7


Әліппе деген - алтын жол

Автор публикации:
Дата публикации:
Краткое описание:
предварительный просмотр материала

Тақырыбы : «Әліппе деген алтын жол, апарар сені алысқа»

Мақсаты : 1. Оқушылардың әліппеден алған білімдерін тиянақтау, өз

өнерлерін ата- аналарға көрсету.

2. Оқушылардың тіл байлығын, дүниетанымын, оқуға деген

қызығушылығын дамыту. Оқушылардың сөздік қорын молайту.

3.Білім нәрін беріп, сауатын ашқан алғашқы оқулығы әліппеге

</ құрмет көрсетуге, оқуға, білімге деген сүйіспеншілігін арттырып, отансүйгіштікке тәрбиелеу.

Көрнекілігі: жалаушалар, нақыл сөздер, шарлар, суреттер





Барысы:

І. Кіріспе бөлім.

«Жаңалықтар» бағдарламасы.

Видео кіру.

- Армысыздар, құрметті қонақтар! Кеше ғана көздері жаутаңдап, мектеп табалдырығын алғаш аттаған, кішкентай бүлдіршіндеріміз бүгін, міне, бойлары да, ойлары да өсіп, ойларына ой, саналарына сана қосып, өздерінде жауапкершілік сезімі пайда болып, білім асуының алғашқы белесінен аман- есен асып, тағы бір жасқа есе йіп отыр.

«Әліппе» -бұл бүкіл ғылым дүниесінің алғашқы есігі, білімге бастайтын алғашқы соқпақ. Бүгін сіздердің алдарыңызда шәкірттер төрт ай бойы әліппеден және басқа пәндерден оқығандарын көрсетпек.

Армысыздар, әлеумет, кеш қонағы.

Бүгін бізде мереке аса мәнді.

Қуанып зер салайық, ей халайық!

Балғындарды қошеметпен қарсы алайық!

(әуен ойналады, оқушылар ортаға шығады.)

Ұлдар: Ассалаумағалейкум, ағайындар!

Қыздар: Армысыздар аяулы ұстаздар, ақ жаулықты аналар, ардақты әкелер!

Барлығы: Қош келіпсіздер, құрметті қонақтар!

І-жүргізуші: Бүгін біз шексіз қуаныштымыз, өйткені алғаш хат танытып, сауатымызды ашқан әліппе оқулығын бітірдік.

ІІ-жүргізуші: Олай болса, бүгінгі «Әліппе деген алтын жол, апарар сені алысқа» атты ертеңгілігімізді бастауға рұқсат етіңіздер!

І-жүргізуші: Айтыңдаршы, балалар,

Болашаққа жол ашар.

Іші толған әріпке

Білімдегі жарық не?

Балалар хормен. Болашаққа жол ашқан ,

Ол сүйікті Әліппе!

Мұғалім: Олай болса, бәрімізге ең қымбат Әліппені ортаға шақырайық!

Хормен: Әліппе! Әліппе!

Әліппе келеді. «Әліппе» әні орындалады.

Әліппе: Сәлеметсіңдер ма, балалар? Мен сендермен төрт ай бойы бірге жүрдім. Бар білімімді, күш жігерімді сендерге арнап, сауаттарыңды аштым. Енді мен сендермен қоштаспақпын. Балалар, енді ата-аналарға, ұстаздар мен қонақтарға төрт ай бойы менен не үйренгендеріңді көрсетіңдер!





Хор: Әліппе.





Инкар:





1- оқушы: Ең алғаш алғанымда Әліппені,

Қызығып қарай бердім әріптерді.

Мен үшін жұмбақ болып қалар ма еді,

Ұстазым оның кілтін алып берді.

2- оқушы: Келгенде алғаш мектепке,

Білмеуші едік әріп те.

Оқимыз қазір ертек те,

Үйреткен оны Әліппе.

3- оқушы: Енді біз жаза білеміз,

Әріпті қосып әріпке.

Риза боп саған жүрегіміз,

Сүйікті біздің, Әліппе!

4- оқушы: Әліппені бітірдім,

Жаза аламын атымды.

Әліппені бітіріп,

Бала болдым ақылды.

5- оқушы. Әліппемен қош айтысып қаламыз,

Енді қолға Ана тілін аламыз.

Ата- ана қуанышқа ортақ бол,

Сауатты боп шықты балаңыз.

6- оқушы: Әліппем менің Әліппем,

Қолыма сені алып мен.

Есігін аштым мектептің,

Ертеңгі сәуле жарықпын.

7- оқушы: Бітті әліппе сан сабақ,

Бүгінгі күн салтанат.

Өзге оқулық достаспақ,

Әліппемен қоштаспақ.

Шахманова Назгуль:





Абакова Дильназ: «Бектембек»





І- жүргізуші: Алфавитті жаттадық,

Онда жүйе қалып бар.

Біздің қазақ тілінде,

42 әріп бар.

ІІ- жүргізуші: Сан әріпті үйрендік,

Бүгін бізге сеніңдер.

Әріптер әлеміне,

Саяхаттап көріңдер.

8- оқушы: Әліпбидің А тұрады басында,

Әрқашанда Ә тұрады қасында.

Байқадың ба Б тұрады үшінші,

Ал осының сыры неде? Түсінші!

9- оқушы: «А» деген ол - аналар ғой ардақты,

«Ә» деген ол- әкелер ғой салмақты.

