Ара мен шыбын. 4 Сынып

Пән: әдебиеттік оқу

Тақырыбы: Ара мен Шыбын. Оспанхан Әубәкіров.

Мақсаты: 1. Оқушының жеке қабілеті мен белсенділігіне сүйене отырып, мысалдағы түйінді ойды ашуға жағдай жасау.

2. Өз бетінше шығармашылықпен жұмыс істеуге баули отырып, байланыстырып сөйлеуін, шығармашылық ойлауын дамыту.

3. еңбекқорлыққа, адамгершілікке тәрбиелеу.

Сабақтың түрі : сайыс-сабақ.

Сабақтың типі: аралас сабақ

Сабақтың формасы: сыныптағы сабақ

Әдісі: сұрақ-жауап, талдау, іздену.

Көрнекілігі: суреттер, сызба

Барысы: І. Ұйымдастыру кезеңі:

Амандасу, оқу-құралын түгелдеу.

ІІ. Үй тапсырмасын тексеру

58-59 бет жаттау.

ІІІ. Өткенді пысықтау.

-Ахмет Байтұрсынов кім?

- Мысалдаың қандай тәрбиелік мәні бар?

ІҮ. Мақсат қою кезеңі: 1.Сабақтың мақсатын, тақырыбын хабарлау. 2. Жаңа сабаққа даярлық. Топтарға бөлініп, сайыс-сабақты өткізу.

Ү. Жаңа сабақ: Кіріспе . жаңа сабақтың мақсатымен таныстыру.

1. Автор туралы қысқаша дерек.

Оспанхан Әубәкіров 1934 жылы туып, 1986 жылы қайтыс болған. Ол Алматы облысы Жамбыл ауданы Қарақастек ауылында дүниеге келген. Құрманғазы атындағы Алматы Өнер институтының театр факультетін бітірген. Оның «Қоңырау», «Бөдене», «Күлкіңіз келе ме?», «Анау мен Мынау», «Бір дорба», т.б. көптеген жинақтары бар. Оспанхан Әубәкіров - талантты сатирик. Сатирик деп адамның бойындағы теріс қылықтарды сынап, мысқылдап жазатын жазушыны айтамыз.

2. Үнтаспадан «Ара мен Шыбын» диалогын тыңдату.

3. Тірек сызба бойынша мысалды талдау.

Кім

Кімге айтты

Не деп

Неліктен

4. Ара мен Шыбын бейнеленген сурет бойынша екеуіне мінездеме, сипаттама беру.

«Кім мықты?» сайысы.

А). «Өнер» тобының тапсырмасы. Ара мен Шыбын қанатын жамылып, рөлге бөлініп ойнайды.

Ә). «Оқу» тобы мысалдағы түйінді ойды жазады.

Б). « Жазу» тобы Ара мен Шыбын жайлы «Егер мен Шыбын болсам ...» тақырыбына эссе жазады.

«Кім ақын?» тапсырмасы. Үш топқа өлең бойынша ұйқас табу тапсырмасы беріледі.

Келді араға Шыбын

Жиып жатқан шырын,

Шақырды Шыбын қонаққа.

Ара келсе кешігіп,

Жатып қапты шешініп.

Қонақты дұрыс күтпепті,

Шыбынға ақыл жетпепті.

Жұмысты тез әрі дұрыс орындағандары үшін ұпай беріледі.

«Кім ұтқыр?» тапсырмасы. Бұл тапсырма бойынша мынандай сұрақтар таратылып беріледі. Оқушылар ойларын мына сұрақ негізінде жинақтайды:

1. «Қонақжай» дегенді қалай түсінесің?

2. «Қонақ» деген кім? Қонақтың қандай түрлері бар?

3. Қонақты ілтипатпен қарсы алу дегенді қалай түсінесің?

«Кім тапқыр?» тапсырмасы.

Мысал бойынша мақал-мәтел тауып жазу тапсырмасы беріледі.

1. Келгенше қонақ ұялады, келген соң үй иесі ұялады.

2. Қонақ асыңа емес, қабақ-қасыңа риза.

3. Еңбекшінің наны тәтті, жалқаудың жаны тәтті.

ҮІ. сергіту сәті

Сергіту сәтін жасау

ҮІІ. Қорыту. Қандай тарауды аяқтадық?

Дәптермен жұмыс

О. Әубәкіров жөнінде не білесің?

Шыбын (қандай?)

Ара (қандай?)

ҮІІІ. Үйге тапсырма: оқу, кестені толтыру. 60-61бет

ІХ. Бағалау.