Әдебиеттік оқу Көк кептер (2 сынып)

Сабақтың тақырыбы: М.Гумеров. Көк кептер

Сабақтың мақсаты:

Білімділік: оқушыларға мәтіндегі негізгі ойды, идеяны ұғындыру, мәтінді талдауға үйрету. Мәтінмен жұмыс жүргізуге баулу;

Дамытушылық: сөздік қорын арттырып, сөйлеу тілін дамыту. Құстар және табиғат жөніндегі танымдық білімді толықтыру;

Тәрбиелік: табиғатты сүюге, құстарға қамқорлық жасап, күтуге, достыққа, жолдастыққа тәрбиелеу.

Сабақтың түрі: аралас сабақ

Сабақтың әдісі: ауызша әңгіме, оқулықпен жұмыс, проблемалық сұрақ-тапсырма.

Көрнекілік: кептердің суреті, сөзжұмбақ 9 құс, Венн диаграммасы.

Сабақтың барысы:

І. Ұйымдастыру кезеңі.

Психологиялық ахуал

ІІ. Білімді жан-жақты тексеру кезеңі.

• Балалар, қай көл өз арнасынан төмен түсіп, экологиялық зардап шегіп отыр?

• Балқаш

• Біз өз сыныбымыздың ішінен осы Балқаш көліне байланысты қайырымдылық іс-шара ұйымдастырайық.

• Сендер өздерің бір-бір тамшы болса да өз үлестеріңді қоса аласыңдар.

• Көлдің сәні не?

• Құстар

• Ендеше, мына «9 құстың атын тап».

ІІІ. Оқушыларды жаңа материалды саналы және белсенді игеруге даярлау.

Жұмбақ - сурет «9 құс» сөзжұмбағын шешіп көрейік. Сөзжұмбақтың әрбір сөзін дұрыс тапқан оқушы, тамшы болып Балқаш көліне өз үлесн қосады.

1. Үй 0 0 0 (үйрек)

2. 0 0 0 0 0 шін (көгершін)

3. 0 0 0 кіт (бүркіт)

4. 0 0 кек (көкек)

5. Ит 0 0 0 0 (ителгі)

6. 0 0 0 0 лақ (жапалақ)

7. 0 0 0 торғай (бозторғай)

8. Бәбі 0 0 0 (бәбісек)

9. 0 0 0 қазан (бірқазан)

• сонымен қатар, әрбір тамшының артында әріп жасырынған.

• Балалар, тамшылардың артынан қандай сөз шықты? («Көк кептер»)

ІV. Жаңа білімді меңгерту.

• Бүгінгі сабағымыздың тақырыбы «Көк кептер».

• Енді мына суретке назар аударыңдар, кептер жерде қанатын сабалап, тыпырлап ұша алмай жатыр. Кептер осындай жағдайға қалай душар болды деп ойлайсыңдар?

Кептер - кептертәрізділер отрядының бір тұқымдасы. Жер шарында кең таралған Қазақстанда 2 туысы: кептер (6 түрі) және түркептер (4 түрі) бар. Кептерлердің қолға үйретілген түрін халық арасында - көгершін деп атайды.

Машқар Гумеров - 1927 жылы 11 қарашада Башқұртстанның Асқын ауданындағы Күбияз елді мекенінде ауыл молдасының отбасында туған. 1937 жылы үй-ішімен Солтүстік Қазақстан облысына көшіп келіп, қазақ орта мектебінде оқыған. Ұлты татар болғанымен, шығармаларын тек қазақ тілінде жазады. 1957-1977</ жылдары «Қазақстан», «Жазушы», «Жалын» баспаларында редактор болып қызмет атқарды.

V. Оқулықпен жұмыс.

Машқар Гумеров. «Көк кептер»

• мәтінді оқушылардың оқуы

• сөздік жұмысы

• Мәтін не жайлы?

• Мәтіндегі кейіпкерлерді ата.

• Мәтіндегі оқиғаны талдау.

Дәптермен жұмыс.

VІ. Оқушылардың жаңа материалды түсінгенін тексеру

• Нүсіпбектің орнында сен болсаң қайтер едің? Аймағанның орнында болсаң ше?

• Шала-жансар көк кептерді қалай өлімнен құтқарып қалуға болады?

• Нүсіпбек пен Аймаған арасындағы достыққа өз көзқарасыңды білдір.

VІІ. Жаңа материалды бекіту кезеңі.

• Кейіпкерлерге (Нүсіпбек пен Аймағанға) мінездеме бер.

Екеуіне ортақ қасиет

Аймаған

• Нүсіпбек пен Аймағанға ұқсайтын балаларға сендер қандай ақыл бересіңдер?

• Мәтіннен көк кептердің аянышты халі айтылған жолдарды тауып оқы.

VІІ. Үйге тапсырма: Көк кептер оқу, мазмұндау.

VІІІ. Бағалау. Сабаққа белсене қатысқан оқушыларды бағалау.