ҚАзақстан туын көкке желбіреткен АЗИАДА - 2011

4 «А» сынып Дүниетану.

Сабақтың тақырыбы: Қазақстан туын көкке желбіреткен АЗИАДА - 2011

Сабақтың мақсаты: Білімділік Оқушыларды «Қазақстан туын көкке желбіреткен - АЗИАДА - 2011» тақырыбымен таныстыру. Олимпиаданың маңызы мен мақсаттары туралы түсінік беру.

Қазақстан Республикасында алғашқы қысқы Азия ойындарын өткізуді, олимпиадалық қозғалыс және саламатты өмір салты принциптерін насихаттау.

а) Азия ойындарын өткізу арқылы патриоттық сана негіздерін қалыптастыру,

б) өз еліне деген ұлттық мақтанышты тәрбиелеу;

Дамытушылық: Отанымыздың байлықтары туралы білімдерін байыту, тереңдету, дамыту. Дүниетанымын кеңейту, сөздік қорын молайту, тіл байлығын арттыру.

Тәрбиелік: Отанымызды сүюге, қастарлеуге, қорғауға тәрбиелеу. Татулыққа, бірлікке, достыққа тәрбиелеу. Еңбекке баулу, еңбек адамдарын құрметтеуге тәрбиелеу.

Сабақтың типі: Оқушылардың жаңа материалды меңгеру сабағы..

Сабақ түрі: Аралас сабақ.

Әдіс-тәсілдері: СТО технологиясының тәсілдері, түсіндіру, сұрақ-жауап, көрнекілік көрсету арқылы түсіндіру,жарыс, ойын.

Көрнекілік: Тақырыпқа байланысты суреттер.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс: Мәтінді мәнерлеп оқу. Түсінік айтуға дайындалу.

Оқушылардың білімді белсенді меңгеруге дайындау кезеңі.

Жаңа сабақ.

Сабақтың тақырыбы және мақсатымен таныстыру

Таныстыруға арналған мәтіндер

Азия ойындары - Азия елдерінің спортшылары арасында әрбір төрт жыл сайын өткізілетін спорттық жарыс. Азия ойындары Азиада деп те аталады.

Алғашқы Азия ойындары 1951 жылы Үндістанда өтті. Азия Олимпиадалық Кеңесі барлық Азия ойындарын өткізуге басшылық жасайды. Әрбір ойындардың эмблемасы, туы, ұраны және әнұраны бар.

Жазғы Азия ойындары - ең ірі кешенді спорттық жарыстар. 16-жазғы Азия ойындары 2010 жылғы 12-27 қараша аралығында Қытайда өтті.

Азия елдерінің спортшылары арасында мынадай ойындар өткізіледі:

• Жабық орын-жайлардағы Азия ойындары алғаш рет 2005 жылы өткізілді;

• Жағажайдағы Азия ойындары осы уақытқа дейін 2 рет өткізілді;

• Өңірлік Азия ойындары. Бұлай деп аталатын себебі - оған белгілі бір өңірден бірнеше ел қатысады, мәселен, Орта Азия, Оңтүстік Азия, Шығыс Азия және басқалар.

• Жасөспірімдер арасындағы Азия ойындары. Олар 2009 жылдан бастап өткізіле бастады.

• Қысқы Азия ойындары

Қысқы Азия ойындары Азия құрлығының спортшылары арасында өткізіледі.

1. 1-қысқы Азия ойындары 1986 жылы Жапонияда өтті. 7 ел қатысты. Жарыстар спорттың 7 түрінен өтті.

2. 2-қысқы Азия ойындары да Жапонияда өтті. Оған 10 ел қатысты. Жарыстар спорттың 6 түрінен өтті.

3. 3-қысқы Азия ойындары 1996 жылы Қытайда өтті. 16 ел қатысты. Жарыстар спорттың 7 түрінен өтті. Үшінші ойындарға Қазақстанның спортшылары қатысып, жеңіске жете бастады. Олар 31 медаль иеленді.

4. 4-қысқы Азия ойындары 1999 жылы Кореяда өтті. Оған 21 ел қатысты.

5. 5-қысқы Азия ойындары 2003 жылы тағы да Жапонияда өтті. 17 ел қатысты. Жарыстар спорттың 11 түрінен өтті.

6. 6-қысқы Азия ойындары 2007 жылы Қытайда өтті. 45 ел қатысып, жарыстар спорттың 10 түрінен өтті.

Қазақстан қысқы Азия ойындарын өткізу құқығына тұңғыш ие болып отыр. 2011 жылғы 7-қысқы Азия ойындары біздің елімізде өткізіледі. Ойындар 30 қаңтар мен 6 ақпан аралығында өтеді. Оған 30 ел қатысады. Жарыстар спорттың 11 түрінен өтті:

• Биатлон - бірнеше ату шебінде кіші калибрлі винтовкадан жатып және тұрып ататын шаңғы жарыстары.

• Тау шаңғысы спорты - арнайы жолдармен таудан төмен құлдилау.

• Конькимен жүгіру спорты - конькимен жылдамдыққа жүгіру.

• Шаңғы жарыстары - шаңғымен жылдамдыққа жүгіру.

• Шаңғыда бағдарлау - бұл қолданбалы спорт түрі. Басты шарты - белгілі бір уақыт ішінде белгіленген қашықтықты жүріп өту.

• Шаңғымен трамплиннен секіру - арнайы жабдықталған трамплиндерден шаңғымен секіру.

• Мәнерлеп сырғанау - бұл спортшының музыка ырғағымен мұзда конькимен жасалатын қимыл-қозғалысы.

• Фристайл - бұл тау шаңғысы спортының бір түрі. Ол өз ішінен үшке бөлінеді: могул - кедір-бұдыр жолдың бойымен тау шаңғысымен жылдам құлдилау; шаңғы балеті - әртүрлі би қимылдарын орындай отырып, таудан құлдилау; әуе (шаңғы) акробатикасы - акроботикалық қимыл-қозғалыстарды орындай отырып, екі метрлік трамплиннен секіру.

• Хоккей - мұз алаңында өтетін спорттық командалық ойын. Хоккейді шайбамен де, доппен де ойнайды.

• Шорт-трек - хоккей алаңында белгіленген қысқа мұз жолында конькимен жүгіру.

Оқулықпен жұмыс

- Мәтінді мәнерлеп оқу.

• Дауыстап кезекпен оқыту.

- Оқушыларға мәтінді мәнерлеп , тізбектей оқыту

Сабақты қорыту: Біз не білдік? Талқылау.

Үйге тапсырма: Мәтінді мәнерлеп оқу. Түсінік айтуға дайындалу.

Оқушы білімі мен белсенділігін бағалау

4 «А»сынып

Ана тілі

Сабақтың тақырыбы: Шығыс шынары Әзиза Нұрмаханова

Сабақтың мақсаты:

Білімділік : Оқушыларды «Шығыс шынары» әңгімесімен таныстыру. Ұлы Отан соғысы жылдарындағы шығармалардың мазмұны мен идеясын меңгерту.

Дамытушылық:Оқушыларды сауатты, мәнерлі, әсерлі оқуға баулу. Шығармашылықпен жұмыс істеуге ықпал ету, ойлау шеберлігі мен сөйлеу мәдениетін дамыту.

Тәрбиелік: Оқушылардың өнерге, білімге деген сүйіспеншілігін арттыру, тәрбиелеу.

Сабақтың типі: Оқушылардың жаңа білімді меңгеру сабағы..

Сабақтың түрі: Аралас сабақ.

Әдіс-тәсілдері: СТО технологиясының тәсілдері, түсіндіру, сұрақ-жауап, көрнекілік көрсету арқылы түсіндіру,жарыс, ойын.

Көрнекілік:Тақырыпқа байланысты суреттер. Қимақағаздар. «Жазушылар» топтамасы

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс:

Оқушылардың білімді белсенді меңгеруге дайындау кезеңі.

Жаңа сабақ.

Сабақ тақырыбы мен мақсатымен таныстыру.

Әңгіме жүргізу.

