Открытый урок '«С» дыбысы және әрпі'

Жамбыл облысы, Талас ауданы, Қызыләуіт ауылы

Бастауыш сынып мұғалімі: Шонабаева Азиза Еруовна

Ашық сабақ.

Сабақтын тақырыбы: «С» дыбысы және әрпі.

Сабақтын мақсаты: 1. С дыбысы мен әріп таңбасын

таныстыра отырып,балаларды

С дыбысы бар сөз,сөйлем ойлап

табуына көмектесу және көңіл бөлу,

сөздік қорына мән беру ой-өрісін,

тілін дамытып байланыстыра

сөйлеуге үйрету,ұғымталдыққа

тәрбиелеу.

2. Дидактикалық материалдарды

пайдаланып балалардын ойлау

қабілетін, қиялын, зеиінін дамыту.

3. Ойын арқылы балалардын ой-өрісін

кеңейту және игерген білімдерін

бекіту.

Көрнекілігі: кеспе әріптер,текшелер,плакаттар,әліппе

дәптер.

Сабақтын әдіс-тәсілдері: түсіндіру, ойын, сұрақ-жауап.

Сабақтын түрі: аралас сабақ.

Сабақтын барысы: Ұйымдастыру кезеңі.

Арайлап таң атты.

Алтын сәуле таратты.

Жарқырайды күніміз.

Жарқырайды даламыз.

Қайырлы күн, балалар,

Қайырлы күн, қонақтар.

Үй тапсырмасы:Бб дыбысын оқыту, дауысты және дауыссыз дыбыстардан сөз құрау.

Жаңа сабақ: «С» дыбысы және әрпі.

Жұмбақ.

Білезікке қарайық,

Ұқсайды оған қай әріп? (С әрпі)

Бақшадан жер қазып,

Жиып алдым жез қазық. (Сәбіз)

-Сбіз деген сөздің бында қандай дыбыс естіледі?

-С. (2-3 рет қайталау)

-С дыбысы қандай дыбыс?

-Дауыссыз.

С дыбысына байланысты сөздер ойла.

Сырға,сқина,сағат,сабын,сәбіз,саты,сурет,Сара,сарымсақ.

С дыбысы сөздін басында, ортасында, соңында кездеседі.

Басында: сәбіз,сағат ,сырға.

Ортасында: тасбақа,торсық.

Соңында: ананас,қыс.

Оқулықпен жұмыс:

Сан сал са ба ма са бас

са на са ла са бақ ма сақ қос

са нат са ға са ғат са мал ДОС

-Сара, сабаққа бар. -Асан, сағат қайда?

-Сара қайда? -Сағат қалтамда.

-Ол сабақта -Ол- қалта сағат.

Сап- сап та аш- аш па сал- сал ма

Қап- қап… қаш- қаш… қой- қой….

Сергіту сәті: Ал, балалар тұрайық ,

Қолымызды соғайық,

Оңға қарай иіліп,

Солға қарай иіліп,

Онымызды табайық.

Дәптермен жұмыс: С дыбысын ауада және дәптерге жазу.

Қорыту: С дыбысынан келетін суреттерді табу.

Жұмбақтар шешу.

Жұқа тақтай бөлшегі,

Ұзындықтың өлшемі. ( сызғыш)

Бар ойыңды жиямын,

Ақ қағазға құямын. ( сия)

Еш тесікке тұрмайды,

Ол жақта жер құрғайды. ( су).

Бағалау:

Ашық сабақ.

Сабақтың тақырыбы: Әдептілік әліппесі.

Сабақтың мақсаты: 1. Оқушылардың адам бойындағы ұнамды,

Ұнамсыз қылықтарын ажырата отырып,

әдеп әліппесін бойына дарыту.

2. Тіл байлығын, сөздік қорын дамыту,

Таным белсенділігін арттыру.

3. Әдептілікке, сыпайлыққа тәрбиелеу.

Сабақтың көрнекілігі: кесте, суреттер, сыпайы сөздер,

«Әдептілік әліппесі».

Сабақтың әдісі: түсіндіру,сұрақ-жауап оқыту, жаздыру.

Сабақтың түрі: жаңа сабақ.

Сабақтың барысы: 1. Ұйымдастыру кезеңі. Топпен жұмыс.

Әдеп деген-сіз,

Әдеп деген-біз,

Үлкенге құрмет,

Кішіге ізет.

2.Үй тапсырмасы: Не тәтті? Ереже жаттау.

Мәтінді оқытып сұрақтарға жауап алу.

1. Дүниеде не тәтті?

2. Дүниеде не жұмсақ?

Жуан дауысты дыбыстар: Жіңішке дауысты дыбыстар:

А, О, Ұ, Ы. Ә, Ө, І, Ү, Е.

3. Жаңа сабақ: Әдептілік әліппесі.

-Балалар суреттен нені көріп тұрсыңдар? Немересі әжесіне жол беріп жатыр.Немересі үлкен адамның жолын кеспейтінін біледі.

-Балалар бұл бала қандай бала? (кішіпейіл бала).

Оқушылырға «Әдептілік әліппесі» өлеңін мәнерлеп оқып беремін.Оқушыларға тізбектеп оқытып шығамын.

Сұрақтар қойып жауып аламын.

1. Атасы немересіне қандай ақыл айтты?

2. Ақыл сөздерді қалай түсінесіңдер?

3. Саған ата-анаң қандай ақыл айтады?

4. «Менің атам»тақырыбына әңгіме құрастырып айтқызу.

5. Өлеңнен атаның ақыл сөздерін теріп жаздыру.

Әдепті адам қандай болады?

I- топ. II- топ.

Адал Сыпайы

Жақсы Ақылды

Тіл алғыш Тәртіпті

Қандай сыпайы сөздер білесіңдер?

Рұқсат па? Кешіріңіз

Сыпайы

сөздер

Сәлеметсіз бе Сау болыңыз

өтінемін, ғафу етіңіз.

Оқулықпен жұмыс:

44- жаттығу: Өлеңді мәнерлеп оқыту.

Ең жақын адам.

Еркелесем, күлімдейтін,

Ұрысқаны білінбейтін.

Маңдайымнан иіскеп менің,

«Құлыншағым, күнім»дейтін.

Ф. Оңғарсынова.

1.Алдымен жуан айтылатын,соңынын жіңішке айтылатын сөздерді атау.

2.Аналарың сендерді не деп еркелетеді?

45- жаттығу: Өлеңді оқып, үшінші шумағын көшіріп жазу.

Құлыншақтар,

Қозы, лақтар-

Бәрі-ақ ұйқыда.

Сен- жұлдызым,

Сен- көз нұрым,

Кір тәтті ұйқыға.

М. Жұмабаев.

Мақалдың мағынасын түсіндіру.

Жақсыдан үйрен,

Жаманнан жирен.

Әдепті бала-арлы бала,

Әдепсіз бала- сорлы бала.

Қорыту: «Т» кестесі арқылы сабақты қорытамын.

Әдепті Әдепсіз

Тіл алғыш Жалқау

Сыпайы Ақылсыз

Тәртіпті Бұзық

Кішіпейіл Мақтаншақ

Ақылды Салақ

Үйге тапсырма: « Әдептілік әліппесі» мәтінін мәнерлеп оқу.

Мақалды жаттау.

Бағалау: