'Астана арман қала' 4 сынып

Мақсаты: Астана қаласы туралы білімдерін жүйелеу, болашақта астана қаласын дамытуға деген үлестерін арттыру.

Білімділік: білімдері мен түсініктерін жинақтау, бекіту

Дамытушылық: тақырып бойынша оқушылардьң сөйлеу тілдерін, сауатты жазу қабілеттерін дамыту,

Тәрбиелік: туған жеріне деген сүйіспеншілігін,бас қаламызға патриоттық мақтаныш сезімін туғызу , ұйымшылдыққа тәрбиелеу.

Сабақтың түрі:дәстүрлі.

Сабақтың типі: білімді жүйелеу сабағы

Сабактың әдістері: сұрақ - жауап, әңгімелесу, саяхат, плакаттар, тапсырмаларды орындау, мәнерлеп оқу

Көрнекілік: суреттер,қоржын, карточкалар, фото-
альбом,шарлар, слайд.

Кештің барысы:

I.Ұйымдастыру кезеңі:

а) оқушылармен амандасу;

ә) әңгімелесу;

- Қазір қандай сабақ

- әдебиет нешінші сабақ?

-Сыныпта кім кезекші?

-Кім жоқ?

- Қазір жылдың қай мезгілі?

-Қыста күн кандай болады?

- Қыс айлары қандай?

- Бүгін нешесі?

- Аптаның қай күні?

- Сәрсенбі қандай күн?

Мотивациялық-қозғаушы кезең

Шаттық шеңбері

ҚР Мемлекеттік Гимнін орындау.

II.Үй тапсырмасын тексеру

«Менің туым» өлеңін жатқа сұрау

III. Жаңа сабақ.

Отан - менің ата анам,

Отан - досым,бауырым

Отан - өлкем,астанам

Отан - туған ауылым

• Балалар бүгінгі біздің жаңа сабағымыздың тақырыбы «Астана- арман қала» деп аталады.

• VI. Мәтінмен жұмыс.

Астана - арман қала

Сарыарқа төсінде

Сән беріп Есілге,

Жас қала,бас қала

Астана өсуде.

Күн болып тарайды.

Әлемге нұр шашқан,

Астанам арайлы.

Елордам қуатты,

Шырайлы,шуақты.

Шұғыла шаша бер,

Алтын күн сияқты.

Астанам ақ қала,

Ақ мәрмәр пәк қала.

Шарықтап,қарыштап

Шалқи бер шаттана.

Махмұтбай Әміреұлы

Өлеңнің такырыбы неліктен осылай аталған?

Ақынның Астанаға деген тілегін қай шумақтан оқуға болады?

Ал балалар сендер астана жайлы не білесіңдер?

-Еліміздің астанасы қай қала?( слайд)

- Біздің Республикамыз қалай аталады?

- Елбасымыз кім?

- ҚР мемлекеттік рәміздеріне нелер жатады?

Ал балалар мен сендерге астанамыз туралы аздаған ақпарат берейін.

1997 жылы саяси, экономикалық, халықаралық жағдайларға байланысты республиканың бас қаласы - қазақ жерінің кіндік ортасы - Ақмолаға көшірілді. Жас Қазақстан экономикалық тапшылыққа қарамай қиын да, күрделі шешім қабылдады. Бұл шешім басқа елдерді де таң қалдырған еді. Аз уақыттың ішінде бұрынғы провинциалдық қала адам танымастай өзгерді. Әсем Есілдің жағасын бойлай Президент сарайы, Парламент ғимараты, "Интерконтиненталь" қонақ үйі, Еуразия университетінің жаңа корпусы, Жастар сарайы, министрліктердің үйлері, көп қабатты тұрғын үйлер мен ғимараттар бой көтерді. Парламент үйінің алдында қазақтың үш батагөй билері: Төле би, Қаздауысты Қазыбек би, Айтеке бидің ескерткіштері халқын болашаққа бастағандай бейнеленген. Аспанға атылған ақ барыс мүсіні - жас Қазақстанның XXI ғасырдағы жарқын да бақытты болашағының символындай елестейді. Астананың болашағы әлі алда. Ол Еуразия құрлығындағы әйгілі қала болмақАстана - мемлекеттің саяси, әкімшілік, экономикалық, мәдени орталығы және елдікті, ұлттық бірлікті білдіретін бас қаласы.

ҚР-ның Жоғарғы Кеңесі (1994 жылы 6 шілде, 106-қаулысы) және Министрлер Кабинеті (1996 жыл 6 шілде) ҚР-ның астанасын Алматыдан Ақмолаға көшіру туралы қаулылар қабылдады. Оған себеп Ақмоланың республиканың кіндігінде геосаяси тұрғыдан тиімді орналасуы, қаланың елеулі өнеркәсіптік әлуеті, құрылыс индустриясын одан әрі дамытуға қажетті базаның болуы, ірі тасымал торабына орналасуы әрі қажетті көлік және телекоммуникациялық, инфрақұрылымның болуы, жоғары білікті кадрлар әлеуеті, жеке меншік секторды және кәсіпкерлікті дамыту үшін мүмкіндіктердің молдығы, аймақтағы саяси және әлеуметтік тұрақтылық, қаланы дамытуға қажетті бос жерлердің жеткіліктігі сияқты факторлар еді. ҚР Президентінің жарлығымен арнайы Ақмола экономикалық аймағы (ААЭА) құрылды (1996 жыл 9 қазан).

