Дүниетану сабағы 'Ауаның құрамы'

АУАНЫҢ ҚҰРАМЫ

Дүниетану, 4 сынып

Мақсаты:

1. Білімділік: Оқушыларды ауаның құрамымен, тіршілік үшін маңызымен таныстырып ұғындыру, ауа туралы ғылыми түсініктерін кеңейту.

2. Дамытушылық: Оқушыларға ауаның қоршаған ортамен тығыз байланысын маңызын меңгерте отырып, дүниетанымын қалыптастыру, ой - өрісін, ойлау, есте сақтау қабілетін дамыту.

3. Тәрбиелік: Оқушыларды ауаны таза сақтауға, қорғауға тәрбиелеу. Қоршаған ортаны таза ұстауға, өсімдіктердің өсуіне өз үлестерін қосуға баулу.

Сабақтың түрі: жарыс сабақ

Типі: жаңа білімді меңгерту.

Әдіс-тәсілдері: сұрақ-жауап, РАФТ, ішіне сыртына, әңгімелеу, топтастыру.

Көрнекіліктер: Қазақстан картасы, кесте, суреттер, слайд.

Күтілетін нәтиже: Ауаның құрамы туралы түсінік алып меңгерген оқушы қалыптасады.

Сабақтың барысы:

І. Ұйымдастыру кезеңі. Психологиялық икем.

Айналаға алақанмен

Жылылықты шашайық

Сәттілік тілеп күлімсіреп

Біз сабақты бастайық

(Бір - біріне жылы тілек тілеу)

ІІ. Үй тапсырмасын тексеру.

1. «Суды қорғау» тақырыбындағы мәтінді әңгімелеу.

2. Оқушылар «Суды қалай қорғаймыз?» деген тақырыпта жазып келген эсселерін оқиды.

3. Су туралы мақал-мәтелдерді айтқызу.

4. Картамен жұмыс. Оқушылар Қазақстанның физикалық картасынан Ертіс, Есіл өзені, Арал теңізін көрсетеді.

ІІІ. Жаңа сабақ

1. Сөзжұмбақ шешу.

1. Ең терең көл. (Байкал)

2. Тіршілік көзі. (Су )

3. Жанғыш пайдалы қазба. (Мұнай )

2. Жұмбақ жасыру.

Бір нәрсе жер мен көктің арасында

Көрінбес өзі түгел қарасы да.

Білінбей жер үстінде жүрсе дағы

Пайдалы адамзаттың баласына. (Ауа)

3. Тәжірбие. Ауаның қасиеттерін еске түсіру.

1- қатар.Суда ауаның бар екенін дәлелдеу.

2 - қатар.Топырақта ауаның бар екенін дәлелдеу.

3 - қатар. Бос ыдыста ауаның бар екенін дәлелдеу.

4. Әр қатарға тапсырма беру.

1 - қатар. Топтастыру әдісі: Ауаның қасиетін топтастырады.

2 - қатар. «Таза ауа - жанға шипа» тақырыбына эссе жазады.

3 - қатар. Пирамида құрады.

Ауа

5. Оқулықпен жұмыс.

А) «БҮҮ» әдісін пайдалану арқылы «Ауаның құрамы» тақырыбындағы мәтінмен танысу.

1. Мәтінді үш қатар бөліп оқиды.

2. Түртіп алу парағымен жұмыс.

Түртіп алу парағы

Ә) Жаңа тақырып бойынша мұғалім қосымша мағлұмат береді.

Жерді айнала қоршап тұрған газды қабат - атмосфера. Оның қалыңдығы 100 км-ге дейін жетеді. Ауа - әр түрлі газдардың қоспасы. Оның құрамы негізінен, азот пен оттегіден тұрады. Бұл газдар су мен жер қыртысында бар. Ауа қоспасындағы ең көп газ - азот. Ол ауаның үштен екі бөлігін алып тұрады, яғни 78% - азот, ал 21% оттегінің үлесінде. Егер адам тәулігіне 4-5 литр су, тамақ ішетін болса, дем алғанда 23- 24 л ауа жұтады.

Оттегі бөлетін жасыл өсімдіктер жер бетінде 550-570 миллион жыл бұрын пайда болған.

5. Сергіту сәті .

Шапалақ арқылы жануарлар қимылын жасау.

Бір шапалақ, қоянның қимылы

Екі шапалақ, аю қимылы

Үш шапалақ, бақа қимылы

Төрт шапалақ, торғай қимылы.

6. Дәптермен жұмыс. Оқушыларға жекеленген тапсырмалар беріледі.

1 - қатар «Ауа» туралы мақал-мәтелдер жазу.

2 - қатар «Ауаны қалай тазартамыз» сурет салу.

3 - қатар. Ішіне сыртына кестесін пайдаланып, ауаны ластайтын заттарды сыртына, ауаны тазартатын заттарды ішіне жазады.

ІV. Сабақты бекіту.

1. Ауа қоспасын атау. Диаграмманы толтыру.

V. Қорытынды. РАФТ стартегиясын пайдалана отырып, мәтін жазады

Әдіс

І -қатар

ІІ - қатар

ІІІ - қатар

Р

Роль

Ауа

Ауа

Ауа

А

Аудитория

Президент

Эколог

Завод президенті

Ф

Форма

Хат

Сұраныс

Өтініш

Т

тақырып

Ауа құрамы

Ауаны қорғау

Ауаның ластануы

VII. Үйге тапсырма. «Ауаның құрамы» мәтінін оқып, түсінгендерін әңгімелеп келу.

VIII. Оқушыларды бағалау. Жеңген қатарды мадақтау.