Внеклассный урок на тему Родина

«Менің Отаным- Қазақстан.»

Тәрбие сағатының тақырыбы: Менің Отаным-Қазақстан.



Мақсаты: Оқушылардың «Отан», «туған ел» туралы түсініктерін кеңейту, өз елін, туған жерін сүюге, патриоттық сезімге тәрбиелеу, отансүйгіштік сезімін қалыптастыру,еліміздің мемлекеттік нышандарына, дәстүрлеріне, тарихына, Қазақстан Республикасының Конституциясына мақтаныш сезімдерін ояту және оған құрметпен қарау, рухани

адамгершілікке тәрбиелеу.

Көрнекілігі: Портреттер, еліміздің рәміздері, шарлар, интерактивті тақта, суреттер.



Барысы: 1. Ұйымдастыру кезеңі

Оқушылар біз бүгін «Менің Отаным-Қазақстан» тақырыбында тәрбие сағатын өткелі отырмыз.

-Балалар, біздің Отанымыз қалай аталады екен?

-Қазақстан.

-Қазақстан жері қандай?

-Қазақстан жері үлкен,әдемі,әрі бай.

2. Мұғалімнің кіріспе сөзі.- Отан - әр адамның жүрегіне жылы тиер қасиетті сөз. Отан - сенің туған елің, туған жерің, дос - жарандарың, туған - туысқаның. Отан - бұл өзіңнің тұратын, өмір сүретін, қызмет ететін жерің. Осы үлкен Отанның ішінде әр адамның өзі туған, өзіне өте жақын ауылы, қаласы, көшесі бар. Әрбір адам үшін туған ел, туған жер әруақытта да қымбат. Өйткені, сен туған өлке, саған алтын бесік - атамекен болып саналады. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Туған ел, туған жерсіз адамның күні жоқ.

- Туған ел, туған жер деген сөздер адамның жүрегіне жылы әсер етеді.

- Туған елін, өскен жерін сүю әр адамның парызы.

- Әр адам туып өскен жерін аялайды, қастерлейді, қорғайды, мақтан тұтады.

- Өйткені, Отан - алтын бесігіміз, ата - анамыз!

- Біздің Отанымыз қалай аталады?

- Астанамыз қай қала?

- Еліміз өз тәуелсіздігін қашан алды?

- Дұрыс - ал, балалар, ендеше Отан, туған ел туралы жырлап, ән

шырқайық.

Мөлдір

1.- Асыр салған таласып,

Біз - туған ел баласы.

Қандай байтақ Отаным,

Жан - жағыңа қарашы.

Ержарқын

2.- Жеңдіріп біз ашуды

Ақылға әркез келеміз

Азамат боп ержетіп

Ағаларға ереміз.

Жадыра

3.- Отаным кең көсілген

Төсінде ырыс өсірген

Қаптаған мал, алып дән,

Бәрі менің несібем.

Камила

4.- Жайнатар кең өлкені

Болашақтың ертеңі.

Біз - бақытты балдырған

Ата - ананың өркені.

</ Кенже

5.- Біз бейбіт ел ұланы,

Өнер - білім ұраны

Алдымыздан жақсы арман

Күлім қағып тұрады.

Хор: Ән «

6.- Отан - сенің ата - анаң

Отан - досың, бауырың.

Отан - өлкең, астанаң,

Отан - аудан, ауылың.

7.- Отан - тарих, Отан - тіл,

Жасаған елің, ер халқың

Отан - өлең, Отан - жыр,

Көтерген көкке ел даңқын.

8.- Отан - осы достарым,

Көңілге мұны түйе біл.

«Отан» деп өс, жас қауым,

Оны ардақтап сүйе біл.

9.- Айнымайды аспаннан,

Біздің тудың бояуы.

Оны халық қашан да,

Биікке іліп қояды.

10.- Оттай жанып жанарың,

Одан қуат аламын.

Әнұран - ол тынысы,

Кең жазира даламның.

11.- Қастерлемес даңқын кім,

Қадірлемес салтын кім.

Әнұраны елімнің -

Үні, Тілі халқымның.

12.- Жалауымда көгілдір

Күн күледі төгіп нұр

Қыран бейне қанатты

Көкке самғар елім бұл.

13.- Елтаңбасы елімнің,

Елдігімнің белгісі.

Мұнда да бар ерлігім,

Мұнда да бар жер күші.

Хор: «Елтаңбасы елімнің»

14.- Жақсы көрсе жарықты,

Еске ұстасын кім - кімде.

Қазақ деген халықтың,

Бақыты тұр бұл күнде.

15. Отанды біз атамекен,

Деп аялап атаймыз.

Өйткені онда мекен еткен,

Бабамыз бен атамыз.

16.- Отанды жас - кәріміз де,

Туған жер деп сүйеміз.

Өйткені онда бәріміз де,

Туып өмір сүреміз.

17.- Отанды әркім анасындай,

Қастерлейді, қолдайды.

Өйткені Отан баласындай,

Бізді асырап қорғайды.

18.- Қуат алған өзіңнен,

Туған елдің ұлымын.

Бақытты етіп өсірген,

Отанымның гүлімін.

Отан туралы санамақ айту.



Мұғалім:- Иә, балалар, елін, жерін сүйетін азамат болып шығу үшін қандай бала болуымыз

керек?

- Білімді, өнерлі, ақылды, еңбексүйгіш бала болуымыз керек.

- Дұрыс - ақ, ендеше Отан, туған жер, өнер, білім туралы қандай мақал - мәтелдер білеміз?

«Жалғасын тап» ойынын ойнайық.

1. Өнерлі қайда жүзеді?...

2. Өнерлінің қолы алтын...

3. Білекті бірді жығар...

4. Білім таппай мақтанба...

5. Қына тасқа бітеді...

6. Оқусыз білім жоқ...

7. Ақыл азбайды...

8. Талант қартаймайды...

9. Әріптен білім...

10. Отан оттан да қандай?...

11. Туған жердің күні де ыстық...

12. Отансыз адам...

13. Туған жерге... тік.

14. Ит тойған жеріне, Ер...

15. Туған жердей жер болмас...

16. Ел іші алтын...



Хор: Ән «Топ - топ балақан»

Мұғалім:- Әрбір адам туғаннан - ақ ел бесігінде тербеледі. Өйткені, ол сол жердің топырағында өсіп, суын ішіп, ауасымен тыныстайды, табиғатпен біте қайнасып, адам болып қалыптасады, сол ортадан тәрбие алады. Сол себепті, өз елінің, өз Отанының

азаматы ретінде Отанына сүйіспеншілікпен қарайды. Әрбір адам үшін туған жерден ыстық, қадірлі, қымбат ештеңе жоқ. Болуы да мүмкін емес!

Интерактивті тақтадан Елордамыз Астана қаласына саяхат жасайық.



Хормен:- Жаса, жаңа Астанам,

Өркен жая бастаған.

Болашақтың есігін,

Өз қолыңмен аш маған.

- Астана - біздің сәніміз,

Білім - біздің нәріміз.

Азат елдің тірегі,

Болайықшы бәріміз.



Хор: Ән -«Туған өлкем»