Шығармалардың авторларымен таныстыру. «Жазушылар» топтамасы.

Ұлы Отан соғысы батырлары:

Б.Момышұлы Т.Тоқтаров М.Ғабдуллин М.Мәметова

Әлия Молдағұлова

Кеңес Одағының батыры

Мәлімет.

Дәл соғыс басталған күні 1941 жылы, 21-маусым күні Әлия Свиреск стансасының жанындағы саяжайда болды. Балалар үйінің саяжайына оқушылар демалу үшін барған. 22-маусымда ұшқыштар аэродромға шақырған. Күн ыстық еді. Түстен кейін соғыстың басталғаны туралы хабар бұларға да жетті.

Әлияның Сапура апасына жазған хатынан:

Қымбатты менің Сапурам. Амансың ба? Қазір біз алғы шептеміз. Терең окопта хат жазып отырмын. Немістермен бетпе-бет келіп жүрміз., Менің басымда - каска, белімде - граната, қолымда - винтовка. Солдаттар таң қалады. Фрицтерді аямаймын. Таңертең командиріміз былай деді: мерген Әлия Молдағұлова үш күннің ішінде 14 фашисті өлтірді. Иә, Сапура, командир алғыс жариялады. Көріскенше. Жеңіспен қауышайық. Сүйдім. Әлияң. 1943 жыл. 13 желтоқсан.

1994 жыл. Ресейдің қылшылдаған қысы. Ұрыс жүріп жатыр. Зеңбірек зіркілі, пулемет үні, зуылдаған оқ орыс даласына тек өлім сеуіп тұр. Траншеяға бірінші кірген Әлия тар жерде кептелді де қалды. Немістің офицері қапсыра ұстап, оны оп-оңай құртқысы келіп еді. Оған Әлия мұрша бермеді. Офицерді бірінші атып үлгерді. Әлия автоматтан оқты үсті-үстіне боратты. Офицер құлап түсті.

Кішкентайынан елім деп еңіреген қазақ қызы ауыр жарақаттанады. Есіл ер қаза тапты. Домбыраның егіз екі шегі азалы шерден ызалы күйік қайырғанда, Әлия еске түседі.... Батыр Әлия.... Қобда мен Неваға ғашық Әлия... Жерін сүйген Әлия.. Халқына жыр болған Әлия... Розадай сіңілісіне ән болған Әлия... Артындағы ұрпағына ұран болған Әлия.. Әлия ғұмыр....

Оқулықпен жұмыс

- Мәнерлеп оқып беру.

- Мазмұнын түсіндіру.

- Мәтінді оқушыларға тізбектей оқыту.

Сөздікпен жұмыс.

Сол сөздердің мәнін ашу, түсіндіру.

Сергіту сәті.

Сұрақтар мен тапсырмаларларды орындау.

1. Әңгіме кім туралы?

2. Әлия Молдағұлова туралы не білесің?

3. Әңгімеде Әлияның қай кезі баяндалған?

4. Әлияның ұстаздары қандай шешім қабылдады?

5. Олардың мұндай шешімге келу себебі не?

6. Әлияның білімді, өнерлі, еңбекқор, үлкенге құрмет, кішіге ізет көрсететін кішіпейіл екенін ұстаздарының қандай сөздерінен аңғардың?

7. Мектеп директоры Әлия жөнінде қандай ұсыныс айтты?

8. Кішкентай Әлия сенде қандай сезім туғызды? Оның бойындағы қандай қасиет саған көбірек ұнады?

9. Оқушы Әлия мен батыр Әлияның арасында қандай байланыс бар деп ойлайсың?

1. Әңгімеден Әлия жөнінде айтқан ұстаздарының пікірлерін тауып, дауыстап оқы. 2. Осы пікірлерге сүйене отырып, Әлияға мінездеме бер.3. Әлияның ұстаздар сенімін қалайша ақтағанын айтып, әңгімені жалғастырып көр.

Сабақты қорыту: Біз не білдік? Талқылау.

Оқушы білімі мен белсенділігін бағалау.

Үйге тапсырма: . Әңгімені мәнерлеп оқу. Түсінік айтуға дайындалу

4 «А» сынып

Дүниетану.

