Дүниетану пәнінен қысқа мерзімді жоспар 'Мен қалай тамақтанамын?'

Қысқа мерзімді жоспар

Менің денсаулығым. Мен қалай тамақтанамын

Мектеп: № 10

Күні: 28.09.15

Мұғалім: Ибрагимова Т.С

Сынып:1Б

Қатысқаны: Қатыспағаны:

Сабақта меңгерілетін дағдылық мақсаттар

Тамақтану тәртібін сақтаудың қажеттілігін түсіну.

Жеке тазалықты сақтаудың маңыздылығын түсіндіру

Табыс критерийлері

Барлық оқушылар білуге тиісті:

Тамақтану тәртібін біледі

Оқушылардың көпшілігі:

Пайдалы және зиянды тағам түрлерін ажырата алады.

Кейбір оқушылар:

Ағзаға әсер ететін пайдалы тағамдарды ажыратып айта алады, түсіндіре алады, денсаулыққа байланысты ереже құрастыра алады.

Осыған дейін меңгерілген білім

Тлдік мақсат

Ас, ағзаға пайдалы, бесіндік ас.

Сабақтың барысы

Уақыт

Жоспарланған іс-әрекет

Дереккөздер

Қызығушылығын ояту

4 мин

Ұйымдастыру кезеңі

-Балалар, сендер таңертең салқын сумен жуынасыңдар ма?

-Өзіңе және өзгеге күлімдеп қарайсыңдар ма? Не үшін әрдайым күліп жүру керек?

-Не үшін күні бойына жақсы көңіл күйді сақтап жүру керек?

-Кім таңертең жаттығу жасады? Неліктен?

-Кім қандай жаттығу жасағанын көрсеткісі келе ме?

-Таңертең кім тамақ ішеді? Дұрыс тамақтану дегеніміз не?

4 мин

«Мен қалай тамақтанамын?» сұрағы не үшін маңызды деп ойлайсыңдар?

-Күні бойы біз қалай тамақтанамыз, еске түсірейікші.

Бірнеше оқушыдан сұрау

7 мин

Оқулықпен жұмыс

Мәтінді мұғалімнің оқуы. Арманның ас мәзірін суреттен қарау, талқылау

Әселдің ас мәзірін қарау, талқылау

-Қандай азық-түлік денсаулыққа пайдалы?

-Әселге қандай ұсыныс айтар едіңдер?

Талқылау:

Көлікке жүру үшін жанармай керек, ал адамға ше?

-Көлікке жүру үшін тек қана жанармай болса жеткілікті. Ал адамдарға өмір сүру үшін азық-түліктің бір ғана түрлері қажет пе?

3 мин

Біліп қой!

Ағзаның күшті болуына ірімшік, балық, ет, жұмыртқа,жаңғақ пайдасын тигізеді.

Ойлау қабілетін жақсартуға бал, қарақұмық, жарма, жүзім керек.

Адамның өсуіне арналған дәрумендерге жеміс-жидектер мен көкөністер жатады.

суреттер

3 мин

«Тау» жаттығуы (дене сымбатына арналған)

-Қолды төмен түсіріңдер,арқаны тіктеңдер,басты имеңдер.Қолдарыңды ақырыңдап жоғары көтеріңдер және бастан жоғары бір-біріне айқастырыңдар.Денелеріңді тау ретінде елестетіңдер.Таудың бір бөлігі « Мен күштімін» десе, екінші бөлігі «жоқ мен күштімін» деп жоғары тартылады.Жоқ деді олар біз бір таудың екі бөлігіміз, екеуміз де күштіміз.Екеуі де қатты тартылады. Қолдарыңды ақырынтүсіріп күлімдеңдер.Жарайсыңдар.

4 мин

Дәптермен жұмыс

Қай тағамдарды бірден қолданады, қайсысын қайнатады,қайсысын шыжғырады, олардан не дайындайды? Бояу, қоршау.

Өзінің сүйкті тағамының суретін салу

Түсті қарындаштар

3 мин

«Не жеуге болады?» ойыны

Тамақтануға арналған суреттерді көрсету, дәлелдеу

суреттер

5 мин

Ереже құрастыру

Денсаулыққа, тағамға байланысты, топпен орындау.

Ас алдында қолынды жу. Т.б

2 мин

Қорытынды

-Бүгін сабақтан не үйрендім?

-Не үйренгім келеді?

-Не білдім?

Бағалау

Өз-өздерін бағалау, топ бір-бірін бағалау.

Бүгінгі сабақты өзің қалай бағалар едің?