- Учителю
- Конспект урока по крымскотатарскому языку развитие речи Роль мамы в жизни человека
Конспект урока по крымскотатарскому языку развитие речи Роль мамы в жизни человека
Нутукъ инкишаф дерси
Мевзу:
Дерс планы
Мевзу: Инсаннынъ аятында ананынъ эмиети.
Макъсат: Ана образыны ачыкъламакъ, адамнынъ аятында ананынъ эмиетини къайд этмек, ана-бабаларгъа урьмет ве севги ашламакъ. Ана тили дерслерине меракъ ашламакъ.
Дерс донатмасы: Эпиграф, аталар сезлери, шиир.
Дерс кетишаты
I. Тешкилий къысым. Невбетчининъ рапорты.
Джанымдан азизим, козюмде нурум,
Эр шейден къыйметли, севимли ана!
Бахтым, къуванчым, къальбимде сырым,
Гуль багъым, баарим, севимли ана!
Оджа:
- Бу дертлик кимге багъышлангъан? (анагъа)
Бугунь, балалар, биз дерсимизде дюньяда энъ азиз, энъ къыйметли, энъ мукъаддес адамгъа багъышлайджамыз - озь аналарымызгъа.
Ана сезю сизде насыл ассоциациялар догъура? Ана насыл?
Не япа?
азиз
дост дюньягъа кетире
м
ераметли
севе, тербиелей
к
ъыйметли
АНА вазифелери огрете, осьтире
севимли юва, пишире
назик дюльбер ашата, кийиндире
бахт бере
Оджа: Машалла, балалар! Бу сезлер бизге дерс девамында ярдым этеджеклер.
III. Янъы мевзу устюнде чалышув.
Оджа: Балалар, бугунь биз эки группа тешкиль этип чалышаджамыз. Эр бир группанынъ ичинде бир рессам, бир корреспондент олмакъ керек. Къалгъанлары шиир устюнде чалышаджакъ.
Вазифелер:
Рессам: озь группасында ана образынынъ ресимини ярата ве къорчалай.
Корреспондент: Интервью алмакъ ичюн, талебелернинъ фикир юрютивлери эсасында суаллер тизе ве дерснинъ сонъунда интервью ала.
Талебелер эки группаны тешкиль этелер ве вазифелер устюнде чалышалар. Конверт ичинде Джеваиренинъ «Джанымдан азизим» шиири ве вазифелер бар.
1. Вазифе: лугъат ишини беджермек.
Нур - зия, ярыкъ
Саарь - сабанынъ эрте вакъыты
Гондже - ачмагъа азырлангъан чечек
Дева - мельэм
Къоджаман - пек балабан, кучьлю
Къыяс - сравнения
2. Вазифе: Шаир анасына севгисини, урьметини косьтермек ичюн насыл сезлернен къуллана? (азизим, нурум, бахтым, сырым, баарим, саарим, севимли аннам)
3. Ана шиирде ненен къыяслана? (баарьнен, гульбагъчанен, сабанынъ энъ эрте вакъытынен, гонъдженен, бахт ве къуванчнен, къальбининъ сырынен)
4. Ифадели окъунъыз.
5. Ана сезюнен башлангъан насыл аталар сезюни билесинъиз?
Ана киби яр олмаз, Ватан киби ер олмаз!
Ана юртынъ - алтын бешик!
Ана ичюн бала балдан да татлыдыр!
Ана - юртнынъ тереги!
Ана-бабасыны хорлагъан, озю де хорланыр!
6. Вазифе: ана акъкъында насыл эсерлер, шиирлер, йырлар билесинъиз?
«Азиз анам» йырыны иджра этелер.
7. Вазифе: «Ассоциатив кунеш» нурларында олгъан сезлерине эсасланып, инша язынъыз. Иншанынъ серлевасы: «Инсаннынъ аятында ананынъ эмиети».
8. Вазифе: Ана сезюне «сенкан» язынъыз.
Рессамлар озь ишини къорчалайлар.
Корреспондентлер интервью алалар.
Суаль: Языджылар озь аналарына эсерлер, шиирлер багъышладылар, рессамлар озь аналарына ресимлер багъышладылар.
Сизлер, талебе олып, озь ананъызгъа не багъышлар эдинъиз?
- гульдесте
- яхшы окъув
- урьмет
- севги
IV. Дерснинъ нетиджеси.
Ер юзюнде энъ татлы сёз - ана сёзю. Инсан биринджи олып ана сёзюни айта. Бу сёз дюньяда эр бир халкънынъ тилинде сайгъы ве урьметнен айтыла.
Энъ назик, энъ чебер эллер - ананынъ эллери. Бу эллер эр шей япа билелер. Энъ догъру ве элял юрек - ананынъ юреги. Онда ич бир вакъыт севги сёнмей.
Сен беш я да элли яшында олсанъ да, санъа даима ананънынъ севгиси, козьлери керек оладжакъ.
Сен ананъны не къадар пек сайып севсенъ, сенинъ омюринъ о къадар къуванчлы ве бахтлы олур.
Эвге вазифе: Анагъа багъышлап, хайырлав азырламакъ, открытка шеклинде тюслендирмек.