Күні:

Сабақтың тақырыбы: Қазақстанның ғарышжайы

Сабақтың мақсаты:

Білімділік Оқушыларды «Қазақстанның ғарышжайы» тақырыбымен таныстыру.

Дамытушылық: Отанымыздың байлықтары туралы білімдерін байыту, тереңдету, дамыту. Дүниетанымын кеңейту, сөздік қорын молайту, тіл байлығын арттыру.

Тәрбиелік: Отанымызды сүюге, қастарлеуге, қорғауға тәрбиелеу. Татулыққа, бірлікке, достыққа тәрбиелеу. Еңбекке баулу, еңбек адамдарын құрметтеуге тәрбиелеу.

Сабақтың типі: Оқушылардың жаңа материалды меңгеру сабағы..

Сабақ түрі: Аралас сабақ.

Әдіс-тәсілдері: СТО технологиясының тәсілдері, түсіндіру, сұрақ-жауап,

көрнекілік көрсету арқылы түсіндіру,жарыс, ойын.

Көрнекілік: Тақырыпқа байланысты суреттер.

Жоспар:

І. Ұйымдастыру кезеңі

ІІ. Үй тапсырмасымен тексеру

ІІІ. Жаңа сабақ.

ІҮ. Жаңа сабақты бекіту.

Ү. Қорытындылау, бағалау.

ҮІ. Үйге тапсырма.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс: Мәтінді мәнерлеп оқу. Түсінік айтуға дайындалу.

Оқушылардың білімді белсенді меңгеруге дайындау кезеңі.

Жаңа сабақ.

Сабақтың тақырыбы және мақсатымен таныстыру

Оқулықпен жұмыс «Қазақстанның ғарышжайы» азаматтық қозғалысы»

- Мәтінді мәнерлеп оқу.

• Дауыстап кезекпен оқыту.

- Оқушыларға мәтінді мәнерлеп , тізбектей оқыту

Алғаш рет ғарышқа 1957 жылы 4 қазанда Жердің жасанды серігі ұшырылды.

Алғаш рет адам баласы тарихында 1961 жылы 12 сәуірде Ю.А. Гагарин ұшты

Тоқтар Әубәкіров - тұңғыш қазақ ғарышкері. Ол 1991 жылы ғарышқа самғады.

Оқушыларды Тұңғыш қазақ ғарышкері туралы мәліметпен таныстыру.

Т. Әубәкіров - ғарыш әлеміне ұшқан тұңғыш қазақ ғарышкері, сынақшы-ұшқыш. Ол 1946 жылы Қарағанды облысы Қарқаралы ауданы «1 Май» колхозында темір ұстасының әулетінде туған. Тоқтар ата- анасынан жастай жетім қалып, апасының тәрбиесінде болған. 1991 жылы қазан айында ғарышқабірінші рет көтерілген қазақ азаматы.Осы ерлігі үшін оған Халық Қаһарманы атағы берілді.

Мәтінге жоспар құру:

1. 1961 жыл 12 сәуір

2. «Мир» станциясы

3. Тұңғыш қазақ ғарышкері

4. Т. Мұсабаевтың сапары.

5. Байқоңыр ғарыш алаңы

Сергіту сәті.

Мәтін соңында берілген сұрақтар мен тапсырмалармен жұмыс:

1. Ю. Гагарин қай елдіің азаматы?

2. Жер айналасындағы орбита дегенді қалай түсінесің?

3. Ғарышты зерттеудің қоғам дамуына қандай пайдасы бар?

4. Адамның алғаш ғарышқа ұшқан күнін ұмытпау үшін дәптеріңе жазып ал.

5. Мәтінде аталғандардан басқа тағы қандай ғарышкерлерді білесің?

Картадан Байқоңырды тауып, Қазақстанның қай бөлігінде орналасқанын анықта.

Сабақты қорыту: Біз не білдік? Талқылау.

Үйге тапсырма: Мәтінді мәнерлеп оқу. Түсінік айтуға дайындалу.

Оқушы білімі мен белсенділігін бағалау