Математик пәнінен сабақ үлгісі (2сынып)

Сабақтың тақырыбы: Есеп. + 3, - 3
Сабақтың мақсаты:

1. Есеп шығару, қосу мен азайтудың кестелік жағдайлары туралы білімді бекіту, жай есептердің мазмұны бойынша амалды таңдай алу білігін жетілдіру. Сөйлеу тілін, қабілеттерін, өздігінен әрекеттенуді дамыту.

2. Есептерді жазуға және салыстыруға , амалдардың қасиеттерін түсіндіре отырып шығаруда қолдану біліктілігін дамыту.Тапқырлықты, ойлау қабілетін және шығармашылық қабілетті дамыту.

3. Оқушыларды шапшаңдыққа, ұйымшылдыққа, зейінділікке тәрбиелеу.

Сабақтың көрнекілігі: Суреттер, қызықты тапсырмалар

Сабақтың әдісі: аралас сабақ

Сабақтың пәнаралық байланысы: ана тілі, дүниетану.

Сабақ барысы:
І.Ұйымдастыру

• Бізге келіп отырған қонақтар бар, амандасып алайық.

Олай болса:

Бір, екі, үш,

Сынып іші тып-тыныш.

Жалқаулықты тастаймыз,

Сабақты біз бастаймыз.

Мұғалім:

• Балалар, қазір бізде қай сабақ?

• Біз қандай тақырыпты өттік?

ІІ.Үй жұмысын тексеру.

Өткен сабақты еске түсіру. Сандар қатарын қайталау. Тура, сері санау.

Санамақ айту. 3 сан аттай отырып тура, кері бағытта санату. Тақтаға жаздыру.

Логикалық есеп

Карточка тарату (24 оқушыға). Тексеру.
ІІІ.Жаңа сабақ:

Есік қағылды.
Мұғалім:

- Балалар, есікті қаққан кім болды екен? Артқы жақтарыңызға қараңдаршы. Мына домалап келе жатқан бауырсақ емес пе?

Ашылған есіктен домалақ, сары бауырсақ домалап ішке кірді.Бауырсақ домалап келеді де, балалардан көмек сұрайды.

Бауырсақ:

• Балалар, мен қашып келемін, маған көмектесіңдерші!

Балалар:

• Жақсы көмектесеміз, аңдарға жегізбейміз.

Бауырсақ одан әрі домалап кете берді.

Алдынан секіріп қоян шығады.

Қоян:

Қоян шартын қояды: Cурет бойынша есеп құрастыру.

IV. Дәптермен жұмыс.

Дәптерімізді ашайық,

Қолға қалам алайық;

Түп - түзу боп отырып,

Көркем етіп жазайық.

Оқушыларға дәптерге жазуға қойылатын бірыңғай талаптар түсіндіріледі.

Мұғалім:

• Балалар, қазір жылдың қай мезгілі?

• Қыс айларын атаңдаршы.Бүгін қай күн?

Күн ретін жазу. 5 цифрын жазу.

Бауырсақтың алдынан қорбаңдаған аю шығады.

Аюдың шарты: 104 бет, 1 тапсырманы орындау. Есеп шартын түсіндіретін суреттер тақтада ілулі тұрды.
Есепті шығару және салыстыру:
Болғаны - 3 алмұрт, Болғаны - 3алмұрт,

Алғаны сонша алмұрт Алғаны- Сонша Сонша - бірдей
Қалғаны - ? алмұрт Алды - ? алмұрт
Шешуі: 3 - 3 = 0 (а) Шешуі: 3
Жауабы: 0 алмұрт Жауабы: 3 алмұрт

Есеп шартын талдау. - Қандай амалмен орындадық? (азайту)

Сергіту сәті:

Ұзын құлақ сұр қоян,

Естіп қалып сыбдырды.

Ойлы - қырлы жерлермен,

Ытқып- ытқып жүгірді.

Аюдан құтылған бауырсақ одан әрі домалап кете береді.

Бір кезде алдынан қасқыр шығады.

Қасқырдың шарты: «Көрші - көрші» ойыны. Ойынның шарты оқушыларға түсіндіріледі.

Y.Тақтамен жұмыс. 104 бет, №3 есеп
Қосындылардың мәндерін таппай-ақ, өрнектерді салыстыр:
5 + 2 * 5 + 3 6 + 2 * 2 + 6 7 + 3 * 6 + 3

Үш оқушы тақтаға шығады. Қосу амалының компоненттерін атайды. Салыстырады.

Бауырсақ одан әрі домалап келе жатса, алдынан мың бұралған түлкі шығады.

Түлкінің шарты: Өз бетімен жұмыс. №3 есеп.

Мұғалім:

• Бауырсақты орман аңдарынан құтқардыңдар, енді атасы мен әжесіне аман - есен тапсырыңдар! Ол үшін 104 бет, №4 есеп.

Есеп шарты: Өрнек құр және мәнін тап.

Сергіту сәті:

Мынау - менің жүрегім,

Бәрі осыдан басталған.

Мынау - басым ақылды,

Бәрін осы басқарған.

Мынау - менің оң қолым,

Мынау - менің сол қолым,

Барлық істі атқарған.

YI. Қорытындылау. Оқушылар сурет бойынша сонша ұғымын пайдалана отырып, өз беттерінше есеп құрастырды.

Нені оқып, не үйрендік?

• Бүгінгі сабақ сендерге ұнады ма?

Оқушылар сабақтан алған әсерлерін, көңіл - күйлерін тақтаға ілінген смайликтер бойынша көрсетті.

YII. Үйге тапсырма беру.

Күнделікті ашайық,

Тапсырманы жазайық.

Бүгінгі алған білімді,

Ұмытпай есте сақтайық.

104 бет, № 2 есеп, жасыл қоршау.Үй тапсырмасы түсіндіріліп берілді.

VII. Бағалау