Презентация по казахскому языку на тему 'Глагол' (7 класс)

Сабақтың тақырыбы: Етістік туралы түсінік.

Мақсаты: Оқушылардың етістік туралы төменгі сыныптарда алған білімдерін толықтыра отырып, жаңа білім дағдыларын бекіту.

Міндеттері: 1. Тақырыпты саналы түрде меңгеруге дайындау, етістік түрлерін ажырата білуге, тіл біліміне танымдық қабілетін арттыру, талдау жұмыстарын жүргізуге баулу;

2. Оқушыларға эстетикалық тәрбие беру, мәдениет адамдарына және музыка саласына қызығушылықтарын ояту;

3. Қазақ тілінің байлығы арқылы оқушының тілін, сауаттылығын дамыту.

Сабақтың типі: Жаңа сабақ.

Сабақтың әдіс-тәсілдері: Сұрақ жауап, түсіндіру, талдау,кесте, жылдам жауап, топтастыру жұмысы,өздік жұмысы.

Сабақтың көрнекілігі: Әншілер суреттері, сызбалар, мәтін, фигуралар.

Пәнаралық байланыс: Музыкамен, Шүй өңірінің әншілерімен танысу, математикамен.

Сабақтың барысы:

1. Ұйымдастыру кезеңі.

2. Оқушыларды білімді және саналы түрде сабақты меңгеруге дайындау

3. Оқушылар алдына оқу проблемаларын қою және өздеріне қойғызу.

4. Оқу материалдарын үйренудің практикалық қажеттілігіне тоқталу.

5. Білімдерін жан-жақты тексеру. (әр түрлі әдіс -тәсілдер арқылы тақырыпты меңгеру сапасын тексеру).

6. Бағалау.

7. Үйге тапсырма беру.

1. Ұйымдастыру кезеңі.(Үстел устінде 2 түрлі фигура қиындылары бар. Әркім өзіне ұнағанын таңдап алады. Бұл қандай фигура? Мінеки, фигуралар арқылы жаңа жұмыс тобын құрып алдық. Осы топтар бойынша бүгін сабақта жұмыс жүргізіледі.

2. Ал, назарларыңды слайдыға аударыңыздар. (Өнерпаздардың өлең оқып, ән айтып, би билеп тұрғандары көрсетіледі).

Мынау кімдер, олар неістеп тұр?

• Бұлар әншілер, бишілер, күйшілер, өлең оқып тұрғандар.

• Олар : Әнші ән айтып тұр. Күйші күй тартты. Биші билеп жатыр. Ақын өлеңін оқып тұр.

• Не істейді? Қайтты? Не қылды? - деген сұрақтарға жауап беріп тұрған сөздер бар ма?

• Осы сұрақтар нені білдіреді?

• Қимылын, іс-әрекетін, жүріс-тұрысын.

3. Сонда, балалар, бүгін біз қандай тақырып өтеміз екен және не туралы айтамыз екен?

Әнші, күйші, биші, ақын туралы неге сөз қозғадық.

• Бұл Шүй өңірінің өнерпаздары, атақты әнші, бишілер.

• Биыл Ресей көлемінде «Мәдениет жылы», сондықтан сіз Қосағаштағы мәдениет саласында жұмыс атқаратын адамдар туралы көрсетіп отырсыз.

Менің қойған мақсатым осы, ал енді, сендер, қандай алдарыңа міндеттер қояр едің дер.

• Дәптерлеріңді ашып, бүгінгі күнді жазыңдар.(Слайдыда)

4. 1. Мәтінмен жұмыс.

«Керуен» тобы.

«Керуен» тобы өздерінің өнерпаздық қызметін «Бүрлер» ансамбілі болып 1996 жылы бастаған.

Алтай елінің Ресей Федерациясының құрамына кіргеніне 240 жыл тойына Мәскеу қаласына барып, ең бірінші өнерлерін көрсеткен. Кейін концерттік бағдарламаларымен жалғыз Қосағаш ауданына емес, Республика көлеміне Монғол еліне, Қазақстан Республикасы мен Швецария жеріне танымал болды.

