1-Сыныптың бейнелеу өнері сабағына арналған күнтізбелік сабақ жоспары

Сабақ тақырыбы:Бейнелеу өнері сабағында қандай құралдар

қолданылады?

Сабақ мақсаты: 1. Бейнелеу өнері дегеніміз не? түсінік беру.

2. Бейнелеу өнеріне қажетті құрал - жабдықтарды айту.

3. Мектепте, үйде ұқыпты бола білуге, тазалыққа, еңбек сүйгіштікке тәрбиелеу.

Сабақ түрі: Жаңа сабақ

Сабақта пайдаланатын көрнекіліктер: суреттер, бейнелеу құралдар.

Сабақтың түрі: Жаңа сабақ

І. Ұйымдастыру кезеңі:- Оқушыларды сабаққа даярлау.- Оқу құралдарын түгендеу.

ІІ. Жаңа материалды үйренуге дайындық кезеңі :

1. Бейнелеу өнері деген не?

2.Бейнелеу қнері нені оқытады?3. Бейнелеудің түрлері туралы түсінік беру. 4Бейнелеу өнері адамға не үшңн қажет?

ІІІ. Жаңа материалды түсіндіру, қабылдау кезеңі :

- Бүгінгі өтетін сабақ тақырыбы: Бейнелеу өнері дегеніміз не? Сабаққа қандай құралдар қолданылады? деп аталады.

-Егер адам айнала қоршаған әлемді: адамдарды, табиғатты, әр түрлі заттарды бейнелейтін болса, онда ол бейнелеу өнері шығармалары болып табылады.

-Егер адам өзінің ой - қиялын бейнелесе, онда ол да бейнелеу өнерінің шығармасы.

- Қолдан жасалып, әшекейленген тұрмыстық бұйымдар да бейнелеу өнерінің бір бөлшегі болып саналады.

- Ал мұның бәрін жасайтын адамдарды суретші дейміз.

ІV. Жаңа материалды түсінгенін тексеру кезеңі :

• Сен нені бейнелегенді жақсы көресің?

• Суреттеріңді немен салғанды ұнатасың?

• - Бейнелеу өнері сабағында сен көп сурет салатын боласың. Мына суреттерге қарап, саған сурет салуға қажетті құралдар мен материалдарды ата.

• - Салған суреттерің айқын әрі әсерлі көрінуі үшін салған гуашь және акварель бояулары қажет. Сондай - ақ үлкенді - кішілі әр түрлі қыл қаламдар керек.

• Оған қоса палитра да керек. Палитра - бояуларды ерітіп, араластыратын пластмасса тақтайша. Мүсіндеумен айналысу үшін түрлі түсті ермексаз, кескіш, қатырма қағаз дайындауың керек.

V. Жаңа материалды бекіту және оқушылар білімін бағалау кезеңі:

Декорациялау сабағына бояулар, қарындаштар, түрлі түсті қағаз, қайшы, желім, матақиықтары, т.б. толып жатқан ұсақ- түйектер қажет болады.

- Міне енді сен де суретшісің! Сен талай рет сурет салып көрдің. Әрине, суретің жақсы шыққан болар? Енді онда жақсы салатын боласың!

VI. Үйге тапсырма беру,бағалау:

Бейнелеу өнеріне қажетті құрал жабдықтарды түгендеп алып келу.