'Алисаның арманы' 4 'Б'

Тақырыбы:Жол бастаған білімге,

Рахмет саған ,Әліппе !

Мақсаты:

Әліппеден үйренгендерін тиянақтау,өнерлерін тамашалау,білімдерінің артып,сөз байлығының молайғанын,саналарының өскендерін көрсетеді.Оқушылар ана тілі оқулығымен танысады.Отанын мектебін, ұстаздарын , ата-аналарын құрметтеуге тәрбиелеу. Ресурстар: шарлар ,әріптер макеті, Әліппе,ойыншықтар,жалаушалар.

І бөлім: Музыка әуенімен ойнап келе жатырған бала дауысы естіледі.Осы кезде 2-3 бала (қолдарында добы,қуыршағы, машинасы бар)өзара таласып келіп ортаға кіреді . Дауыс:

Сахна сыртында

Ойын қуған жүрген думан бұл кімдер? Сылдыраған балаң тілмен естіледі бір үндер. Нұрхан: Апам айтқан күзде мектепке барасың деп, Көп-көп оқу құралдарын аласың деп. Айнур: Онда-мына машинаңды неге тастамайсың, Сен әлі ешнәрсені түсінбейтін,кішкентайсың. Жанель: Жоқ,ол жетіге толды, Үлкен бала болды. Мына ойыншықтарды, Бөпесіне сыйлайтын болды.(балалар ойыншықтарын бөпелеріне береді) Осы арада 5-сынып оқушысы: Ақерке: Балалар мектепке бармайсыңдар ма?

Айнұр: Мектеп,мектеп деген ол не өзі? Оның барма мұрны, аузы, көзі. Нұрхан: Онда не береді? Менің де барғым келеді.

Ақерке: 6-ға толсаң,ойын қумай бос текке, Оқисың әрине сен де мектепте Жанель: Мектепте үйрендің сен нені? Көп пе оның сендерге бергені. Ақерке: Мектепте бәріміз білім аламыз, Жан-жақты дамып өседі санамыз. Біз секілді ағылшын тілін меңгересің, Мектепте домбыра қағуды үйренесің. Үйірмеде билегенде бір ғажайып күйге енесің, Ән сабағына қатысып ән айтасың Интерактивті тақтада жаңалықпен қайтасың. Спорттың неше түрімен шынығасың. Қарның ашса асханада сусын ішіп тынығасың. Мектебім мінекей ақ ордам тым асқақ. Ұстазым,достарым тұр әне қол бұлғап, Жүріңдер үңіліп, мектептің сырына, Шығайық білімнің шыңына.

ІІ бөлім: 1-жүргізуші: Еркебұлан: Алдарыңда сан тарау жолдары тұр, Бәрі ертеңгі азамат болғалы тұр, Үлкен білім есігін ашпақ міне, Келген қауым қол соғып қолдап отыр.

2- жүргізуші: Айлуна: Көз салып қараңызшы бойымызға, Ортақ болып бүгінгі өскен ойымызға. Хош келіпсіз, ұстаздар,ата-аналар, Әліппемен қоштасу тойымызға.

1-жүргізуші: Е. Өтті оқу сан сабақ 2-жүргізуші: А. Бүгін үлкен салтанат 1-жүргізуші:Е. Ана тілімен достассақ. 2-жүргізуші:А. Әліппеміз қоштаспақ 1-жүргізуші:Е. Өсті білім ойымыз, 1,2-жүргізуші: Құтты болсын тойымыз! 1-Жүргізуші:Е. Бүгінгі кеш әр үйдің той басы деп саналар Балалардың есімі әулеттерге таралар. 2-жүргізуші:А. Ырым етіп сондықтан кешіміздің басында Ақ тілекпен баршаға шашу шашпақ аналар. Аналар сөзі: Шашу ,шашу ,шашайық, Ақ сандықты ашайық, Бұл мереке,бұл тойдың, Бастаңғысын жасайық.(шашу шашылады) 1 -Жүргізуші:Е. Осы тойдың сәнін келтірер, сыныптас достарымыз қайда? 2- Жүргізуші:А. Еркебұлан, біз достарымызды ортаға шақырайық. (оқушыларды таныстырамыз) 1-Жүргізуші:Еркебұлан: Таныстық міне сіздермен. Қошемет бізге қонақтар! -Достар сыныптағы әнші қыз Томайтомиристің орындауындағы «Көңілді күн» әнін қабыл алыңыздар!

