Технологик карта по татарскому на тему'Сыйфат'

Татар теленнән ФДББС нигезендә төзелгән дәреснең технологик картасы

Татар теле, 3 сыйныф дәреслеге буенча төзелгән дәрес план-конспекты

Авторлары: Ф.Ф. Харисов, Г.Р.Шакирова, Р.К Сәгъдиева.Л.К. Хисмәтова

Тема: Сыйфат

Садыкова Чулпан Госман кызы -

Яшел Үзән шәһәре

15 нче гомуми белем бирү мәктәбенең

татар теле һәм әдәбияты укытучысы

Тема

Сыйфат турында төшенчәу.

Максат

1. - яңа сүз төркемен ачу, аның төп грамматик билгеләрен ачыклау, билгеләмәне формалаштыру.

2. - телдән һәм язма сөйләмдә сыйфатларны табу күнекмәсен үстерүгә шартлар тудыру;

3. - укучыларның иҗади фикерләү сәләтен, үз-үзеңә бәя бирү мөмкинлекләрен үстерүгә шартлар тудыру;

4. - аралашу һәм коллективта хезмәттәшлек итү күнекмәләрен формалаштыру.

Планлаштырылган нәтиҗә

Предмет буенча белем, күнекмәләр

Универсаль уку күнекмәләре

Предмет буенча:

- нәрсә ул сыйфат икәнен белү;
- сыйфатларга сораулар куя белү;

- текстан сыйфатларны таба белү;
- башка сүз төркемнәреннән сыйфатларны аера белү;

- текст белән эшли белү.

Регулятив:
- уку мәсьәләсен кабул итү һәм дәрес дәвамында шуның буенча эшләү;

- куелган мәсьәлә нигезендә үз эшчәнлегеңне планлаштыру.
Танып белү:
- куелган мәсьәләне чишүдә алгоритмны куллана белү;
- язма һәм телдән сөйләмдә үз фикерләренңе формалаштыра белү;

- өлешләрдән бербөтенне төзи белү;
- гомумиләштерү.
Коммуникатив:
- сөйләмнең диалогик формасы белән эш итә белү;
- хезмәттәшлектә башкаларның фикерләрен исәптә тоту һәм карашыңны яклый белү;
- үз фикереңне һәм карашыңны формалаштыру;
- бердәм эшчәнлектә уртак нәтиҗәгә килү.

Төп төшенчәләр

Сыйфат , нинди? кайсы? сораулары, исемне ачыклый

Оештыру

Предметара бәйләнеш

Эш формалары

Ресурслар

әдәбият, рус теле,

әйләнә-тирәне өйрәнү

Индивидуаль,

Фронталь,

Төркемнәрдә эш,

Парлап эшләү.

Дәреслек

Интерактив такта

Презентация

Тарату материалы

Яшелчә, җиләк -җимеш муляжлары, уенчыклар

Оештыру моменты ( мотивлаштыру этабы)

• Исәнмесез укучылар!

• Исәнмесез!

• Кәефегез ничек?

• Кояшлы иртә кебек,

• Татар телен, ана телен

• Өйрәнергә дип килдек!

• Рәхмәт, утырыгыз.

Актуальләштерү

-Укучылар алдагы дәресләрне сез нинди сүз төркемен өйрәндегез?

Фигыльне.

- Нәрсә ул фигыль?

• Мин сезгә сүзләр тезмәсен тәкъдим итәм. Сез шулар арасыннан фигыльләрне табып, икенче тактага урнаштырып барыгыз әле?. Санагыз. ничә фигыль булыр

• Барды, кызыл, язгы, укырга, усал, яратачак, тәмле, тозлы, йоклый, хат яза, чишәр,түгәрәк, ашамас, кечкенә, буранлы.

• Укучылар саныйлар. 7 фигыль

• Ә калган сүзләр сезгә танышмы? Нинди сүзләр алар?

• Сыйфат. Әйе, сез аны 2 нче сыйныфта өйрәнеп үткән идегез.

Яңа темага чыгу, уку мәсьәләсен чишү этабы

Мөстәкыйль эш

Ныгыту.

Йомгаклау, нәтиҗә ясау

Билге кую

Өй эше бирү

Димәк бүген безнең дәрес темасы ничек булачак?

