Қарсы мәндес сыны есім

Сабақтың тақырыбы: Қарсы мәндес сын есім.

Сабақтың мақсаты:

Білімділік: сын есім туралы алған білімдерін кеңейту, қарсы мәндес

сын есім туралы түсінік беру.

Дамытушылық: ойлау ,есте сақтау қабілеттерін дамыту,сөздік қорын

Молайту,сөйлем құрау дағдысын жетілдіру.

Тәрбиелік: сауаттылыққа , ұқыптылыққа, ізденімпаздылыққа, өз бетімен жұмыс істеуге , әдемі жазуға тәрбиелеу.

Сабақтың көрнекілігі: мақал-мәтел , оқулық сәкестендіру тесті т.б.

Сабақтың әдісі: түсіндіру, сұрақ-жауап,СКТТ.

Сабақтың барысы: I Ұйымдастыру кезеңі.

Оқушыларды сабаққа әзірлеу.

Бүгінгі сабағымызға қонақтар келіп отыр,барлығымыз орнымыздан тұрып сәлемдесейік.Хормен: Жақсы оқып сабақты,

Әдеп сақтау міндетіміз.

Сәлем бердік сіздерге ,

Басымызды иіп бәріміз.

Психологиялық дайындық : Мақсатымыз білім алу ,

Міндетіміз еңбек ету,

Еңбектену арқылы 4 пен 5-ке қол жеткізу.

II. Үй тапсырмасын сұрау: 434-жаттығудың орындалуын тексеру.

Заттың түсін,көлемін,дәмін білдіретін сын есім тауып жазу.

Сын есімдерді қатыстырып сөйлем құрау.

III. Өткен сабақты бекіту: « Кім тапқыр?» ойыны арқылы сәйкестендіру тестін орындау.

Сәйкестендіру тесті: ұзын оқушы

қалың алма

қызыл бала

ұқыпты сынып

жарық ағаш

тәртіпті орамал

IV. Сергіту сәті:

Көктемгі жаңбыр себелеп,

Алдымнан жел еседі.

Көп іздеген балалар,

Білімді болып өседі.

V. Жаңа сабақ:

5.1.Жаңа тақырыпты мақалдардың мағынасын түсіндіру арқылы түсіндіремін.

Батырдың өмірі қысқа , даңқы ұзақ.

Үйрен жақсы әдептен,

Жирен жаман әдеттен.

-Осы мақалдардың ішінде бір - біріне қарсы мәндес сын есім сөздер бар ма?

(Қысқа- ұзақ, жақсы- жаман).

Ереже: мағыналары бір -біріне қарсы сын есімдерді қарсы мәндес сын есім дейміз. Мысалы: алыс- жақын,қалың- жұқа,жуас -қатал,кең- тар.

VI.Сергіту сәті:

VII.Оқулықпен жұмыс:

Жаттығулардың орындалу жолдарын түсіндіремін.

436-жаттығу. «Ұшқыр ой» ойыны арқылы орындау.

Жұмбақты оқы,шешуін тап. Ақ шапанын үстінен

Алты ай бойы шешпейді.

Қара шапан үстінен

Алты ай бойы түспейді.

437-жаттығу. «Кім тапқыр?» ойыны арқылы орындау.

Берілген сын есімдерге қарсы мәндес сыңарларын тауып жаз.

Аласа - биік, жақсы - жаман, қиын - оңай, жарық - қараңғы, мейірімді - мейірімсіз, қымбат - арзан.

Сын есімдерді қатыстырып сөйлем құра.

438-жаттығу. «Кім зейінді» ойыны арқылы орындау.

1.Үлкен кісі бастар,кіші кісі костар.2Жақсы бала- қуаныш,жаман бала-өкініш.3.Қант тәтті болады,бұрыш ащы болады.4.Жақсы бала ойлағыш,

жаман бала тойлағыш.

439-жаттығу. «Кім жылдам?» ойыны арқылы орындау.

Сөздерді оқы,қарсы мәндес сын есімдерді жұптап жаз.

Салқын- жылы, ақ- қара,тәтті- ащы,жас- кәрі,кіші- үлкен,сулы- құрғақ.

Сын есімдерді қатыстырып бірнеше сөйлем қарап жаз.

441-жаттығу. Ауызша орындау.

443-жаттығу. «Кім зейінді?» ойыны арқылы орындау.

Жел,қар сөздерінің әрқайсысына қатысты бірнеше сын есім тауып жаз.

Үлгі: ала бұлт, қою бұлт, қара бұлт.

Ауа райы туралы шағын әңгіме жаз.

444-жаттығу. «Кім ойлы?» ойыны арқылы орындау.

Берілген сын есімдердің қарсы мәндес сыңарларын тауып жаз.

Терең- сайыз,ыстық- суық,адал- арам,жуас- қатал,жұмсақ- қатты,жуан- жіңішке.

Осы сөздердің ішінен бірнеше сөз алып фонологиялық талдау жасау.

Қатал Жұмсақ.

1 . жуан буынды сөз 1.жуан буынды сөз

2. қа- тал. 2. жұм-сақ

т.б б.б. б.б. б.б. 3.қа болып бір жағдайда 3 . жұм болып бір жағдайда

тал тасымалданады. сақ тасымалданады.

4.Қатал. 4.Жұмсақ.

VIII.Сабақты бекіту.

-Бүгінгі сабақтан не алдық?

-Білім.

-Қандай жұмыс түрлері болды?

-Сәйкестендіру тесті,жаттығулар орындадық,фонологиялық талдау жасадық,

жұмбақ шештік,сөйлем құрадық. т.б.

-Көңіліміз қандай?

-Жақсы.

-Сезіміміз қандай?

-Тамаша.

VIV.Сабақты қорыту. « Кім тез айтады?» ойыны арқылы қорытамын.

-Қарсы мәндес сын есім сөздер айту.

-Ереже айту.

X.Үйге тапсырма беру. 442-жаттығу.134-бет.

XI.Бағалау.