Тәрбие сағаты 'Алтын күз'

Тақырыбы: «Алтын күз» мерекесі.
Мақсаты: Оқушылардың күз туралы түсініктерін кеңейту. Әдептілікке, әдемілікті сезіне білуге үйрету. Табиғатты қорғауға тәрбиелеу.

Түрі: сайыс

Көрнекіліктер: нақыл сөздер, күз суреттері,интербелсенді тақта

Барысы:

1 жүр: Армысыздар, бармысыздар!
Көптен күткен мереке,
Алтын күзді қарсы алыңыздар!
Жарысқа түскен әр топқа
Сәттілік тілеңіздер!
2 жүр: Армысыздар құрметті ұстаздар мен оқушылар! Және де бүгінгі «Күз ханзадасы мен күз ханшайымы» атты мерекесіне қатысушы сайыскерлер!
1 жүр: Иә, міне, жыл сайын тойлап өтетін үлкен мерекенің бірі. «Алтын күз» мерекесі де келіп жетті.
2 жүр: Бұл мереке мектеп өміріндегі дәстүрлі мерекелердің бірі. Күзде жеміс - жидектер пісіп, алтын астық қамбаға құйылатын, төлдер өсіп санаққа қосылатын кезең.
1 жүр: Күз - береке, күз- мереке айы. Жиын - терім аяқталған кезде еңбекшілер «Сабан тойын» өткізсе, мектепте «Алтын күз» мерекесі мерекеленеді.
2 жүр:
Сыр беріп алтын күз келіп жетті,
Жылы жаққа құстар да ұшып кетті, - деп келе бүгінгі « Алтын күз» мерекесін бастауға рұқсат етіңіздер. Сынып жетекшіміз Жанаргүл Сайлауқызына сөз береміз.

1 жүр: бүгінгі кешіміздің бағдарламасымен таныстырып өтейік:
1. Таныстыру 1-топ «Жапырақтар»

2. Викториналық сұрақтар 2-топ «Алтын күз»

3. Өнер көрсету 3-топ «Күзгі жапырақтар»
4. Сән үлгісі

5. Күзгі салат
2-жүргізуші: Алтын күз сіз бен бізге шуақ шашсын,
Көңілдердің серіппелі күйін ашсын.
Көрейік тамашалап көрермендер,
Көрсетсін сайыскерлер өздері дайындаған өнерлерін,-дей келе,сайысқа қатысатын топтарымызды ортаға шақырамыз.
1 жүр: Ал енді осымен сайысымызды бастаймыз.
2 жүр: Сонымен таныстыру кезеңі
1 жүр: Келесі сайысымыз викториналық сұрақтар. Сайысымыздың шарты бойынша әр топтың басшысы ортаға келіп, күз туралы сұрақтарға жауап береді.

2 жүр:
Ән салса әншілерім таң қаларсың,
Әр сөзін 99 рет қайталарсың.
Сондай ән туғызған қазағымды,
Қалайша тар пейіл деп айта аларсың.
1 жүр:
Шешендік еліміздің данасы,
Ән мен күй қаламыздың ағасы
Би билеп шырқайтұғын қыз бен жігіт,
Өнерін көрсетпейді деп айта алмайсың - дей келе келесі сайысымыз өнер сайысын бастайық. Ортаға ... номерлі --------- топты шақырамыз.
2 жүр: Адам көркі - шүберек,
Ағаш көркі жапырақ - демекші күз белгісін бейнелеген сәнді сән үлгілерін тамашалайық.
1-жүргізуші: Бүгінгі кеш өтіп жатыр әнімен,
Әр адам әсем болар өз тәнімен.
Өз қолынан шығарған киім сәнін,
Сіздерге көрсетеді өз мәнімен,-дей келе келесі кезекті күзгі сән үлгісіне береміз.

Сайыскерлер музыка әуенімен ортаға шығып, сән үлгілерін көрсетеді.
2-жүргізуші: 1-топ
1-жүргізуші: 2-топ
2-жүргізуші: 3-топ
1-жүргізуші: Ендігі кезек күзгі салаттарға да келіп жетті.
2 жүр: Міне, біз бүгін көптен бері ізденіп, тынбай дайындалған «Алтын күз» мерекесіне байланысты өтіп жатқан «Күз ханзадасы мен күз ханшайымын» анықтайтын уақыт жетті.
1 жүр:
Әділ қазы алқасы
Берсін әділ бағасын - деп сөзді әділ қазылар алқасына береміз.

Қазылар алқасы жеңген топтарды, «Күз ханзадасы мен күз ханшайымын» мақтау қағаздарымен марапаттайды.

2-жүргізуші: Осымен бүгінгі сайысымыз аяқталды.Көңіл қойып тыңдағандарыңызға көп - көп рахмет!