Сынып сағаты '1- қыркүйек'

2014 жыл

Тақырып: « Бір халық - бір ел - бір тағдыр»

Мақсаты: 1 қыркүйек білім күні туралы түсініктерін кенңейту.Еліміздің Рәміздерін білу.

Балаларға өз елін ,жерін сүюге үйрету.Құрмет тұтуға шақыру.

Көрнекіліктер: шарлар,сөздер,мақалдар,слайдтар

Барысы:

Мұғалім:

Таудай болсын талабың,
Бестігін ал бағаның.
Білім күні басталған,
Құтты болсын қадамың!

Гүл толы қала, дала да,
Гүл толы бүгін омырау.
Шақырып мектеп - анаға,
Соғылмақ тұңғыш қоңырау.- деп бүгін біздің балалар үшін тұңғыш қоңырау соғылды.

• Балалар сендер бүгін 1 сыныпқа келіп,оқушы атанып отырсыңдар.Мен сендерді алғашқы қоңырау күнімен құттықтаймын.Бүгінгі күн бәрімізге қуаныш сыйласын!

Бір - бірімізбен танысып,алайық. Гүлді бір біріне ұсынады.Фамилиясы мен атын айтады.

Мынау менің жүрегім бәрі осыдан басталған

Мынау басым ақылды бәрін өзі басқарған

Мынау менің оң қолым,мынау менің сол қолым

1,2,3 деп санайық,

Бәріміз дос болайық.

Балалар орындарына отырады.

* Құттықтау сөзді мектеп басшылығына беру.

Білім күніне құттықтауларын жолдауға ортаға Амина,Достан,Аделя,Айдынды шақырамын.

Достан:

Бірінші қыркүйек күні мен
Аңқыған жұпар гүлімен
Келіп ем, қарсы алар мектебім
Сүйкімді қоңырау үнімен.
Амина:

Биыл мен де мектепке

Біріншіге барамын.
Мақтанбаймын мен текке,
Дайын дәптер, қаламым.

Айдын:

Отанның біз ұл қызы,

Халықтың біз жұлдызы

Оқимыз ақын жырларын

Оқимыз еңбек сырларын

Аделя:

оқыған сізден балалалар
өмірден жолын таба алар
тәуелсіз елім қазақтың
болашағы бола алар
мен де сізден оқимын
санама білім тоқимын
халқымның қамын ойлайтын
азаматы болу борышым

Мирас:

Оқитын әрі жазатын

Білімге қол соғатын

Оқушы болдың қарағым,

Білімнің кілтін ашатын

Тимур:

Сылдырлайды,сыңғырлайды

Мектеп жақта қоңырау

Ұмытпаймыз бұл бір айды

Гүлге толы омырау.

Мұғалім:

Мен сендерді,ата- аналарыңды « Білім еліне саяхат» жасауға шақырамын.Ол үшін мына ережені есте сақтаңдар!

1. Мұғалімді мұқият тыңдауға

2. Сұрақтарға қол көтеріп жауап беруге

3. өз ойыңды ұялмай айтуға

Қазақстан қалаларына саяхат жасайық.Қандай қаланы көріп тұрсыңдар.

• 1. Петропавл қаласы.Мектепке келген оқушыға қажет құралдар қандай?

Жұмбақтар шешейік:

Оқу-бiлiм аспабы,

Қоймасының бас қабы.

Бөлмесi де бiрнешеу,

Тиегi бар ашпалы. (Сөмке)

Ұшымен қазық

Тор көздi жазық.

Үстiне өттiм,

Асыл сөз жазып. (Дәптер)

Ойларынды аңсаған,

Асыл сөздi ақ алаңға,

Түсiруден шаршаған,

Мен емеспiн әмәнда. (Қалам)

Оқушыға күнде ерiп,

Жүретiн не? (Күнделiк)

Қабат-қабат қатталған,

Асыл сөзбен апталған.

Парағы бар сөйлейтiн,

Ол қазына өлмейтiн. (Кiтап)

Бар бiлiмнiң бастауы,

Бар ғылымның бастауы.

Жас балаға нұр шашқан,

• Қандай кiтап тiл ашқан? (Әлiппе)

Кітап,дәптер,күнделік,қалам,қарындаш,сызғыш,т,б, /кезектесіп жауап беру/Ортаға Сабина,Әйгерім,Махаббат,Жасминді шақырайық.

Сабина:

Сәлем, саған мектебім

Алғыстарым көп менің.
Оқу, білім, тәрбие
Ой санама еккенің.
Әйгерім:

Қуаныш бүгін - мереке
Шуағын шашып тұр әлем.
Мектепке келген алғашқы,
Жан досым, саған мың сәлем.
Махаббат:

Мектепке енді барамыз,
Біз оқушы боламыз.
Жақсы оқып сабақты,
Кілең бестік аламыз.

Жасмин:

Алдыңа келіп, ұстазым,
Тұңғыш қалам ұстадым.
Күлімдеген көзіңнен
Мейіріңді сезіндім.

• 2.Көкшетау қаласы. ҚР Рәміздерін атаңдар?

• Ту.Елтаңба.Әнұран

Рәміздер туралы тақпақтарын Темирлан,Санжар оқып берсін.

Темирлан:

Көк аспандай көгілдір,

Қазақстан байрағы

Нұрын күндей төгіп тұр

Жылдарымыз жайдарлы

Санжар:

Елтаңбасы елімнің

неткен айбат,әдемі

Тұнығындай көгілдір

Ортада аспан әлемі.

Мұғалім: Қазақстан тәуелсіздік жылдар арасында үлкен нәтижелерге жетті. Қазір біздің ел - барлық әлемге танылған. Біз жас Қазақстанмен бірге дамып келеміз. Гүлдей берсін - біздің Қазақстанымыз!

Астана қаласының тапсырмасы:

Ата- аналар,балалар сіздер Астана туралы не білесіздер?

• Астанада Бәйтерек бар.

• Әсем қала

• Есіл бойында орналасқан

Қарағанды қаласының тапсырмасы:

Отан,отбасы туралы тақпақтар,мақалдар?

Алтынай:

Анаң-күнің,жүрегің

әкең-өмір тірегің

Сен бақытты ұлансың

Бәрі саған қуансын

Әжең асыл ардағың

Атаң - дана қорғаның

Сен бақытты ұлансың

Бәрі саған қуансын.

Дильназ:

Күннің нұры шуақты

Сергітеді денемді

Құрдастарым сияқты

Оқушымын мен енді.

Диана:

Бар сананы басқарған

Оқу биік тұрады

Кітапты көп ақтарған

Білімді боп шығады.

Балқаш қаласының тапсырмасы:

«Кім тапқыр» ойыны.

Жасырылған затты тауып айту.Ортаға ата-аналар шығады.

5 затты тауып айту /компьютер,оқушы,бес,кітап,доп/

Қапшағай қаласы.2- сыныпқа сөз берейік.

2- сыныптың құтықтауларын тыңдаймыз.

Алматы қаласы.

Мұғалім:

Немересін -әжесі,өз баласын анасы

Жетелеп әкеп тұр бүгін

Ұстазына табыстап,

Өзің бол деп панасы.

Ата-аналарға сөз беру.

Мұғалім:

Білім күні мерекеліріңіз құтты болсын.Баллалар әрқашан алда болсын!

Назарларыңызға рақмет.Сау болыңыздар.