Математика 'Нуулунан бүтэр чыыһылаларга түҥэтии'

Математика

Уруок темата: нуулунан бүтэр чыыһылаларга түҥэтии (хатылааһын)

Кылаас: 4

Уруок сыаллара: нуулунан бүтэр чыыһылаларга түҥэтэр сатабылларынан түҥэтии, задача суоттааһыҥҥа эрчиллии, тылынан уонна суругунан суоттуур дьоҕурдарын сайыннарыы, бэйэ-бэйэҕэ көмөлөһөргө үөрэтии.

1. Тэрээһин чааһа

2. Уруок тематын уонна сыалын билиһиннэрии.

Биһиги урукку уруоктарга нуулунан бүтэр чыыһылаларга түҥэтиини үөрэппиппит. Бүгүн ону төһө өйдөөбүккүтүн, задачаны төһө үчүгэйдик суоттуургутун көрүөхпүт.

3. Тылынан суоттааһын.

Арай биирдэ Ньургун уол ийэтэ улаханнык ыалдьыбытыгар өлбөт мэҥэ уута көрдүү барбыт. Ол уу өлбүт да киһини тилиннэрэр. Кащейга эрэ баар эбит. Уол ыраах уонна кутталлаах айаҥҥа туруммут. Суолугар дириҥ үрэх сытар, ону туоруур муоста суох, арай быа тардыллыбыт. Ол быаҕа сорудахтар бааллар, олору толордуххутуна Ньургун өрүһү туоруур. Көмөлөһөҕүт дуо?

400 х 3 286 х 10 756 х 0 + 1 43 х 0 + 47 х 1

356 х 100 326 х 100 4500 : 100 7800 : 10 39000: 1000

4. Өрүһү туораан ойуурга кэлбит. Онно балаҕанын иһигэр Дьэгэ - Бааба математика

кинигэтин тутан олорор. "Сатаан түҥэтэбин да, нуулларын хайдах гынарбын билбэппин» - диир.

(Тэтэрээккэ уонна дуоска5а суоттааһын)

179200 : 80 734500 : 50 136500 х 70

5. Задача суоттааһын.

Дьэгэ - Бааба Ньургуҥҥа көмөлөспүтүн иһин көтөрт миинньигин уларсыбыт. Миинньик көтөрүн наадатыгар кини түргэнин билиэххэ наада.

• Кощей дыбарыаһыттан Дьэгэ - Бааба уонна Змей Горыныч тэҥҥэ көтөн тахсыбыттар. 10 сөкүүндэнэн кинилэр икки ардылара 650 км буолбут. Змей Горыныч түргэнэ 30 км/с. Миинньик түргэнин булуҥ.

(Дуоскаҕа схема оҥоруу)

6. Тэҥнэбиллэри, этиллиилэри суоттааһын. Ньургун улахан тааска көтөн түспүт. Ол тааска сорудахтар бааллар. Олору толордоххутуна стрелка Ньургуҥҥа салгыы хайа диэки барарын көрдөрүө.

1). Х : 60 = 370 90 х Х = 630

2). 700 уонна 50 үөскэмнэрин 100 төгүл куччат

62 уонна 27 араастарын 30-ка төгүллээ

3600-тан 40уонна 90 үөскэмнэрин көҕүрэт

7. Ньургун сөптөөх суолу булбутуттан үөрбүт уонна Кощейы көрсүөн иннинэ күүс киллэринэргэ санаммыт. (Физминутка)

8. Иэни булууга задача суоттааһын.

Уол Кощейга кэлэн ууну көрдөөбүтүгэр : «Мин төһө улахан дыбарыаска олорорбун бил» - диэбит.

Задача: Кощей дыбарыаһын устата 56 м, туората 30 м. Иэнин уонна периметрин булуҥ.

Ньургун задачаны суоттаабытыгар Кощей киниэхэ холбука биэрбит. Онтукатыгар үс араас өҥнөөх кнопка баар. Сөптөөх кнопканы баттаатаҕына биирдэ аһыллар эбит. Ханнык кнопканы баттыырын шифровкаттан билиэххит (перфокарталар).

I хамаанда II хамаанда

(580 - 180) : 5 = 50 х 8 - 350 =

40 х 7 - 200 = 35 : 5 х 9 =

5 х 18 : 3 = (270 + 90 ) : 6 =

26 х 3 = 27 х 3 =

420 : 6 - 18 = 22 х 4 =

Шифровка күлүүһэ

80 - К 78 - П 31 - Р 60 - Э

24 - С 80 - Н 50 - К 86 - С

30 - О 52 - К 84 - Х 63 - У

45 - В 88 - А

9. Күөх кнопканы баттаабытыгар холбука аһыллыбыт, Ньургун өлбөт мэҥэ ууну ылан, ийэтин үтүөрдүбүт. Кинилэр эһиэхэ улаханнык махтаналлар.

10. Уруогу түмүктээһин.