Ашық сабақ: 'математика 5-ке көбейту және бөлу',

Астана қаласы №44 орта мектеп

бастауыш сынып мұғалімі

Тулегенова Бибигуль Шаймуратовна

Пәні:Математика 3 сынып

Сабақтың тақырыбы:5-ке көбейту және бөлу.

Сабақтың мақсаты: Оқушыларға 5-ке көбейту мен бөлуді үйрету.

Білімділігі: көбейту мен бөлу амалдарын жан-жақты меңгертіп,

өз беттерімен жұмыс істеу қабілеттерін арттыру.

Дамытушылығы: ауызша,жазбаша көбейту,бөлу кестесін

меңгерту. Дұрыс есептеу дағдыларын жетілдіріп

логикалық ойлауын дамыту, пәнге деген

қызығушылығын арттыру.

Тәрбиелілігі: шыншылдыққа, алғырлыққа, тапқырлыққа, өз

беттерінше тапсырмаларды орындатып,нәтижеге

жете білуге тәрбиелеу.

Сабақтың түрі: ойын сабақ.

Сабақтың өтілу әдісі: түсіндіру, сұрақ-жауап, көрнекілік.

Сабақтың көрнекілігі: ойынға қажетті дидактикалық материалдар,сандар,

логикалық есептер.

Сабақтың барысы: І. Ұйымдастыру кезеңі.

1. Оқушылардың зейінін сабаққа аудару.

2. Бүгінгі сабағымызды ойын сабағы ретінде өтетінімізді айту.

«Жұлдызды сағат» - сын сабақ,

Жұмбақты шешіп, ойна, күл.

Білімдіден мол талап,

Күтіледі, оны біл!

Ал ойыннан қалмайық,

Жұлдызсыз мүлде болмайық.

ІІ. Психологиялық дайындық.

І. Топ.

Кел, балалар, ойнайық,

Ойнайық та ойлайық.

Қандай есеп болса да,

Шешпей оны қоймайық.

ІІ.Топ.

Ал, қанекей, балалар,

Қазір сабақ оқимыз.

Жақсы оқып сабақты,

Санамызға тоқимыз.

ІІІ.Топ.

Қолға қалам алайық,

Әдемі етіп жазайық.

Дәптерімізді ашайық,

Салақтықтан қашайық.

ІІІ. Үй тапсырмасын тексеру.

1. Ауызша оқыту. 7 тапсырма. (68 бет)

7*3 5*4 320*4 9*10 32*4 32*5

60*3 90*2 250*5 8*5 100*5 5*5

2. 5-ке көбейту кестесіне байланысты ойын ойнату.

- Қазақ халқы 3, 5, 7, 9 сандарын қасиетті сан деп есептейді. Ата - бабаларымыз бұл сандарға ерекше мән берген. Ендеше осы сандардың ішінен 5 саны туралы не білеміз?

IV.Жаңа білімді игеру.

1. Әңгімелеу.

• Бүгін бүкіл сынып оқушылары сабағымызды жарыс түрінде өткіземіз. Кім көп жұлдыз жинаса сол «математика патшалығының» алтын кілтін алады және «5» деген бағамен бағаланады. Ал, кімде - кім төртбұрыш көп жинаса «4», үшбұрыш жинаса «3» деген бағамен бағаланады.

Сабағымызды «ХХІ ғасыр көшбасшысы» ойыны түрінде өткіземіз.

Он ұяшықты рет - ретімен ашамыз. Әр ұяшықтың артында тапсырмалар бар.

Әр ұяшықты ашқан оқушы оның бетіндегі фигура туралы түсінік береді.

1 - ұяшық үшбұрыш - оның үш бұрышы, үш төбесі, үш қабырғасы бар.

Тапсырмасы: № 1

69 - беттегі тапсырманы түсіндіре отырып, есептің шартын құру, шешуін табу, жауабын жазу.

Шарты:

Әр қорапта - 10 ойыншық

5 қорап -

Ойыншық - 25

Шешуі: 10*5+25=75

Жауабы: 75 ойыншық.

Сұрақ: Есеп неше амалмен шықты? Неліктен?

2 - ұяшық төртбұрыш - оның төрт бұрышы, төрт төбесі, төрт қабырғасы бар.

Тапсырмасы: 69 - беттегі № 2 тапсырма.

Кестені пайдаланып есептер құрастыру және оларды шығару.

Бағасы

Саны

Құны

5 теңге

7

?

5 теңге

?

35 теңге

?

7

35 теңге

І - топ

ІІ - топ

ІІІ - топ

Сұрақ: Бұлар өзара кері есептер болп табыла ма? Неліктен?

Тапсырманы дұрыс орындаған оқушылар Жұлдызшаны, төртбұрышты, үшбұрышты алып отырады.

3 -ұяшық дөңгелек - оның бұрышы да,төбесі де жоқ дөңгелек.

Тапсырмасы: Көбейтіндінің және бөліндінің мәндерін ауызша есептеу.

Сұрақ: Қай теңдіктер 5 - ке көбейту кестесінде келтірілген? 5*6

5*7

4 - ұяшық шаршы - оның барлық қабырғалары тең.

Тапсырмасы: Сергіту сәті.

Танымдық тапсырма: «Есіңде сақта!» Көз зердесін дамытуға арналған жаттығу.

Фигураларды 3 секунд қарап, кайта сызып шығу

5 - ұяшық нүкте - түзу сызу үшін нүкте қоямыз.

