Конспект урока по математике 'Умножение' (3 класс)

Мевзу: Текрарлав. Экиге ве учьке арттырув ве болюв
джедвеллерини пекитюви.

Дерснинъ макъсады:

• 2 ве 3 арттырув джедвелерини, меселелерни чезип,
  талебелернинъ бильгелерини, афызасыны пекитмек ве инкишаф
  эттирмек;

• дикъкъатны джюлялав ёлларыны огретмек, тертип кереклигини
  анълатмакъ;

• математикагъа меракъ ашламакъ.

Донатма: компьютер, проектор, магнитафон, карточкалар, кейфини
бельгилеген карточкалар, ралелер устюнде геометрик шекиллери,
кокошниклер.

Дерc чешити: дерс-оюн, текрарлав ве пекитюв.

Дерснинъ кетишаты:

1. Тешкилий къысым.

Талебелер сыныфкъа кирелер ве группаларгъа болюнелер. (йыр)

(1 слайд)

Селямлашув. Дерснинъ шиары: (2 слайд)

(берабер)

Мектеп чанъы чынъылдай,

Сеси кескин янъгырай,

Дерcкевакътындакирем
Кеч къалмайып бир дирем.

2. Дерс мевзусы ве макъсадынен таныштырув.

• Балалар, бугуньки дерсимиз адеттеки дегиль, биз эпимиз «Не?
  Къаерде? Не вакъыт?» оюныны кечиреджемиз.

• Бизде дёрт команда: (3 слайд)

Тюзкоше командасы. (Тюзкошенинъ дёрт яны бар, кошелери исе
тюз)

Учькоше командасы. (Учькошелик-учь коше, учь тёпе, яны даа учь
дане)

Квадрат командасы. (Мусавий янлы тюзкошелик я даа квадрат.
Дёрт яны ве дёрт кошеси.)

Даире командасы. (Даиренинъ кошелери асылда ёкъ)

• Буюринъиз, талебелер!

3. Талебелерни ишке азырлав.

Психологик мешгъулиет (берабер)

Мектепке истеп барам,

Оджамны севип саям.

Дерслерде гъайрет этип,

Бильгимни эп арттырам.

3. Талебелернинъ билгилерини незарет ве коррекция этюв.

• Дикъкъат! Биринджи ярыш. «Мий уджюми»

Агъзавий эсап:

1. Насыл сайыны бу сырадан чыкъармакъ керек? (4 слайд)

4 6 7 8 10 12 14 16 18

2. Бу сайылар къайсы сайынынъ арттырмакъ таблицасынынъ
   джеваплары? (5 слайд)

369121518212427

3. Ифаделерни чезинъиз. (6 слайд)

□ х 3 = 21 24 : = 8 □ : 2 = 9 15: □ =5

• Джевапларынъызны командалар арасында алмаштырынъыз ве
  тешкеринъиз. (Догъру джевапкъа оджа эр командагьа шекиль
  бере)

Догъру джевап (тешкерюв) (7 слайд)

• Балалар, арттырув ве болюв компонентлерни айтынъыз.

Беден дакъкъасы. (8 слайд)

V. Кечкен мевзуларны текрарлав

1. Меселелер устюнде чалышув.

• Экинджи ярыш. «Акъыл гимнастикасы» (9 слайд)

• Дёрт меселе эр бир командагъа. (карточкалар)

/\ 18 джевизли ашны 3 тарелкагъа тенъ этип къойдылар. Эр

бир тарелкада къачар джевизли аш бар?

Рустем куньде 2 кере тартыла. Афтада къач кере тартылмакъ

керек?

Асие бир дакъкъада учь мешгъулиет беджере. Беш
дакъкъада къач мешгъулиет япа бере?

2 метр лента 18 кумюш тура. 1 метр лента къач кумюш
тураджакъ?

Догъру джевап (тешкерюв) (10 слайд)

(оджа догъру джевапкъа эр командагьа шекиль бере)

2. Ифаделер устюнде чалышув.

- Учюнджи ярыш. «Озюнъ яп»

Янълышларны тюзетинъиз.

2 х 8 - 9 = 9 (13 + 2): 3 = 8

43-(7 x 3) = 20 15 : 3 + 30 = 45

3x9-20 = 8 15:3-5 = 10

16 : 2 + 16 = 29 (14 + 4): 3 = 5

Догъру джевап (тешкерюв) (11 слайд)

(оджа догъру джевапкъа эр командагъа шекиль бере)

3. Геометрик материал устюнде чалышув
- Дёртюнджи ярыш «Отькюр козь»

-Сыныкънынъ узунлыгъыны тапынъыз. Бойле узунлыкъта эки тенъ
кесикли башкъа сыныкъ чызынъыз. (12 слайд)

(Догъру джевапны оджа тешкере ве эр командагъа шекиль бере)
Беден дакъкъасы (13 слайд)

• Бешинджи ярыш «Ресимли меселе»

4. Ресим боюнджа меселени чезинъиз. (карточкалар)

Догъру джевапны (тешкерюв). (14,15,16,17 слайд)

(Оджа догъру джевапкъа эр командагъа шекиль бере)

• Алтынджы ярыш «Пазл» (мектюп зарфында вазифе)

- Шекиллерден пазл джыймакъ.

(Вазифени балалар беджерген сонъ оджа эр командагъа шекиль
бере)

• Ярышларымыз битти.

• Машалла, балалар. Бугунь пек яхшы чалыштынъыз. Амма даа чокъ
  чалышмакъ керек ве чокъ бильги алмакъ керек.

6. Дерснинъ нетиджеси. (18 слайд)

• Бугунь насыл дерс олды? (дерс-оюн)

• Бу дерсте сиз не яптынъыз? (2 ве 3 сайысынынъ арттырув ве
  болюв таблицасыны текрарладыкъ, меселелер чездик, ифаделер
  ве геометрик материал устюнде чалыштыкъ)

• Бугуньки дерсни бегендинъизми?

6. Баалав.

• Энди эр бир команданынъ шекиллерни саяйыкъ ве нетиджесини
  чыкъарайыкъ, бааллар къояйыкъ.

6. Рефлексия. (19 слайд)

• Ралелер устюнде кунеш ве булутчыкъ ресимлер бар. Озюнъизни
  кейфинъизни бильдирген ресимни сечип алынъыз ве бир-
  биринъизге костеринъиз. (сонъ балалар тахтагъа ресимлерни
  япыштыралар)

6. Эв вазифеси. Карточкалар боюнджа иш. (20 слайд)

21. слайд)