Вне классный урок на тему 'Қош бол, бастауышым!' (4 класс)

Ақылбекова Лиза Маутқанқызы.
Астана қаласы № 65 мектеп-гимназиясының бастауыш сынып мұғалімі

4"А", 4"Д" сынып оқушыларының "Қош бол, бастауышым!" атты салтанатты кешінің сценарийі

Өтетін уақыты: 16.05.2015

Өтетін жері: акт залы

Кешке қатысатындар: оқушылар, ата-аналар, ұстаздар.

- Бастауышым, алтын ұям,

Біліміңді ойға жиям.

Өзіңменен қанаттанып,

Өрлейміз біз, асып қиян!

- Қайырлы күн, қымбатты ата-аналар, ұстаздар, оқушылар!

- "Қош бол, бастауышым!" атты салтанатты жиынымызды бастауға рұқсат етіңіздер!

- Күні кеше ғана жүрегіміз үлпілдеп, анамыздың қолынан ұстап мектеп табалдырығын аттаған бүлдіршіндер едік.

- Ал бүгін, міне білімнің бастауы - бастауышпен қоштасқалы тұрмыз!

Хор : "Мектебім"

- Енді міне, оңымыз бен солымызды таныдық, ойымыз да бойымыз да өсті.

- 42 әріпті таныдық, әңгіме, ертегіні нақышына келтіре оқимыз, қойылым қоямыз.

- 1 минутта 100-ден артық сөз оқимыз.

Ішіміздегі ең жүйрігіміз Қайырғали Диана 1 минутта 202 сөз оқиды.

- Математикадан миллиардқа дейінгі сандарды қосамыз, азайтамыз, көбейтеміз, бөлеміз.

- Ойдан есеп құрастырамыз, теңдеу шешеміз, геометриялық фигуралардың периметрін, ауданын және көлемін есептей білеміз.

- Сауатты жазамыз, мазмұндама, шығарма жазуды үйрендік.

Ұстаздарымыз Баян Жұмабекқызы, Алтын Қайыркенқызы, Нұржамал Мұсақызы, Пернегүл Рахатқызы,

Батима Дайырханқызы, Қанат Диекенқызы, Сабира Жайсанбайқызы, Лиза Маутқанқызына мың алғыс!

- Келесі орындалар ән Сіздерге арналады, аяулы ұстаздар!

Хор: "Ұстазым!"

- Бізбен бірге төрт жыл бойы сабақ қарап, біз қуансақ қуанған, біз мұңайсақ мұңайған, бірге шығарма жазып, сурет салған, теске бірге дайындалған қадірлі ата-аналарымызға мың алғыс!

Хор: "Ана ғой"

- Сауле Ермұханқызы бастаған мектеп әкімшілігі біздің жарық та жылы кабинеттерде білім алуымызға, спортпен айналысып, дұрыс тамақтануымызға барлық жағдайды жасады.

- Жансұлу Жұмайқызы бастаған бастауыш сынып әкімшілігі бізге төрт жыл бойы сапалы білім мен саналы тәрбие алуымызға ұйытқы болды.

- Ортаға қалалық сайыстардың бірнеше дүркін жеңімпазы, мектебіміздің мақтанышы Құрманғазыұлы Аянды шақырамыз.

- Аянның орындауында ғы қазақтың дара да дана ақыны Абай атамыздың "Айттым сәлем, Қаламқас" әні мектеп әкімшілігі, сіздерге арналады, қабыл алыңыздар!

- Қымбат Болатбекқызы, Гульмира Кабидоллақызы, Амида Абдуллақызы бізге орыс тілін үйретсе,

Нұргүл Нұридинқызы, Меруерт Серікқызы, Дина Жаңбырбайқызы ағылшын тілінің қыр-сырын үйретуден жалықпады.

- Шынар Қуандыққызы біздің бойымызға адамгершілік қасиеттерді сіңірсе, Айдана Төлеубекқызы бізге спортты сүюге үйретіп, салауатты өмір салтын насихаттады.

- Асем Мананқызы мен Назира Серікбайқызы бізді музыка әлеміне сахатқа шақырып, рухани дамытты, талантымызды ашып, өнердің биік шыңдарына жетелей білді.

- Бес саусағынан өнер тамған Айнұр апайымыз қыл қаламның құпиясын ашып, өз қолымызбен түрлі заттар жасауымызға себепкер болды.

- Барша ұстаздарымызға мың алғыс!

- Келесі әншіміз Жақсылық Фаризаның орындауындағы "Сәби тілек" әні барша ұстаздарымызға арналады, қабыл алыңыздар!

- Осы төрт жылда әрқайсымыз мектеп пен үйдің арасында 816 км жол жүріппіз.

- Осы төрт жылда қыздарымыздың шашы орта есеппен 30 см-ге ұзарыпты.

- Осы төрт жылда мен 1632 рет автобусқа отырыппын.

- Орта есеппен асханадан әр оқушы 680 тарелке тамақ жепті.

- Ал барлығымыз мөлшермен 33320 стақан компот ішіппіз.

- Ал біздің бөлмемізді тазалайтын апайларымыз осы төрт жылда мөлшермен 1632 рет кабинеттің полын жуыпты.

- Келесі орындалар "Астана" әні Сіздердің құрметтеріңізге, аяулы аналар!

- Ортаға Тұңғыш Президент күніне орай өткен қалалық шығармалар сайысының жеңімпазы Жумадильдаева Әселді шақырамыз.

- Біздің бастауышпен қоштасуымыз еліміздегі кезектен тыс Президент сайлауы мен Ұлы Жеңістің 70 жылдығымен тұспа-тұс келді.

- Еліміз аман, жұртымыз тыныш болсын, аспанымызда көк байрағымыз мәңгілік желбірей берсін!

"Қазақстан" әні.

- Ортаға ағылшын тілінде ертегі қоюдан қалалық сайыстың жеңімпаздарын шақырамыз. Ағылшын тілінде "Жеті лақ" ертегісін тамашалаңыздар!

- Құттықтау сөз кезегі ата-аналар комитетіне беріледі.

- Құттықтау сөз аяулы ұстазымыз Лиза Маутқанқызына беріледі.

Финал. - Ортаға әншілеріміз Аян мен Қанатбаева Фаризаны шақырамыз. "Балдәурен" әнін қабыл алыңыздар!