Бақылау диктанттар жинағы 1 сынып

Бақылау диктанты

Мақсаты:

• Оқушылардың әліппе пәнінен мемлекеттік стандарт бағдарламасының меңгертілуі деңгейін тексеру.

• Сауатты, көркем жазу дағдыларын жетілдіру.

Оқушылар гүл екті. Мұрат жер қазды. Үміт гүл отырғызды. Гүлжан оған су құйды. Гүл жайқалып өсті. /16 сөз/

Грамматикалық тапсырма:

1. Дауысты, дауыссыз дыбыстардың астын сыз.

2. Оқушылар, Үміт, су сөздерін буынға бөліп жаз.

Бақылау диктанты.

Мақсаты:

• Оқушылардың әліппе кезеніндегі алған білім, біліктілерін деңгейін зерттеу.

• Мәтінді сауатты барлық каллиграфиялық талаптарға сайкес есту арқылы жазу.

Қыс.

Күн суытты. Қар жауды. Мұз қатып қалды. Балалар жылы киініп далаға шықты. Қардан аққала соқты. Шаңғы, шана тепті. /18 сөз/

Грамматикалық тапсырма:

1. Қар сөзіне дыбыстық талдау жасау.

2. Жіңішке дауысты дыбыстардың астын сызу.

Бақылау диктанты

Мақсаты:

• Оқушылардың өткен тақырыптар бойынша оқып үйренген білімдерін, меңгеру дәрежесін анықтау.

• Сауатты, көркем жазуға дағдыландыру.

Әдепті бала.

Нұржан мектептен келді. Қолын жуды. Тамақ ішті. Анасына алғыс айтты. Терезеден далада ойнап жүрген достарын көрді.

(18 сөз)

Грамматикалық тапсырма:

1. Әдепті сөзіне дыбыстық талдау жасау.

2. жуан дауысты дыбыстардың астын сыз