Открытый урок по Ана тілі на тему 'Қайсар'

Садвакасова Кульшай Аримбековна

ҚР Білім беру ісінің үздігі,

Бөдене орта мектебінің мұғалімі,

Бөдене ауылы,

Бесқарағай ауданы,

Шығыс Қазақстан облысы

Ана тілі

2-сынып

Сабақтың тақырыбы: «Қайсар»

Мақсаты:

1) Білімділік: Мәтін талдауға, шығармашылық жұмыс жасауға машықтандыру. Аймақтық компонентті пайдалану.

2) Тәрбиелік: Өнерге баулу. Ұжымдық жұмыс арқылы өзара татулыққа, сыйластыққа тәрбиелеу.

3) Дамытушылық: Оқу, сөйлеу дағдыларын, ой-қиялдарын дамыта түсу.

Көрнекілік: интерактивті тақта, слайдтар, суреттер, т.б.

Әдіс - тәсілдер: оқу, талдау, «Сын тұрғысынан ойлау» технологиясы стратегияларын пайдалану, сурет салу және мүсіндеу, аймақтық компонентті қолдану.

Пәнаралық байланыс: ана тілі, қазақ тілі, бейнелеу өнері, еңбекке баулу, информатика.

Түрі: шығармашылық сабақ.

Барысы: І. Ұйымдастыру кезеңі.

Психологиялық тренинг.

Шеңберге тұрып, сәлемдесу:

• Амансың ба, алтын Күн!

• Амансың ба, көк Аспан!

• Амансың ба, Жер - ана!

• Амансың ба, достарым!

Бір -біріне жүрек ұсынып, тілек білдіру.

ІІ. Жаңа сабақ.

Тақырыпты хабарлау. («Қайсар»)

«Ой қозғау».

• Қане, кім қайсар деген сөзге мағынасы жуық сөздерді айтып жібереді?

• Өжет, төзімді, шыдамды, батыл, тайсалмас, т.б.

Ұстамды, тайсалмайтын батыл, өжет болсын деп кісіге де Қайсар деген есім береді. (Кітап суретін слайдтан көрсете отыра мәтінді оқу - 191 бет).

Енді талдау жұмысына кірісейік:

• Осы әңгімеде қандай ағаш туралы айтылып отыр?

• Қарағай ағашы туралы.

(Слайдтан көрсету)

Мынау - қарағай ағашы мен оның бүршігі. Қарағай - қылқан жапырақты ағаш, яғни жапырақтары тікенді, ине тәрізді, жасыл ағаш, ол биікке бойлай, тігінен өседі. Көктемде гүлдейді, бүршігімен аң - құс қоректенеді. Қарағайлы орманда түрлі құстар, тиін, боршатышқандар көп болады. Қарағай - құрылыс материалы.

• Қарағай ағашы біздің өлкемізде өсе ме?

• Өседі. Бұл ауданымыздың Бесқарағай деп аталуынан-ақ белгілі. Онда қарағайлы орман бар. Біз оны мақтан етеміз. Орманды өрттен, бүлдіруден сақтауға тырысамыз.

• Қарағайдан басқа тағы қандай ағаштар кездеседі?

• Қайың, терек, тал ,шырша, т.б.

• Осы мәтінде қысқы аязды қалай суреттеген? (оқу)

• Әңгімеде аяздан ықпаған қарағай туралы не айтылған?

Қарағай аязға мыңқ етпейді, иілікпейді, ықпайды. Ол өзінің қауқарына, күш-қуатына сенеді. Қайсарлығы жебейді. Төзімділігіне айналасындағылар қызыға қарайды. Табанды қылығымен маңындағыларға дем береді. Өзіне қызығушыларды асқақ кескінмен қайсарлыққа шақырады. Қарағай - ағаштардың өнеге тұтар, тәлім алар, қайсарлыққа үйретер үлгісі.

- Сол асқақ қарағайдан қайсарлықты үйренетін ағаштың бірі - қайың екен.

(Слайд көрсету арқылы қайыңның қасиетін айту)

Қайың - сымбатты да сұлу, қабығы аппақ, жапырақты, гүлі сырға тәрізді ағаш. Одан - үй жиһазы, қабығынан - ыдыстар жасалып, себет тоқылады. Сыпыртқыш, дәрі - дәрмек, шырын, фанер жасайды.

Енді осы екі ағаштың ортақ белгілерін Венн диаграммасына түсірейік:

Ағаш, тірі табиғат, өсімдік; мүшелері бар; ауаны тазартады; көлеңке, сая; әдемі; отын.

Қайың Қайың

ааапаҚҚайың

Қарағай

-Балалар, өз туыстарыңның, достарыңның қайсарлығы жөнінде шағын эссе құрастырып көріңдерші.

Оны «Автор орындағанда» оқу.

Еркежан: Менің әкем сабырлы, салмақты адам. Бізге әрқашан қамқоршы, әкем ауырып қалған кезінде шыдамдылық, төзімділік, қайсарлық көрсетеді. Мен әкемді мақтан етемін.

Алдияр: Менің әжем өте қарапайым кісі. Балаларын, енді бізді -немерелерін қарап, өсіріп отыр. Мінезі табанды, ақылды. Біздің еркелігімізді көтеріп, ақыл айтады. Мен әжемді жақсы көремін. Сыйлаймын.

Нұрболат: Менің әжем іскер кісі. Ою ояды, киім тігеді. Жасы 70-ке келсе де, шаршамайды, ерінбей - жалықпай құрақ құрайды, әдемі көрпе жасайды. Бұл да қайсарлық мінезден шығар...

Топтық жұмыс: (2 топқа бөлу). Тапсырмалар: 1-топ: «Сурет» орталығында Бесқарағай орманының ағаштарын салып, бояу.

2 - топ: «Мүсіндеу» орталығында қайсар қарағайды ермексаздан жасау, әр топ лидері белгіленіп, жұмыстарын қорғап шығу.

Қорытынды:

Рахмет, балалар! Талаптарыңа нұр жаусын! Табиғатты қорғаңдар. Ағаштар мен гүлдерді сындырмаңдар, көкті жұлмаңдар. Оларды көбейтіп, егіп, өсіріңдер. Қамқор болыңдар. Бойларыңа қайсарлық қасиетті дарыта біліңдер.

«Өзіңді бағалау» парақшасын толтыр.

Үйге тапсырма беру.