5-ке көбейту және бөлу

Сабақтың тақырыбы: 5-ке көбейту және бөлу

Сабақтың мақсаты:

Білімділік: кестелік көбейту және бөлу ережелерін қайталай отырып, 5-ке көбейту және бөлуді үйрету, ұғындыру.

Дамытушылығы: оқушылардың ой-өрісін, еске сақтау қабілетін, өздігінен жұмыс істеу дағдысын дамыту, ауызша есептеу дағдыларын жетілдіру.

Түзеу әрекеті: оқушыларды өзгені тыңдап, өз ойын еркін айтуға баулу, белсенділікке, ұқыптылыққа тәрбиелеу.

Сабақтың түрі: аралас сабақ.

Сабақтың әдісі: сұрақ-жауап, түсіндіру.

Көрнекілігі: 5-ке көбейту және бөлу кестесі, слайдтар.

Сабақтың барысы:

І. Ұйымдастыру кезеңі.

а) Психологиялық дайындық.

Бүгінгі күн, міне,

Сәттілікке толсын!

Біздің алар бағамыз,

Кілең бестік болсын!

ә) Сабақтың тақырыбы мен мақсатын хабарлау.

б) «Ғылымдар патшалығында» әлемді таңқалдырған сарай бар екен. Онда ақылды әрі білгір математика тұрады. Математика өз сарайына сабақ оқымайтындар мен жалқауларды кіргізбейді екен. Ақылды, білімді, зейінділердің өзі сарайдың қақпасын өз қабілетімен ашып кіреді екен. Бүгінгі сабақта біз осы сарайға кіруге біліміміз жете ме екен, соны сынап көрейік.

ІІ. Үй тапсырмасын тексеру.

ІІІ. Өткенді пысықтау.

- Балалар, біз өткен сабақта баға, сан, құн шамалары арасындағы тәуелділік жайлы есептер шығардық. Қазір соны қалай меңгергендеріңді білу үшін сұрақтар қоямын.

1-сұрақ: - Заттардың құнын табу үшін не істейміз?

(1 заттың бағасын заттардың санына көбейту керек)

2-сұрақ: - Заттың бағасын табу үшін не істейміз?

(құнын заттардың санына бөлеміз)

3-сұрақ: - Заттардың санын табу үшін қандай амал орындау қажет?

(құнын бір заттың бағасына бөлу керек)

IV. Жаңа сабақ.

- Дәптерлеріңе бүгінгі күнді және жаңа тақырыпты жазып қойыңдар.(3-слайд)

1) Оқулықпен жұмыс.

- Балалар, тақтаға қарайықшы. Мұнда 5-ке көбейту кестесі жазылған.

- Неге бестен басталып тұр? (2•5, 3•5, 4•5өткенбіз)

2) Математикалық диктант (жауабын ғана жазу). (4-слайд)

2•5=10

3•5=15

4•5=20

5•4=20

5•3=15

5•2=10

10:2=5

15:3=5

20:4=5

- Көбейтінділердің мәндері қалай табылған?

(қосу амалы арқылы табылған)

Яғни, 5-ті 5-ке көбейту дегеніміз 5-ті өз-өзіне 5 рет қосу.

- Теңдіктің оң және сол жақтарын салыстырайық, қандай айырмашылық бар?

(теңдіктің сол жағында 5-ке көбейту кестесі, ал оң жағында сол көбейтулердің қосу амалдары арқылы берілген)

3) - Неге әрбір келесі жолдағы өрнектің мәні алдыңғы жолдағы өрнектің мәнінен 5-ке артық?

(5-ті 5-ке көбейту үшін 5-ті 5 рет қосамыз, ал 5-ті 6-ға көбейту үшін 5-ті 5-ке 6 рет қосамыз)

5-слайд.

5•5=5+5+5+5+5

5•6=5+5+5+5+5+5

5•7=5+5+5+5+5+5+5

5•8=5+5+5+5+5+5+5+5

5•9=5+5+5+5+5+5+5+5+5

5•5=25

5•6=30

5•7=35

5•8=40

5•9=45

- Қайсысы тиімді екен? (көбейту амалын қолдану)

Тақтаға назар аударайық.

Мұнда 5-ке көбейту кестесі қалай құрылғанын қарайық.

6-слайд.

6•5=5•6

7•5=5•7

8•5=5•8

9•5=5•9

- Не байқадыңдар? (көбейткіштердің орындары ауысқан)

- Қандай ережені білеміз, еске түсірейік. (көбейткіштердің орындары ауысқанымен, көбейтіндінің мәні өзгермейді)

№3 тапсырмада 5-ке көбейту кестесін аяқта деп жазылған. (дәптерге жазылады)

5•5=25

5•6=30

5•7=35

5•8=40

5•9=45

6•5=30

7•5=35

8•5=40

9•5=45

№4. 1) Ауызша. Бөлуге кері амал - көбейту.(көбейтіндінің мәнін көбейткіштердің біріне бөлсек, екінші көбейткіш шығады.

2) 7-слайд

25:5=5, себебі 5•5=25

30:5=6, себебі 6•5=30

35:5=7, себебі 7•5=35

40:5=8, себебі 8•5=40

45:5=9, себебі 9•5=45

4) « Ойлан, тап» ойыны (8, 9, 10, 11, 12-слайдтар)

№7 есепке назар аударайық (ауызша)

- Не белгілі?

- Не белгісіз?

Тақтамен жұмыс.

Сергіту сәті. Ойын «Сарай құрастыру»

Қорытынды:

- Қандай тақырып өттік?

- 5 санына байланысты не білесіңдер?

Үйге тапсырма беру. №9 есеп

Бағалау.