«Б» деген ол- балалар ғой көңілді,

Біздің елде үшеуі де кәделі.





Ән: «Аппақ қар»

Би: Айгөлек





10- оқушы: А- Ардақтымыз анамыз,

Аялаған баламыз.

Ақыл- сана, ой берген,

Ана тілін аламыз.

11- оқушы: Ә- Әдеп деген немене?

Әдеп- тәртіп, білеміз.

Әдеппен сөйлеп, күлеміз.

Әрқашан жұрт алдында,

Әдеп сақтап жүреміз.

12- оқушы: Б- Бабаға қарт киелі,

Баласы бас иеді.

«Бала- бауыр еті» деп,

Баласын ол сүйеді.

13 - оқушы:Д- Досты сыйлау- салтымыз,

Достық жасау- шартымыз.

Достық деген- ынтымақ,

Достасады халқымыз.

14- оқушы: Ж- Жақсы көрем інімді,

Жақын тартып күнімді.

Жалынды жас, әдепті,

Жарқын інім- білімді.

15- оқушы. О- Оқып, білім аламыз,

Оттай болып жанамыз.

16- оқушы: Барлық әріп бағалы,

Айттық әділ бағаны.

Әріпсіз сөз болмайды,

Буын онсыз толмайды.

Адам барлық әріпті,

Ардақтайды қолдайды.

17 оқушы: Бәрімізді сүйіп өткен,

Балаларға үйреткен.

Әліппе мен ұстазға,

Бас иеміз құрметпен!





Ермекказыев Дамир:

Әлен Әлинұр:

Мұғалім: Балалар, Әліппе сендерді оқуға, жазуға үйретті. Сол үшін әліппе достарыңа не айту керек?





Қыздар: Балаларға ақ тілек,

Ұлдар: Болашаққа бақ тілеп,

Хормен: Біздерге білім үйреткен,

Әліппе, саған рахмет.

Видео: «Әліппе деген алтын жол, апарар сені алысқа»





Ән: «Мұғалім ол біздің»





Әліппе: Ретімен тізбелі,

Әрбір санды даралап.

Қайсың барсың бізге енді,

Айтып берер санамақ?

17- оқушы: 1 дегенім- бесік,

Шықтың содан өсіп.

18- оқушы: 2 дегенім- елім,

Далам, тауым, көгім.

19- оқушы: 3 дегенім- үміт,

Үміт артар жігіт.

20- оқушы: 4 дегенім- төзім,

Төзе білем өзім.

21- оқушы: 5 дегенім- бақыт,

Бағалайтын уақыт.

22- оқушы: 6 дегенім- ақыл,

Тыңдағаның мақұл.

23- оқушы: 7 дегенім- жалау,

Жүректегі алау.

24- оқушы: 8 дегенім- сөзің,

Серт беретін кезің.

25- оқушы: 9 дегенім- тоқтау,

Елдің жоғын жоқтау.

26- оқушы: 10 дегенім- Отан,

Қорға соны ботам.









Ойын: «Тілек»

Раисова Аружан: «Ақбұлақ»





Аривва биі.





Әліппе: Ризамын балалар,

Меңгердің, болмадың босқа тер.

Ана тілі атты әпкем бар

Сендерді жетелеп әкетер.

Ортаға ана тілі келеді.

Ана тілі: Сәлеметсіздер ме, балалар?

Барлығы: Қош келдіңіз, Ана тілі.

Ана тілі: Сөйлетер сөзді шеберлеп,

Өзіңнің ана тіліңмін.

Байптап жақсы оқысаң,

Негізі менде білімнің.

Ана тілің-құралың,

Ана тілің-ұраның

Ана тілің болмаса,

Мықты болмас тұрағың.

-Ал, балалар сендердің мені оқуға қаншалықты дайын екендеріңді тесермекпін. Сендерге тапсырмалар алып келдім. Орындауға дайынсыңдар ма?

-Ендеше, менің бірінші тапсырмам: Қолдарыңа әрәптер беремін. Сол әріптен басталатын сөздер жазуларың керек. А, Ә, Б, О.

2-тапсырма. Мақал- мәтел мен жұмбақтар білеміз бе? Кәне, кім айтады?

3-тапсырма. Отан, туған жер, тіл туралы қандай өлеңдер білесіңдер?

Ант қабылдау:

Құрметті «Ана тілі» , біз әліппеден оқып үйренгенімізді сізбен әрі қарай жалғастырамыз. Сіздің біліміңізді қадір тұтамыз, құрметтейміз және Сізді өте жақсы оқуға ант етеміз!

Әліппе: Оқуда зейінді болыңдар,

Еңбекке бейімді болыңдар.

Кір шалмасын қабақты,

Ақ жол болсын балалар,

Оқығандарың есте болсын,

Күнделіктерің беске толсын.

- Ал, балалар, сау болыңдар!

- Қош болыңыз! (Бәрі бірге)

Хор: Болайықшы осындай

Мұғалім: Бүгінгі кеш әр үйдің «Той басы» деп саналар,

Балалардың есімі әулеттерге таралар.

Ырым етіп сондықтан ертеңгілік соңында,

Ақ тілекпен баршаға тілек айтар қонақтар.

(Қонақтарға сөз беріледі). Оқушыларды марапаттау.







 
 
X

Чтобы скачать данный файл, порекомендуйте его своим друзьям в любой соц. сети.

После этого кнопка ЗАГРУЗКИ станет активной!

Кнопки рекомендации:

загрузить материал