1997 жылы 20 қазанда ҚР Президенті Н. Ә. Назарбаев "Ақмола қаласын Қазақстан Республикасының астанасы деп жариялау туралы" жарлыққа қол қойды. (1998 жылдың 6 мамырында Елбасының жарлығымен ҚР-ның астанасы - Астана қаласы болып аталды, ал 20 мамырда «Қазақстан Республикасы астанасының мәртебесі туралы» ҚР-ның Заңы қабылданды.

Астананың көрнекті орындары

«Астана -Бәйтерек» монументі Елорданың басты көрнекті орындарының бірі - сол жағалаудағы алғашқы сәулетті құрылыс - «Бәйтерек» монументі. Осынау бірегей нәзік кешен Астананың символдық бейнесіне айналды. Монумент негізіне шетсіз-шексіз мұхит шайып жатқан Көктөбе тауында өсетін, ертегідегі ағаш туралы аңыз алынды. Жыл сайын оның жапырақтарына қасиетті құс - Самұрық алтын жұмыртқа салады. Алайда, жыл сайын оны айдаһар жеп қояды, бұл Күн мен Түннің, Жаз бен Қыстың, Жақсылық пен Жамандықтың алмасуын бейнелейді. Евразиялық кеңістіктің нағыз кіндігінде, өркениеттер тоғысында өмір ағашы - Бәйтерек терең тамырларымен жерді ұстап тұр, ал оның бұтақтары аспанмен таласады. Ғасырлар бойы ауыздан ауызға тараған ежелгі аңыз қайтадан жаңғырды.

Есіл өзенінің сол жақ жағасында жапырақ жайған «Астана-Бәйтерек» заңғар көкке құлаш ұрды. Биіктігі 105 метрлік, салмағы 1000 тоннадан асатын металл құрастырмалар 500 тіреу-қадаларға бекітілген. Әлемде тұңғыш рет диаметрі 22 метрлік, салмағы 300 тонналық күн сәулесімен құбылып тұратын әйнектен жасалған шар 97 метрлік биіктікке көтерілді - бұл Қазақстанның жаңа елордасының 1997 жылдан бастап пайда болғанын еске салады.

"Бәйтеректің негізгі идеясы - ол Бейбітшілік Ағашы. Мұндай ағаштың басты қызметі әлемнің үш деңгейлі құрылымын біріктіру: төменгі жерасты, жер үсті және аспан әлемі. Бәйтерек сәулетінде монументтің жер астындағы бөлігі 4,5 метрлік тереңдікте, мұнда дәмхана, аквариумдар және белгілі суретші Ерболат Төлепбайдың шағын галереясы орналасқан. «Бәйтерек» ағашының діңімен шолу лифтілері арқылы көтеріле отырып (орта деңгей), көктегі деңгей - шарға тап боласың. Шардың ішінде жаңа елорданың келбетін алақанға салғандай көрсететін панарама залы орналасқан. 97 метрлік биіктікте күміс тұмар - Нұрсұлтан Назарбаевтың алақанының таңбасы салынған. Ол мемлекетті және оның азаматтарының бейбіт өмірін, достығы мен келісімін қастерлеп сақтауға үндейді.Этно-мемориалдық кешен алаңды алып жатыр. Картада 14 облыс пен Астана және Алматы қалалары орналасқан. Этно-кешен қызметінің баға жетпес тәжірибесі келешек ұрпақты рухани және патриоттық сезімге тәрбиелеу ісінің жаңа беттерін жазары сөзсіз.

2008 жыл еліміздің елордасы Астана 10 жылдық мерейтойын салтанатты атап өтті. Қазақстанның елордасы Астана - қазіргі заманға лайық, нағыз жаңа қала болып өте қысқа мерзім ішінде тарихымызда бұрын соңды болмаған қарқынмен қарыштап дамып, өзіне ғана тән бет - бейнесімен қалыптасып келеді.

• Сендер Астана қаласына саяхат жасағыларың келе ме?

• Балалар жауабы

• Олай болса, саяхатымызды бастайық.

Біздің елордамыз - Астана қаласы. Ол Есіл өзенінің жағалауында бой көтерген жас қала.

Астана - еліміздің бас қаласы. Қаламыз күн санап көркейіп келеді. Онда көптеген биік, әсем ғимараттар, ойын - сауық кешендері бар.

П.Білімді жүйелеу кезеңі:

1.Тақтаға суреттер iлінеді

- Мынау не?

- Мынау қандай?

- Қалай түсінесіңдер?

1 -тапсырма: Астана туралы әңгімеле (Фото-альбом)

2 - тапсырма: жазбаша жұмыс

Топтастыру стратегиясы

Астана

3 - тапсырма: «

« Астананы көркейтуге қосар үлесім» тақырыбына эссе жазу

Сөзжұмбақ

1. ҚР рәмізі

2. Астана қай өзеннің бойында орналасқан?

3. Көк байрақ

4. Елбасы жыл сайын халқына не жолдайды?

5. Ойын сауық отауы

6. Өздерің туған,өсіп келе жатқан жерлерің?

Қорытынды: Астана көркейе берсін! Зәулім ғимараттар көбейе берсін!Еліміздің болашағы жаркын болсын! Деген тілекпен сабағымызды аяқтаймыз.

Хормен: Тәуелсіздігіміздің тірегі,Еліміздің жүрегі Астанамыз асқақтай берсін.

Үйге тапсырма: Өлеңді жаттап келу

«Заградовка орта мектебі» КММ

Тақырыбы:

«Астана-арман қала »

Өткізген: Мухаметжанова С.Ж

2014-2015 оқу жылы