ӘДебиеттік оқу. Тақырыбы: 'Кімнің мекені жақсы?' 2-Сынып

Жамбыл Жабаев атындағы №26 орта мектеп

Айымбетова Р.Ж.

Әдебиеттік оқу 2-сынып

Сабақтың тақырыбы: Кімнің мекені жақсы? Сәкен Жүнісов.

Сабақтың мақсаты:

Білімділік Сәкен Жүнісовтың «Кімнің мекені жақсы» әңгімесінің мазмұны мен идеясын меңгерту.

Дамытушылық: Оқушыларды сауатты, мәнерлі, әсерлі оқуға баулу. Шығармашылықпен жұмыс істеуге ықпал ету, ойлау шеберлігі мен сөйлеу мәдениетін дамыту.

Тәрбиелік: Туған жерді , елді, ел рәміздерін, елордамызды қастерлеуге тәрбиелеу.

Сабақтың типі: Оқушылардың жаңа білімді меңгеру сабағы..

Әдіс-тәсілдері: СТО технологиясының тәсілдері, түсіндіру, сұрақ-жауап,

көрнекілік көрсету арқылы түсіндіру,жарыс, ойын.

Көрнекілік: Суреттер.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс: «Отан», «Отан туралы» жаттау.

Оқушылардың білімді белсенді меңгеруге дайындау кезеңі.

Жаңа сабақ.

Сабақ тақырыбы және мақсатымен таныстыру.

1. Жұмбақты шеш.

Екі басы жұдырықтай,

Ортасы қылдырықтай.(Құмырсқа)

Қос мекенді жануар?(Құрбақа)

Жыл басы қай жануар?(Тышқан)

Балалар осы құмырсқа,құрбақа,тышқан үшеуі жолға шығады.Олар жолға неге шықты деп ойлайсыңдар?Оны білу үшін алдарыңдағы араласып кеткен сөздерді орнына қойасыңдар,олардың жолға неге шыққандарын білесіндер. «Кімнің мекені жақсы?»Олардың саяхаты туралы белгілі жазушы Сәкен Жүнісов әңгімелейді.

Автор туралы мәлімет беру.

Сәкен Жүнісов 1943 жылы Көкшетау облысы,Қызылту ауданында дүниеге келген.Жазушының «Шәркей» «Ақан серә» «Аманай мен Заманай» шығармалары бар.Қазақтың халық жазушысы.Ақын,әнші,сазгер,сері.

«Мекен » сөзінің мағынасын ашу.

Өз мекендері туралы әңгімелеу.

Оқулықпен жұмыс. І бөлім.Ітоп,2бөлім.ІІтоп,3бөлім.ІІІтоп .Әр топтан балаларды шығарып әңгімелету.

Әңгімені мәнерлеп оқу.(Дауыс ырғағына баса көңіл беру)

Оқушылармен рөлге бөліп оқу.

1.Қалай ойлайсыңдар, үшеуіне осы мекен ұнадыма?2.Бөлімге қандай ат қояр едің?

ІІтопқа.Олар қандай жерге келді? Табиғатта қандай өзгерістер болды?

ІІІ топқа.Олар қайда оралды?Олар өз мекендеріне келгенде қандай сезімде болды?

Әңгіме кейіпкерлері туралы сұрау.

Құрбақа

Құмырсқа

Тышқан

Суреттеу.

Қандай жерде тіршілік етеді?

Нені ұнатады деп ойлайсыңдар?

Қалай ойлайсыңдар, құрбақа, тышқан, құмырсқаға осы мекен ұнады ма?

Құмырсқаға бұл жер ұнамады. Өйткені ол батпақ жерде өмір сүре алмайды

Көккұтан,Бозторғай,Жауынқұрт өз менені,қонысы туралы не деді?

Балалар ,ең жақсы мекен, жайлы қоныс қай жер екен?

Әркімнің өз мекені,өз туған жері екен.

1.Туған жердей жер болмас,

Туған елдей ел болмас.

2.Әркімнің өз жері-Мысыр шаһары.

3.Бақа көлінде патша,

Балық суында патша

Жігіт елінде патша.

Сабақты қорыту: Біз не білдік? Талқылау. «Туған жер» туралы эссе жазу.

Үйге тапсырма: Әңгімені мәнерлеп оқу, мазмұнын айтуға дайындалу. «Туған жер» тақырыбына сурет салу.

Оқушы білімі мен белсенділігін бағалау.