«Керуен» дуэтінің әртістері Жанайдар Ермекұлы мен Еркін Бүкәнұлы.

• Мәтін не туралы?

• Мәтінде етістіктер бар ма?(дәптермен жұмыс.)

• Дара, күрделісін тапқызу.

• Осы топтың әндерін естігендерің бар ма?

5. Сергіту сәті.

6. 1. Ал, балалар, слайдыға қараңдар, мұнда ребус көрсетілген. (Екі етіктің суреті және ортасында «С» әрпі бар ребус).

2. «Топтау» стратегиясымен жұмыс.

Болымды Болымсыз

Дара

Етістік

Күрделі

Туынды

Негізгі

• Құрамына қарай етістіктің түрлерін талдайық, сендер қандай етістіктің түрлерін білесіңдер?

• Кестемен жұмыс.

Негізгі етістік

Туынды етістік

Жеке тұрып сұраққа жауап бере алатын және сөйлем мүшесі бола алатын толық мағыналы етістіктер. (Түбір сөзден жасалған етістік)

Жұрнақ арқылы жасалатын етістіктер.

Кел, бар, бер ,көр, отыр, айт, тұр , ал, көтер, жұм. т.б.

Шеге-ле, бас-қар,су-ғар,тақтай-ла, қолтық-та, жаман-да, тәрбие-ле.

3. Терме жатжазу.

Көсеуді әперші. Отты көсеу керек.Сабаумен жүн сабайды. Малды басқа сабауға болмайды. Жасау - қызға жиналған дүние-мүлік. Нағыз домбыраны шебер жасау керек.Ұлттық нақышты ескере ою қажет.Оюдың түр-түрімен таныстық.

• Етістікті табу.

• Дара, күрделі екенін анықта.

4. Сөздікпен жұмыс.

Дүние - мүлік - үйге жиналатын заттар - предметы домашнего убранства.

Ұлттық нақыш - әр ұлттың өзіне тән белгі - национальный калорит.

5. Топпен жұмыс.

Бірінші топ.

• Жұмбақтар шешіп, шешуімен сөйлем құра, сөйлемнен етістіктерді тап.

Екінші топ.

• Қатені табыңдар.

Шығыстан баяу ғана әсем сақал соғып тұр. (самал)

Рүлі түсіп, жапырағы солғындай сарғайыпты. (гүлі)

Ертеде бір жемпір мен мал болыпты.(кемпір мен шал)

Қазақта қыз бақаны аялап өсірген.(баланы)

• Қатесін тауып, дәптерге көшіріңдер.

• Етістікті табыңдар, астын екі сызықпен сызыңдар.

6. Бекіту.

1. Кітаппен жұмыс.(Өздік жұмыс).

335-жаттығу. (Жеке бетке жасау).

7. Қорытындылау.

1. «Кім жылдам» ойыны.(1 минуттың ішінде қай топ неше сұраққа өте қысқа тез жауап береді).

- Етістік нені білдіреді?

- Етістік қандай сұраққа жауап береді?

- Дара етістікке бір мысал келтір.

- Күрделі етістікке бір мысал.

- Етістіктің құрамына қарай түрлерін ата.

- Биыл Ресей көлемінде қандай жыл?

- Қошағаштың қандай әртісін білесіңдер?

- Қай жылы «Керуен» тобы құрылды?

- Алғашқы аты қандай болып еді?

- «Керуен» тобы қай мемлекеттерде болды?

- Неге дара етістік дейміз?

- Неге күрделі етістік дейміз?

2. Сабақтан қандай әсер алдыңдар, бүгінгі сабағымызда нені үйрендік?

8. Бағалау.

(өз-өздеріне бағалату)

9. Үйге тапсырма беру.

1. Әр оқушы 5 дара етістік, 5 күрделі етістік, 5 негізгі, 5 туынды етістік ойланып жазып келу.

2. «Мәдениет саласына еңбегі сіңген адам» деген тақарыпта шағын шығарма жазып, етістіктерін тауып, астын сыз.