Сауат ашу 'Көкөністер. Жемістер' 1 сынып

1 сынып

Әліппе Сабақ №

Мұғалім:

Сабақтың тақырыбы: Көкөністер. Жемістер.

Сабақтың мақсаты:

Білімділік Оқушылардың сөз, сөйлем туралы білімдерін толықтыру. Сызба арқылы сөз, сөйлем құрау дағдыларын жетілдіру, сөз сызбасымен ондағы буын санымен таныстыру. Тақырыптық суреттер бойынша әңгіме құрастыруға баулу. Балаларды өсімдік әлемімен, оның түрлерімен, пайдасымен таныстыру.

Дамытушылық: Оқушыларды сауатты, мәнерлі, әсерлі оқуға баулу. Шығармашылықпен жұмыс істеуге ықпал ету, ойлау шеберлігі мен сөйлеу мәдениетін дамыту.

Тәрбиелік: Оқушылардың өнерге, білімге деген сүйіспеншілігін арттыру, спортқа баулу. Қоршаған ортаны қорғауға, аялауға тәрбиелеу.

Сабақтың типі: Оқушылардың жаңа білімді меңгеру сабағы..

Әдіс-тәсілдері: СТО технологиясының тәсілдері, түсіндіру, сұрақ-жауап,

көрнекілік көрсету арқылы түсіндіру,жарыс, ойын.

Көрнекілік: Тақырыпқа байланысты суреттер, қималар, заттар.

Сабақтың барысы:

І. Ұйымдастыру кезеңі

ІІ. Үй тапсырмасымен тексеру

ІІІ. Жаңа сабақ.

ІҮ. Жаңа сабақты бекіту.

Ү. Қорытындылау, бағалау.

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Оқушылардың білімді белсенді меңгеруге дайындау кезеңі.

Өткен тақырыпты еске түсіру арқылы білімдерін тексеру.

Жылқы Түйе Сиыр Қой, ешкі

төлдері

------------------------------------------------------------------------------------------

құлын бота бұзау қозы, лақ

Жаңа сабақ.

Сабақ тақырыбы мен мақсатымен таныстыру.

Пікірлесу:

Өсімдік деген не?

Өсімдік не үшін керек?

Қандай өсімдіктерді білесіңдер?

Далада қандай өсімдіктер өседі?

Үйде қандай өсімдіктер өседі?

Бақшада қандай өсімдіктер өседі?

Бақта қандай өсімдіктер (ағаштар) өседі? Т.с.с.

Оқулықпен жұмыс.

Тақырыпты суретпен жұмыс.

Сұрақтармен жетелей отырып өсімдіктерді таныту.

Суреттегі әр жеміс, көкөніс атауына мән беру.

Ол сөздің мағынасын ұғындыра отырып жеке сөздерге сөйлемдер құрату.

Сөздерді буынға бөлу.

Сөз сызбасындағы буын санын анықтау.

Сурет ішінен екі, үш буынды сөздерді тапқызу.

Өздеріне екі, үш буыннан тұратын сөздер ойлату.

Сөзжұмбаққа тиісті төл атауын тауып қою.

Сергіту сәті.

Ойын «Дүкенде»

Жазу жұмысы.

Жазу дәптеріндегі үлгімен жұмыс.

Саусақтарға арналған жаттығулар жасау.

.

Сабақты қорыту: Біз не білдік? Талқылау.

Оқушы білімі мен белсенділігін бағалау.