Сауат ашу. Дауысты, дауыссыз дыбыстар және олардың әріптері. Тоқылдақ.

Сабақтың атауы

Дауысты, дауыссыз дыбыстар және олардың әріпері . Тоқылдақ .

Мақсаты

Білімділік:Дыбыс пен әріп туралы түсініктерін пысықтау. Дыбыс пен әріптің ерекшелігімен айырмашылығына қарай ажырата білуге үйрету.Тоқылдақ -орман сақшысы туралы түсінік беру.Тоқылдақтың пайдасын айту,оны неге орман емшісі деп атайтын түсіндіру.Құстардың пайдасы туралы айту.Дауысты және дауыссыз дыбыстарды атау.Жұмбақ шешу.

Дамытушылық: Сөздік қорын , логикалық ойлау қабілетін, есте сақтау қабілетін қалыптастыру.

Тәрбиелік:Табиғатқа,құстарға деген сүйіспеншілігін қалыптастыру.Толерантты азамат тәрбиелеу.

Сабақтың түрі: аралас сабақ

Сабақта пайдаланатын көрнекті-құралдар: тоқылдақ, торғай ,қыс суреті,слайд .

Пайдаланатын әдіс-тәсілдер; сұрақ-жауап

Пәнаралық байланыс: дүниетану

Күтілетін нәтиже

Психологиялық ахуал

Психологиялық дайындық

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Қызығушылықты ояту

I.Ұйымдастыру кезеңі.

Оқушылармен сәлемдесу, түгендеу, сынып бөлмесінің тазалығына көңіл бөлу, оқушылардың сабаққа дайындығын тексеру, олардың назарын сабаққа аудару

II.Үй тапсырмасын сұрау. Үйге берілген тапсырманы пысықтау, ережелерді еске түсіру.

III.Өткен материалдар бойынша білімдерін тексеру кезеңі.

Өткен тақырып бойынша білімдерін пысықтау.

IV. Мақсат қою кезеңіБалалар, қысқы табиғат көрінісін кім сипаттап береді?- Қандай құстар жыл құстарына жатады?

V. Жаңа сабақ

• Оқушылар, дыбыстар дауысты және дауыссыз болып екіге бөлінеді.

• Дауысты дыбыстарға нелер жатады?

• Дауыссыз дыбыстарға нелер жатады?-

-Оқушылар, бүгін бізге орман құстарынан хат келді.Оны ашып көрейік.

-Хатта былай дейді:

-Оқушылар бізге сендердің көмектерің керек.Ормандағы барлық құстар тоқылдақты, тоқылдап миымызды ашытқандықтан оны орманнан қуып жіберген болатынбыз,енді ормандағы ағаштардың барлығы құрттап,қурап барады.Ал,көмекке келе жатқан тоқылдақ кедергіге ұшарап тұр.Кедергілерден тоқылдақ мүдірмей өту үшін , жаттығуларды орындауымыз қажет.Ал,біз ол жаттығуларды сендердің көмектеріңсіз орындай алмайтынымыз анық.

-Ендеше,көмек береміз ба?

-Иә.

Олай болса жаттығуды орындауға кірісіп,тоқылдақты орманға қайтарайық.

(Жаңа сабаққа деген қызығушылықтары оянып,ерекше ынтамен кіріседі

Мағынаны тану

-Орындалатын алғашқы жаттығуымыз былай дейді:

11-жаттығу.

• Суретке қарап әңгіме құрастыр.

• Өлеңді оқып,көшіріп жазыңдар

• Торғай,жем деген сөздердегі дауысты дыбыс әріптерінің астын сызыңдар.

Торғай

Торғай, торғай, торғайсың,

Таяу келіп қонғайсың.

Жем шашайын тойып ал,

Сонда аязға тоңбайсың.

-Міне, тоқылдақ бір кедергіден өтті.Онда келесі жаттығуды орындайық

12-жаттығу.

• Сөздерді қатесіз көшіріп жазыңдар

• Сөздердегі дауысты дыбыстарды атаңдар

Суықторғай, қарға ,сауысқан, кекілік, тоқылдақ, шіл, құр, шағала, аққу.

-Оқушылар біз «Әліппені» оқығанда,есімізде ме «Бір уыс мақта» әңгімесінде шешесі қызына дүниедегі жанды-жансыздардың керексізі болмайды деген сөзі. Енді,қарасаңдар миды ашытқан тоқылдақтың қандай пайдасы бар екенін көріп отырмыз.Тоқылдақтың жоқтығынан ормандағы ағаштар қурап, қиын жағдайға орман тұрғындары тап болды.

-Олай болса «Тоқылдақ» мәтінін оқып,сұрақтарға дұрыс жауап берсек біз келесі кедергіден өтеміз.

Оқулықпен жұмыс.

Тоқылдақ ағаш діңінде отыр.Ол тұмсығымен діңді тоқылдатады.Ағаш қабығында құрттар, көбелектер, қоңыздар бар.Тоқылдақ сол зиянды жәндіктермен қоректенеді.Олардың жерге түскенін ұсақ құстар теріп жейді.Сондықтан тоқылдақ орман емшісі деп есептеледі.

• Тоқылдақты неліктен «орман емшісі»дейді?

• Құстардың тағы қандай пайдасы бар?

-Міне тоқылдақтың өзі де орманға ұшып келді,тоқылдақпен бірге ән айта бізде ағаштарға көмектесейік.

Сергіту сәті

Орманның бiз емшiсiмiз

Тоқ, тоқ, тоқ (Партаны үш рет ұрады)

Құрт бiткендi жоқ етемiз

Жоқ, жоқ, жоқ, (Қимыл көрсетедi)

Тоқ, тоқ, тоқ,

Жоқ, жоқ, жоқ.

(Ой сергітеді,шаршағандары басылады)

Ой толғаныс

Жаңа материалды пысықтау

• Жұмбақты шешу

• Дауысты дыбыс пен дауыссыз дыбыс туралы түсіктерін пысықтау.

• Құстардың пайдасы.

Үйге тапсырма

• «Тоқылдақ» мәтінін оқу,мазмұндау

• Дауысты дыбыс әріптерін жаттау

Бағалау

Бағалау парақшасын толтыру.

Кері байланыс

Смайликтерді өзі қалаған нұсқаға жабыстырады