'Балаларды сәлемдесуге үйрету' (дайындық)

Балаларды сәлемдесуге үйрету

Мақсаты:балаларға сәлемдесу,амандасу туралы түсінік беру.Сәлемдесе білуге үйрету.Балаларды әдептілікке тәрбиелеу.

Сөздік жұмыс:сәлемдесу.

Заттың дамыту ортасы: Ойыншық жүрекше,бейнетаспа.

Әрекет кезеңі.

Тәрбиешінің іс-әрекеті.

Балалардың әрекеттері.

Шаттық шеңбер.

Балалар шаттық шеңбер бойына тұрып,айтады.

Қуан,шаттан,алақай!

Қуанатын күн келді.

Күліп шықты күн бүгін,

Қайырлы таң.

Қайырлы күн

Дәлелі түрткі болатын.

-Балалар,біз бүгін сәлемдесу,амандасу туралы әңгімелесеміз.

Балалардың жауаптары тыңдалады.

-Сендер қалай ойлайсыңдар,адамдар неліктен бір-бірімен амандасады?

-Дұрыс айтасыңдар!Сәлемдесу,амандасу-адамның бір-біріне ізет,сый-құрмет көрсетуі.Амандық денсаулық,жақсылық тілеу.

-Ал сендер үлкендермен қалай амандасасыңдар?

Мысалы,таңертең балабақшаға келгендеріңде сендер бірінші кіммен амандасасыңдар?

Тәрбиешілермен.

-Дұрыс айтасыңдар.

Үлкен адамды көргенде сәлеметсіз бе дейсіңдер.Бейне таспа көру.Үлкендер бір-бірімен»Сәлеметсіз бе?»»Амансыз ба?»,»Ассалаумагалейкум»-деп бір-бірімен амандасады.

Ал достар бір-бірімен «Сәлем»дейді.

-Балалар,біз бүгін сәлемдесудің әдептіліктің бастауы екенін білдік.

Сәлемдесу дегеніміз-достық пейіл мен құрмет білдіру,яғни әрбір күніміз немесе әңгіменің сәлемдеуден басталатынын түсіндік.

Сәлемдесу арқылы бір-бірімізге достық пейіліміз бен тілегімізді білдіретінімізді білдік.

Балалардың ынта қойып тыңдауы.

Ойын:»Қалай амандасу керек?»

Балалар бір-біріне жүрекшені беріп сәлемдеседі.Балалар ойын ойнайды.

Ұйымдастырушы ізденуші.

Көшелерден біз өткен,

Ата көрсем жақын кеп,

Сәлем берем ізетпен!

«Асалаумағалейкум»-деп.

Алдан әже жолықса,

Бөгелем де әдеппен,

Сәлемдесіп сол тұста

«Есенсіз бе,Әжей»-деп.

Кім кезіксе көшеде.

Таныс емес демеймін,

«Аға,тәте,көкеге»,

«Сәлеметсіз бе?»-деймін мен.

Балаларды мадақтау.

Күтілетін нәтиже:балаларға сәлемдесу,амандасу туралы түсініктер беріледі.

Біледі:балалар сәлемдесе алады.

Білді:балалардың бойында жақсы қасиеттерді дамытады.

Жасай алады:әдептілікке тәрбиеленеді.