Вне классное мероприятие посвященное международному женскому дню

Мевзу: «Халкъара къадын-къызлар куню- 8 март байрамы»

Макъсат:

- талебелернинъ сёз ве лугъат байлыгъыны зенгинлештирюв, нутукъкъа догъру къулланув.

- ана тилине севги ве окъувгъв меракъ ашлав.

- ана-биталаргъа, къадынъ-къызлагъа урьмет ве севги, мерамет дуйгъуларыны ашламакъ.

Донатма:талебелернинъ сызгъан ресимлери, аталар сёзлери, фотосюретлер, чечеклер, топлар.

Музыка чала балалар къолларында чечеклернен залгъа кирелер.

Оджа: Мераба, бизим урьметли ве севимли аналарымыз,къартаналарымыз!

Мераба, бизим азиз ве дюльбер апте-къардашларымыз!

Мераба, мухтерем мусафирлер!

Бугунь сизлерге байрам концертини багъышлаймыз.

1 талабе: Хош кельдинъиз, къартаналар!

Хош кельдинъиз, аналар!

Хош кельдинъиз, мусафирлер,

Бу байрамгъа кельгенлер.

2 талебе: Эр йыл адет: «Секизинджи март куню»

Балалар ана этрафында топлана.

Оюн, кулькю, зевкъ, шамата тюркюнен.

Ана ичюн зияфетлер къурула.

3 талебе: Ана ичюн темиз къаве фильджанда,

Софраларны яраштыра бахшышлар,

Бир умютнен, бир ниетнен, бир джандан,

Аналарчюн янгъырайлар алгъышлар.

4 талебе: Къуван, ана, шенълен, ана, куль, ана,

Эвлятларынъ къанатларынъ тюбюнде,

Эля козюнъ къуванч яшынен нурлана,

Бугунь байрам- къадынъ- къызлар кунюнде.

II.йыр «Севимли ана»

Шиир Сейран Усеинов «Бугунь мартнынъ секизи»

5 талебе: Бугунь мартнынъ секизи,

Янъгъырай баарь эзгиси,

Чечеклер толгъан сокъакъ,

Бу аджайип куньге бакъ!

6 талебе: Анама ве татама

Эм сайгъылы битама,

Бахшышлар азырладым,

Оларны озюм яптым.

7 талебе: Чокъ адам хайырлайджам,

Достларыма бараджам,

Анам джандан къуваныр,

Манъа «Машалла!» айтыр.

8 талебе: Секиз март эр йыл кельсин,

Эр кес шенъленсинъ, кульсин.

Даим аналар олсун,

Бахытлы куньлер корьсин!

Оюн «Явлугъым»

Шиир «Аналарнынъ юреги»

9 талебе: Аналарнынъ юреклери

Бу меремет менбан.

Эвлят ичюн - бу тереклер,

Чечекли бир гуль багъы.

10 талебе: Биз ананынъ парчасымыз-

Япрагъы гуль терекнинъ.

Насиатым пек къыскъадыр-

Ынджытманъ бу юрекни!

Йыр «Сагъ олунъыз, Аначыгъым»

Шиир «Ана» Эшреф Ибраим

11 талебе: Ачыкъ кокдай темиз къальбинде,

Инсан ичюн мерамет толу.

Ана, -деген сёз- бу алемде

Эр бир шейден, эр сёзден улу.

Баарь акъкъында шиирлер:

12 талебе: Сачакътанъ асылгъан бир буллюр тамчы,

Не демек бу асла, манасын тапчы?

13 талебе: Тылсымлы сесинен кельмекте баарь,

Онынъ нефесинденъ иримекте къар.

14 талебе: Сачакътанъ ачылыр бинъ буллюр тамчы,

Не демек бу асла, манасын тапчы?

15 талебе: Тезден шенъ баарь къапыданъ бакъаджакъ,

Далларгъа ем-ешиль сыргъалар такъаджакъ.

Йыр «Баарь кельсе»

Шиир

16 талебе: Сувукъ къыш мевсими шиддети кечти,

Башкъа ренкке кирди земане, достум.

Баарь демлерининъ къокъусы тюшти,

Дагъытты анберинъ джиане, достум.

17 талебе: Ириди къарлары, ешерди челлер,

Быракъты зынджырынъ, голь олды селлер.

Чечеклер ачылыр эстикче еллер,

Миннет гуль, сумбеле, рейхане, достум.

Талебелер «Чечеклер» оюныны ойнайлар

Оджа: Ер юзюнде энъ татлы сёз-ана сёзю, бу сёз дюньяда эр бир халкънынъ тилинде буюк сайгъынен айтыла. Лякин аналарымызнынъ да аналары бар. Бу бизим урьметли къартаналарымыздыр.

Шиир «Торун ве къартана»

18 талебе: Къартанамны мен пек севем,

Къартанам да мени шай.

Анам дей ки: «Меним къызым

Къартанасына ошай».

19 талебе: Агъзым, бурнум, козюм, къашым,

Юзь сымамда фаркъ пек аз,

Ялынъыз меним сачым къара,

Къартанамнынъки- беяз.

20 талебе: Къартанам пек мераметли,

Пек муляйим бир къадын.

Осип- буюп къартанамдай

Олмакъ меним мурадым.

Йыр «Битам»

Конкурс «Меним балам»

Б

Баллар эписи: «Джанчыгъымыз, анамыз, опейик элинъизни.Гузель баарь байрамында хайырлаймыз биз сизни»

(балалар бахшышларны аналарына, биталарына берип, оларнынъ къолларыны опелер.)

Эр кес ичюн оюн- «Хоран»