1-Жүргізуші:А. Достар естеріңде ме? Ең алғаш мектеп табалдырығын аттаған күн қай күн еді? Оқушылар хормен:-1-ші қыркүйек

1-оқушы: Айнұр. Күмбір-күмбір қоңырау, Соғылған ай қыркүйек. Қалам ұстап қолыма, Жазылған ай қыркүйек. 2-оқушы: Нұрхан. Қыркүйекте келдім де Сыныпқа кірдім қуанып. Қарсы алды ұстазым Қадамымды құп алып. 1 1-Жүргізуші:Е. Достар мұнан соң ,қолымызға алып қызықтаған кітап қай кітап? Оқушылар хормен: «Әліппе» 3-Оқушы.Жанель: Көлге айналған бұлақтың, Қайнар көзін көріппең . Том-том қалың кітаптың Басы болған Әліппе Әліппе: Армысыздар ата-аналар,ұстаздар,менің достарым! 2-Жүргізуші: Ән шашу «Әліппе» Орындайтын Қалмырза Нұрай 2-Жүргізуші: Рахмет Нұрай нағыз әнші екенсің 4-оқушы: А. Данияр. Мынау менің Әліппем Ақылшым,жақын досымдай Қымбатты маған кісімдей Бірінші беттен елімнің Елтаңбасын таныдым Көк байрақты қазақтың,

Ұрпағымын сәнімін. 5-оқушы: Хадиша: Әліппем менің Әліппем Сені қолға алып мен Есігін аштым білімнің Ертеңгі сәуле жарықпен Үйреттің бізге Әліппе Қырық екі дербес әріпке Сөз,сөйлем құрап әріптен Лайық болдық дәріпке 6-оқушы:Қ.Данияр: Бар білімнің бастауын, Әліппеден бастадым Үйренуге талпындым, Құлшынып балғын жас жаным. 7-оқушы:Асылжан: Оқуды көп ойладық. Қызығына тоймадық. Әріптерді үйреніп, Сауат ашып тойладық, Сауатымды әріппен Дыбыс,буын,сөз,сөйлем Бәрін танып білдім мен.

Әліппе: Қане балалар, сендер әліппені жақсы меңгеріпсіңдер енді математикадан білімдеріңді байқап көрейін.Менің сендерге ала келген тапсырмаларым бар.Тыңдаңдар,жылдам жауап беріңдер! 1.Атам,әжем,әкем, шешем және мен Болса есепке талабың, Айта қойшы,қане мен Неше адамды санадым? (5 адам)

2.Бір-бірімен жарысқан, Төрт аю бір арыстан, Екі қоян,бір түлкі Бәрі нешеу кім білді?(8 аң) 3. Жанель шұлық тоқып жатыр, Сая сабақ оқып жатыр. Қуыршағын жуындырып Әлия отыр киіндіріп. Алданбайды Бекбол бірақ,

6-бет.

Атасынан кәмпит сұрап, Жоқ дегенге қоймай жатыр, Бірер талға тоймай жатыр, Қанша бала тоймай жатыр, Қанша бала қоймай жатыр. (1 бала)

Әліппе: Рахмет балалар! Білімді екендеріңізді дәлелдедіңдер Балалар сендер мені оқып тауыстыңдар,әріптерді жақсы меңгердіңдер.Енді сендерге әрі қарай білім беретін Ана тілі болады.

