классный час 'Тәуелсіздік туы аясында'

Тақырыбы: « Тәуелсіздік туы аясында!»

Мақсаты:

Жас ұрпақты өз елінің тарихын білуге, адамгершілік, патриоттық сезімдерді арттыру арқылы елжандылыққа, Отанын сүюге және қорғауға тәрбиелеу.

Міндеті: Тәрбие шарасын тартымды, ұтымды ұйымдастыру арқылы сатылай, үздіксіз, өздерін тікелей қатыстыра отыра тағылым беру.

әдісі: Тәрбие сағаты

Көрнекіліктер: слайд.

Тәуелсіздік! Бұл қазақ халқының қаншама ғасыр, қаншама жылдар бойы аңсаған арманы еді! Азаттық жолын сонау «Қайран да менің Еділімнен» басталып ата-бабаларымыздың осы тарихи жолда қалдырған

«Елім айынан» бері қазақ халқы қаншама қан кешіп, қаншама ерлерінен айырылды десеңші!

200 жылдай патшалы Ресейдің отары, 70 жылдан астам уақыт Кеңес үкіметінің бұғауында болған қазақ халқының тарихы ата-бабамыздың бостандық жолындағы ұзақ та ауыр күресінің тарихы.

Қазақ халқы бірегей, қайсар ұландарының арқасында азаттық таңы ататына кәміл сенді.

1-оқушы:

Тәуелсіздік! Түскен жоқ қой аспаннан

Тарихы оның тым әріден басталған.

Бодандықтан құтқарам дер елімді

Талай боздақ қара жерді жастанған.

Иә, Алаш зиялылары да мемлекет құруды аңсады, азаматтықты көкседі. Бірақ бұл күнге жете алмады.

Олар - азап пен қорлықтан басқа түк көрген жоқ.

Олар- бар білімін, қажыр-қайратын, тәңірі сыйлаған талантын тек халқының көзін, бағын ашуға, азаттыққа арнады.

2-оқушы: Желтоқсан! Қуат бар ма сенен асқан,

Сілкінтіп бодандықты түнек басқан

Тарихтың кең төрінен сөйледің сөз,

Қазақ боп намыс үшін арпалысқан.

3-оқушы: Желтоқсан - Тәуелсіздік! Еркіндігім!

Не түрін бастан кештің ауыр күннің

Қарусыз, шыққан бейбіт ұлдарыма

Озбырлар, істеп жатты залымдығын.

4-оқушы: Иә, бұл еркіндік оңайлықпен келген жоқ. 1986 жыл.

Желтоқсанның 16-сы. Алматы қаласы. Алаңда қазақ жастары

қолдарында «Әр республикаға-өзінің басшысы» деген ұран

ұстап, бейбіт шеруге шықты. Осы бейбіт шеру қанға бөктірілді.

Енді бір сәт желтоқсан оқиғасын есімізге алайық

Көрініс «Желтоқсан - тәуелсіздік бастауы»

Сөйтіп, дүние жүзіндегі үлкен де қуатты елдердің бірі- Кеңес мемлекеті ыдырауға айналды. Әр республика дербес, бөлек мемлекет боламыз деді. Осыған байланысты Қазақстан жоғарғы кеңесі 1991 жылы

16 желтоқсанда Қазақстанды тәуелсіз республика деп жариялады. Бұл еркіндіктің ерке желі ескен, тәуелсіздік алып, егеменді ел болып, көк байрағы желбіреп, әнұраны қалықтаған күн еді.

«Қазақ елі» әні орындайтын Жақсылықов Бақтияр

Тәуелсіздік! Бұл ХХ ғасырда мәртебімізді марқайтып, әлем алдындағы абыройымызды асқақтатқан, тілімізді, дінімізді, әдет-ғұрып, салт-дәстүрімізді қайта оралтқан арыс азаматтарымызды ақтап алған, елім деп еңіреп өткен есіл ерлеріміздің есімін қастерлеген, Қазақстан деген байтақ елдің, қазақ деген қаһарман ұлттың жұмыр жер бетінде бар екенін жаһанға жар салып, жария еткен ең басты тартуы.

1991 ж. 16 желтоқсаны. Еліміз тәуелсіздік алып, ірі мемлекет қатарына қосылды. 1 желтоқсанда тұңғыш Елбасымыз Нұрсұлтан Әбішұлы Назарбаевты сайладық.

5-оқушы: Халқымда орындалып асқақ арман,

Қалыспай сап түзедің басқалардан.

Әлемге қазақ- деген атым шықты,

Мен саған өмір бойы мақтана алам.

Көк байрағым көгімде жарасқан да,

Қыран құсым күн құшқан көк аспанда,

Қазақстан танылды күллі әлемге,

Егемен ел, еркінбіз талас бар ма?

Көк туым көтерілді бағым жанып,

Елтаңбам төрде әлемге танылды анық.

Шырқадым әнұранды бар дауыспен,

Арманым-Ата-Заңым қабылданып.

1992 жылы 4 маусымда егемен еліміз Қазақстан республикасының мемлекеттік рәміздері қабылданды. Мемлекеттік Рәміздеріміз-Ту, Елтаңба, Әнұран.

Қазақстан Республикасының азаматтары, сондай-ақ Республика аумағында жүрген адамдар Қазақстан Республикасының Рәміздерін құрметтеуге міндетті.

«Атамекен» әні орындайтын

2 «ә» сынып оқушылары

6-оқушы: Тәуелсіздік оңайлықпен келмеді,

Бізге бұны ешкім аяп бермеді.

Тәуелсіздік-Қайрат,Ляззат, Ерболдың,

Тас көшеде таталқан боп өлгені.

Шала жансар қар астына көмгені,

Тәуелсіздік - ата-баба арманы.

Қандай елмін бүгін міне, көр мені,

Алаулайды мүмкін емес сөмбегі

7-оқушы: Көз жіберіп тарихқа

Қағып таңдай,

Ғасыр сырын боламыз біз ұққандай.

Сол ғасырды жаратқан жасандырған,

Шіркін-ау, мына біздің халық қандай?!

Себеп болып шабытты толғауыма

Таңғажайып ғұлама ғасырымның,

Бақыттымын перзенті болғаныма.

8-оқушы : Жеткен арман, жаса тәуелсіздігім,

Өз қолына берген ерік тізгінін

Ие болғын әлем ілтипатына

Дербес, бейбіт мемлекетпіз біз бүгін.

Қазақстан Республикасы Тәуелсіздігі күні құтты болсын ағайын!

Ән «Қазақстан»

«Тәуелсіздік туы аясында » атты шарамыз аяқталды. Көріп тамашалағандарыңызға көп рахмет. Қош сау болыңыздар!