түсінік қалыптастыру.

2. Дамытушылық:

Пәнге қызығушылықтарын арттыру,ой-өрістерін,есте сақтау,өз ойын еркін жеткізу мүмкіндіктерін дамыту.

3. Тәрбиелік:

Қоршаған ортаға,өсімдіктер мен жануарлар әлеміне қамқорлықпен қарауға,ұжымшылдыққа,топпен,жұппен жұмыс істеуге тәрбиелеу.

Сабақтың түрі:

Жаңа білім беру,топпен жұмыс

Сабақтың әдісі:

топтық, жұптық, көрнекілік, сұрақ-жауап,ой толғау

Пәнаралық байланыс:

әдебиеттік оқу,

Сабақтың көрнекілігі:

үлестірме қағаздар, тақырыптық суреттер, тестілік тапсырмалар,мәтіндер,тірек-сызба

Сабақтың барысы:

І.Ұйымдастыру кезеңі.

а) Психологиялық дайындық.

Күннің көзі ашылып,

Көкте шуақ шашылып.

Құтты қонақ келіпті,

Төрімізге еніпті.

Амандасу үлкенге

Тәрбиенің басы ғой.

Ал,кәнеки,бәріміз,

Сәлем берейік үлкенге!

ІІ.Үй тапсырмасын тексеру.

-Өзіміздің елімізде өсетін өсімдіктер жайлы қандай мәліметтер жинап келдіңдер?

Оқушылар жинап келген мәліметтерін айтады.

-Балалар,осы аталған өсімдіктер,жануарлар,құстар жайлы бүгінгі сабақта айтылады.

Жаңа сабақ.

1)Фильмді тамашалау

2)Өлең шумақтары

3)Слайд арқылы

проблемалық сұрақтар

4)Оқулықпен жұмыс

/жұппен жұмыс/

5)Дәптермен жұмыс

6)Топпен жұмыс

-Ендеше,балалар өсімдіктері мен жануарлары жайлы дайындалған фильмді тамашалайық.

-Фильмде көрген өсімдік,жануарларымыз қайда өмір сүреді?

-Далада.

-Осы фильмді көре отырып,бүгінгі тақырыбымызға болжам жасап көріңдерші.

-Олай болса,балалар,бүгінгі тақырыбымыз «Дала өсімдіктері мен жануарлары» деп аталады.

-Осы өсімдіктер мен жануарлар жайлы қандай өлең шумақтарын білесіңдер?

-Балалар,мына слайдта не бейнеленген?

-Дала.

-Ендеше,балалар шөптекті өсімдіктердің жаз бойы жайқалып өскенін-көгал аумағы үлкен болса-шалғынды дала дейміз.

-Келесі суретте не байқадыңдар?

-Егістік -дәнді дақылдар өсірілетін жер.

-Қандай дәнді дақылдардың түрін білесіңдер?

(тары,арпа,бидай жүгері,сұлы)

-Ыстық әрі құрғақ жаз басталысымен дала қуаң тартады.Яғни,өсімдіктердің жер бетіндегі бөлігі қурайды да,

топырақ астында қорегі мол тамырлары қалады.

-Ендеше,балалар,даланың үш түрі болады.Олар:

шалғынды, қуаң, егістік болып келеді.

-Даланы неліктен ормансыз алқап дейміз,өздерің қалай ойлайсыңдар?

-Себебі,ол жерлерде көп ағаштар өспейді.Көбінесе бұталар өседі.

-Неге көп ағаштар өспейді деп ойлайсыңдар?

-Себебі,ол жерлерде өзендер мен көлдер сирек кездеседі.

-Дала мекендеушілеріне нелер жатады деп ойлайсыңдар?

-Өздерің атаған мекендеушілердің суреттерімен танысайық.

-Қандай дала өсімдіктерін білесіңдер?

-Суреттен дала өсімдіктерін көрейік.

-Балалар, қазір жұппен отырып жұмыс жасайсыңдар.

Сендерге екі бөлімнен құралған мәтін таратып беремін. Әр оқушы өз бөлімін оқып болғаннан кейін,бір-біріне түсінгендеріңді айтып бересіңдер.

-Балалар,дәптерлерімізді ашайық.Өз бөлімдеріңдегі берілген

өсімдіктердің,жануарлардың аттарын теріп жазыңдар./кесте арқылы./балалар оқиды

-Бірінші бөлімді оқығандар бір топқа және екінші бөлімді оқығандар екінші топқа жинала қойыңдар.

-Бірінші топ «Жауқазын».

-Екінші топ «Қыран».

-«Жауқазын» тобы өздерінің оқыған бөлігі бойынша «Қыран» тобына сұрақтар дайындайсыңдар?

-«Қыран» тобы өздерінің оқыған бөлігі бойынша «Жауқазын» тобына сұрақтар дайындайсыңдар?

-Әр топтан бір-бір оқушы өздері оқыған бөлімдері жайлы айтып береді.

Көрініс

-Балалар,сендер бүгін даланың түрлерімен таныстыңдар.

Бізге егістік даласынан екі қонақ келіп отыр.Бидай және қаңбақ.Қазір біз Асқар Тоқмағанбетовтың «Бидай мен қаңбақ» атты мысал өлеңінен көрініс тамашалаймыз.

-Ал,балалар,бидай мен қаңбақтың қайсысы дұрыс айтты?

Сергіту сәті.

«Құстар қайтып келеді». (әнмен,қимылмен орындау)

Экологиялық жағдай

-Дала өсімдіктері мен жануарларына қандай қауіп-қатерлер төніп тұр?/өрттен,дауылдан,бостан босқа аулаудан,/

-Осыған байланысты «Экологиялық жағдай» туралы дайындалған слайдымызды көріп,сұрақтарға жауап берейік.

Үлестірмелі қағазбен жұмыс.

1.Сөзжұмбақ.

2. «Жануар» деген сөзден-сөз шығару.

3.Тәуелділік тізбегі.

Рефлексия.

-Бүгінгі,сабақта нені білдік,нені білгіміз келеді?

/нені білгілерің келеді-қызыл кітапқа енгізілген өсімдіктер мен жануарлар жайлы білгіміз келеді/

-Білгілерің келсе мектеп және ауыл кітапханасынан «Қызыл кітап» деген кітапты алыңдар. «Жауқазын» тобы өсімдіктерді, «Қыран» тобы жануарлар жайлы мәліметтер жазып келіңдер.

Үй тапсырмасы:

1-деңгей: мәтінді түсініп оқы.

2-деңгей: жануарлардың төл аттарын жазып келіңдер.

3-деңгей: «Қызыл кітаптан» жануарлар мен өсімдіктер жайлы мәліметтер жазып келіңдер.

Бағалау:

Тест