Сыйфат. Искә төширик әле. Сыйфат предметның нәрсәсен белдерә?

Билгесен. Сыйфатның сораулары?

Нинди? кайсы?

Димәк нинди сүзләр сыйфат дип атала?

Предметның билгесен белдереп нинди? кайсы сорауларына җавап биргән сүзләр сыйфат дип атала.

Сыйфат предметның нинди билгеләрен белдерә соң?

Төсне: ак, кара, яшел........................................................

Тәмне: тозлы, тәмле, татлы

Форманы: зур, кечкенә, озын.....................................

Холыкны ( характерны).............................................

Вакытны җәйге, язгы..................................................

Табигать күренешләрен язгы, җилле, буранлы..................

Укучылар сүзләргә өстәп сүзләр әйтәләр.

Фәрит абый, Руслан, Алсу, Фәрит абый сүзләре укыла.

Ә хәзер төркемнәрдә эшләп алабыз. Һәр төркем алдына корзиннарга предметлар куелган.

1 нче өстәлдә корзинда нәрсәләр ята?

Җиләк - җимешләр

2 нче өстәлдә корзинда нәрсәләр ята?

Яшелчәләр

3 нче өстәлдә корзинда нәрсәләр ята?

Хайваннар уенчыклары

Һ әр команда корзинда яткан предметларга хас сыйфатларны кәгазьгә яза. Язып баручыга иң тиз язучыны сайлагыз. Киңәшләшеп эшлибез. Бу эшкә 4 минут вакыт бирәм .Башладык.

Вакыт чыккач һәр команда сыйфатларны укый.

Ә хәзер 1 нче команда сыйфатлар арасыннан 3 төсне белдергән сүзне маркер белән билгели, 2 нче команда тәмне белдергән 3 сүзне билгели, 3 нче команда холыкны белдергән 3 сүзне билгели.

Ә хәзер дәреслекләр белән эшлибез

Экранда җөмләләр язылган.

Кыш җитте. Кар ява. Балалар уйный. Кешеләр кием кияләр.Бу җөмләләрдә нәрсәдер җитми? ( Сыйфатлар. Әйдәгез сыйфатлар куеп укып карыйк)

Димәк укучылар сыйфатлар безгә ни өчен кирәк соң?

Җәмләләрне матурлау өчен. Сыйфатның иң яраткан сүз төркеме........??????.......... Әйе, ул күпчелек исемне ачыклап килә

79 нчы биттәге, 147 нче күнегүне эшлибез.(телдән)

Эш дәфтәрендәге 90 нчы күнегү язмача эшләнә.

Ә хәзер серле капчык уенын уйнап алабыз. Капчык эчендә төрле предметлар ята. Аның сыйфатына карап сез аның нәрсә икәнен белергә тиеш.

Ул сары тышлы, ачы, күзгә керсә яшь чыга. ( Суган)

Ул кызылсары төстә, озынча, аны куян ярата ( Кишер)

Ул яшел төстә, кытыршы, озынча ( Кыяр)

Ул куе кызыл төстә, койрыклы, аны винегреттка салалар ( Чөгендер)

Ул катлы- катлы, ак төстә, түгәрәк ( Кәбестә)

Дәрестә үткәннәрне тагын бер тапкыр системага салыйк әле.

Сыйфат

Мөстәкыйль сүз төркеме, ярдәмче сүз төркеме

Предметның , эш- хәрәкәтен, билгесен белдерә

Кем? Нәрсә? Нишли? Нинди? Кайсы? сорауларына җавап бирә.

Фигыльне, исемне ачыклап килә.( Дөрес түгелләре алына)

Укучылар бүген сезгә дәрестә бигрәк тә нәрсә ошады?

Нәрсә аңлашылмады?

Укучылар сез үзегезгә билге куегыз. Өстәлдәге билгеләр арасыннан

үзегезгә тиешлесен сайлап алыгыз. Кемнәр үзен мин бүген 5 легә эшләдем дип уйлый? Кемнәр 4 легә эшләдем дип уйлый.? Бүген 3 ле алучылар юктыр да инде. Молодцы. Барыгыз да яхшы эшләдегез.

Өй эше:

1. Сыйфатлар кулланып әти - әниегез турында кечкенә хикәя языгыз (4-5 җөмлә)