8-оқушы: Ақерке: Қош бол, құтты Әліппем Таныстырып әріппен, Көп нәрсені үйреттің, Тақылдатып сөйлеттің 9-оқушы:Әбибулла: Сәлем ана тіліміз, Сенсің асыл үніміз. Ана тілін сүйеміз, Ардақтап бас иеміз! Ән: хор: Әліппе: Жүргізуші: Ал енді әліппені меңгертіп бала тәрбиесіне үлкен үлес қосқан ұстаздардың лебізін тыңдап жыр жолдайық.

1-Жүргізуші:Е. Гимназия директоры Қуаныш ағай бүгінгі көңілді тойымызға қандай тілек айтар едіңіз? -Рахмет ағай. 2-Жүргізуші:А. сіздің құрметіңізге біздің сыныптың бір топ бишілерінің орындауында «Аққу» биі қабыл алыңыздар! 10 оқушы:Мадина: Жақтың білім шырағын Әріптерді үйретіп, Жақын болған кім бізге? Жамандықтан жирентіп, Ақыл болған кім бізге

Десек ол-жан мұғалім Таласады,сірә кім?

11-оқушы: Нұрайлым: Аңыз ертек ән жырдың , Бәрін бойға құйғыздың, Санамызға сен біздің, Бар асылды сыйғыздың Рахмет саған,мұғалім! 1-Жүргізуші:Оқу ісінің меңгерушілері,балалардың бағбаны бола білген, Қалдыгүл апай,Нұргүл апай, Сарқыт апайларыздың тілегін тыңдайық.

Рахмет! 2-Жүргізуші. Сіздердің құрметтеріңізге арнап Кенжебай Диастың орындауында « Ұстазым»әнін қабыл алыңыздар! 1-жүргізуші: Рахмет Диас ! 2-Жүргізуші: Достар Әліппе тойымызбен қатар қандай мереке келе жатыр? Оқушылар хормен: Тәуелсіздік күні! 1-Жүргізуші: Жер болса ел болады,ел болса ,ер болады.Ерлеріміздің арқасында Қазақстан егеменді ел болып,дүние жүзіне танылды.

2-Жүргізуші: Олай болса біз де бұл мерекеге өз үлесімізді қосайық. 1- оқушы: Жиеней. Міне бүгін тәуелсіздік алған Бәйтерегім жапырағ ын жайған күн. 2-оқушы:Томайтомирис. Бүгін міне күн сәулесін төккен күн, Халқым менің еркіндікке жеткен күн. 3-оқушы:Диас. Қазақстан-туған Отан,алтын бақ, Ұлы жолға түсті келіп жарқылдап. 4-оқушы: Нұрай Қазақстан көпті көрген қария, Қазақстан-мейрімді ана ,жер қымбат

5-оқушы:Әбибулла. Атады әлі тағы да бір таң күліп, Жүректерде арман отын жандырып. 6-оқушы:Гүлстан. Қазақстан-біздің туған ұлы отан, Жайнай бер сен, жайнай бер сен мәңгілік. 7-оқушы: А.Данияр. Тәуелсіздік достығымыз, Тәуелсіздік ел бірлігі 8 -оқушы: Сая. Тәуелсіздік ертеңіміз, Ұрпақтармен жалғасатын. 9-оқушы: Бекбол. Тәуелсіздік ата-жолы, Болашаққа нық басқан. 10-оқушы: Хадиша. Қазақ елім туды жастық дәуірің, Алғандайсың жұлдызыңның жарығын. 11-оқушы: Асылжан. Тәуелсіздік құтты болсын қымбаттым, Туған күнің құтты болсын алыбым!

1-Жүргізуші : ән Қазақ жігіттері орындайтын Әбибулла.

2-жүргізуші:Осымен біздің ертеңгілігіміз өз мәресіне жетті.

Көңіл қойып тыңдағандарыңызға көп-көп рахмет!