Тапсырмасы: Математикалық диктант.

1 - топ: 5 см - ді 5 есе арттыр. 5 см * 5

6 см - ді 5 есе арттыр. 6 см * 5

2 - топ: 250 см - ді 5 есе кеміт. 250 см : 5

300 см - ді 5 есе кеміт. 300 см : 5

3 - топ: 8 см - ді 5 есе арттыр. 8 см * 5

9 см - ді 5 есе арттыр. 9 см * 5

6 - ұяшық кесінді - екі шеті шектеулі түзу сызық.

Тапсырмасы: 1- топ: 5, 10, 15, 20, 25, 30, 35, 40, 45, 50 сандарының . . әрқайсысын 5 - ке кеміту.

2 - топ: 5, 10, 15, 20, 25, 30, 35, 40, 45, 50 сандарының

әрқайсысын 5 есе кеміту.

3 -топ: Санды 5 - ке белгенде қандай қалдықтар қалуы

мүмкін? Мысал келтір.

Тапсырманы дұрыс орындаған оқушы өздеріне лайықты белгіні алады.

7 - ұяшық сәуле - бір шеті шектеулі түзу сызық.

Тапсырмасы: теңдеулерді шешу.

1 - топ: 45 : 9 = 5

2 - топ: 4 * х = 16

3 - топ: х * 3 = 9

8 - ұяшық түзу - екі шеті шектеусіз түзу сызық.

Тапсырмасы: логикалық тапсырма.

«Шаян» төмен қарай қозғалып барады, 3 таяқшаның орнын ауыстырып, оны жоғары қарай қозғалт.

9 - ұяшық - қисық сызық.

Тапсырмасы: «Кім жылдам?» - қойылған сұрақтарға жылдам жауап беру.

1 - топ.

1. Ауданды қалай табамыз?

2. Екі адам 4 сағат жол жүрді.Олардың әрқайсысы қанша сағат жол

жүрді.

3. Бір сағатта неше минут бар?

4. Барлық қабырғалары тең фигура.

5. Оқу жылының алғашқы айы.

6. Қосуға кері амалды ата.

7. Бір аптада неше күн бар?

8. Қосудың нәтижесі.

9. Ережені аяқта.Қосылғыштардың орнын ауыстырғанмен.........................

10. Тоғыз ондық.

2 - топ.

1. Периметрді қалай табамыз?

2. Бір жұмыртқа пісіру үшін 5 минут қажет.4 жұмыртқа пісіру үшін

неше минут қажет?

3. 1 минутта неше секунд бар?

4. Қарама - қарсы қабырғалары өзара тең фигура.

5. Оқу жылының соңғы айы.

6. Азайтуға кері амалды ата.

7. Бір жылда неше ай бар№

8. Көбейтудің нәтижесі.

9. Ережені аяқта.Көбейткіштердің орнын ауыстырғанмен.........................

10. 8 ондық.

3 - топ.

1. Тауық 1 аяғымен тұрғанда 3 кг, ал екі аяғымен тұрғанда неше кг?

2. Азайтудың нәтижесі қалай аталады?

3. 1 тәулікте неше сағат бар?

4. Үш бұрышы бар геометриялық фигура.

5. Жазғы үш ай демалысты ата.

6. Бөлуге кері амалды ата.

7. Жыл мезгілдері нешеге бөлінеді?

8. Бөлудің нәтижесі.

9. Санды нөлге көбейткенде не шығады?

10. 6 ондық.

10 - ұяшық - көпбұрыш. Оның қабырғалары, бұрыштары, төбелері көп.

Тапсырмасы: Сөз туым. (анаграмма)

Қайта құрастыру. Яғни, бір сөздің әріптерінің орындарын . . алмастыру арқылы жаңа сөз жасау.

1 - топ - шырша - шаршы.

2 - топ - алма - амал.

3 - топ - сырға - ғасыр.

V. Қорытынды.

• Біз бүгін не үйрендік?

• 5 - ке көбейту және бөлуді үйрендік.

• Балалар, халық арасында 5 санына байланысты «5 саусақ бірдей емес» деген мәтел бар.Шындығында бірдей емес.

• Осының мәнісін білгілерің келе ме?

Аңыз әңгіме.

• Бірде бас бармақ: «ана жүрген нарды сойып алайық», - дейді. Сұқ саусақ пен шылдыр шүмек: «Сойсақ сояйық», - деп жауап береді.

• Ал Ортан терек құптамайды. Балалы үйрек: «Оояйық, етіне бір тояйық», - деп шіңкілдеп қоймапты. Бұны естіген Алла бас бармақты жартылай кесіп тастапты, сұқ саусақ пен шылдыр шүмекті аздап кеседі.Ал Ортан терекке тиіспепті.Балалы үйректі шорт кесіп тастапты.

• Міне, сондықтан бес саусақ бірдей емес екен.

• Балалар, біз бұл аңыздан н байқадық?

• Біреудің затына рұқсатсыз тимеу керек, ұрлық жасамау керек.Әрдайым адал, шыншыл болған жөн.

• Ал балалар,бүгінгі сабақта алған жұлдызша, төртбұрыштар мен үшбұрыштарыңды санаңдар.

Оқушылардың алған фигураларына қарай бағалап, оларға математика патшалығының кілтін тапсыру.

VІ. Үйге тапсырма: № 4 (4 - шісі), № 7 69 - бет (4 - шісі).