класстан тыш эш. 'Туган ил сагында'. (1-4 класслар)

Татарстан Республикасы Кукмара муниципаль районы «Г.Г.Гарифуллин исемендәге Сәрдек-Баш авылы урта гомуми белем бирү мәктәбе» муниципаль бюджет мәгариф учреждениесенең Тырыш авылы филиалы

Туган ил сагында

Автор: «Г.Г.Гарифуллин исемендәге Сәрдек-Баш авылы урта гомуми белем бирү мәктәбе» муниципаль бюджет мәгариф учреждениесенең Тырыш авылы филиалының башлангыч класслар укытучысы Шагабиева Нурия Миннәхмәт кызы

Бәйрәмгә әтиләр, бабайлар чакырыла. Класс бүлмәсенә батырлык, тынычлык, Туган ил ту­рында мәкальләр язылып эленә. Мәсәлән,

Батыр - илнең казыгы. Батыр егет - ил күрке. Батыр ут булыр, Куркак юк булыр.

Укучыларның бәйрәмгә багышланып ясалган рәсемнәре, әтиләр һәм бабайлар турында язылган хикәяләре күргәзмәгә куела.

Укучылар ярымтүгәрәк ясап басалар.

Алып баручы. Хәерле көн, безнең иң кадерле кунаклары­быз! Сезне чын күңелебездән бәйрәм белән котлыйбыз. Иле­безгә иминлек, һәрберебезгә тыныч тормыш, сәламәтлек, бә­хет телибез. Балаларыгызның бүгенге чыгышы сезгә бәйрәм бүләге булсын иде.

1 нче укучы. Бүген 23 фев­раль - Ватанны саклаучылар көне. Бу - батырлар һәм кыю­лар көне. Безнең бабайлар, әтиләр без тыныч, мул тормыш­та яшәсен, бәхетле булсын өчен Ватаныбызны саклаган.

2 нче укучы. Безнең тыныч тормышны дошман бозмасын өчен, очучылар - илебезнең зәңгәр күген, диңгезчеләр - суларын, ә танкистлар, ракета гаскәрләре илнең коры җирдә­ге чикләрен саклый.

3 нче укучы.

Еракта-еракта тора,

Минем абый сакта тора.

Әни эштә чакта тора,

Әти юлда чакта тора,

Мин уйнаган чакта тора,

Син йоклаган чакта тора!

4 нче укучы.

Телевизор да карамый,

Читкә карарга ярамый,

Чиккә генә карап тора,

Дошман килеп кермәсен, ди,

Безнең серне белмәсен, ди.

5 нче укучы.

Әниләр эштә булганда,

Берүзең генә калганда,

Түгел өйне саклап тору,

Бу бит - илне саклап тору!

6 нчы укучы.

Еракта-еракта тора,

Минем абый сакта тора.

Сакта һәр-һәр чакта тора.

Әйтмим кайсы якта тора,

Син үзең дә сорап торма,

Бусы - хәрби сер!

7 нче укучы. Без дә, үскәч, Ватаныбызны саклаучылар са­фына басарбыз. Ватан - Туган ил дигән сүз. Аны һәркем сак­ларга тиеш.

(Әкрен генә көй ишетелә.Солдат булып киенгән укучы ке­рә. Ул Җ.Дәрзаманның «Солдат булдым» дигән шигырен сөй­ли.)

(«Диңгезчеләр биюе» башка­рыла.)

1 нче укучы Минем әти - капитан,

Германиядән кайткан,

Утлар-суларны кичкән,

Берлинга барып җиткән.

2 нче укучы.

Фашистларны җиңгән ул,

Сугышны бетергән ул,

Инде бөтен кешегә

Тынычлык китергән ул.

3 нче укучы.

Минем дәү кызым, дигән,

Тыныч укысын, дигән,

Аның дус кызлары да

Шулай ук булсын, дигән...

4 нче укучы.

Инде минем әтием,

- Кабат аерылмабыз, - ди,

Үзебез исән чакта,

Сугыш булдырмабыз! - ди.

5 нче укучы.

Булмасын ул, булмасын,

Кирәкми безгә сугыш!

Булмасын бер куркыныч,

Булсын бөтен ил тыныч.

Алып баручы. Ачы хәсрәт ки­тергән дәһшәтле Бөек Ватан су­гышы елларын беркем дә оны­тырга тиеш түгел. Безнең матур тормышыбыз хакына күпме ке­шенең гомере өзелгән. Сугыш кырыннан күпме кеше имгәнеп кайткан...

(«Һәрвакыт булсын кояш» ди­гән җыр башкарыла.)

Алып баручы. Хөрмәтле ку­наклар! Бәлки, сезнең дә бала­ларыгызга әйтер сүзегез бар­дыр. (Берничә кунакка сүз би­релә.)

(Бер укучы Г.Нәбиуллинның «Армиядә бер көн буе» дигән шигырен сөйли.)

Малайлар минем сүземә

Әле бик ышанмыйлар:

-Унике яшьтән беркемне

Армиягә алмыйлар.

-Алмасалар ... үзем бардым

Әнием белән бергә.

-Әле, - диләр, -

мондый тәртип

Булганы юк гомергә.

-Анда күпме хезмәт иттең?-

Дип көлеп сорый Гомәр.

Мин дөресен әйтеп бирәм:

- Иртәдән кичкә кадәр.

Солдат шулпасының тәмен,

Их, белсәгез менә сез!

Мин караган чын танкны

Тик рәсемдә күрәсез.

Ышанмаган ышанмасын,

Уйламыйм да ул хакта.

Солдат абыем янында

Булып кайттым кунакта.

Көлмиләр инде малайлар,

Мин үзем дә сер бирмим.

Белмәгәнне сорасалар:

- Анысы хәрби сер!-димен.

Алып баручы. Ә хәзер була­чак солдатларыбызның уңган­лыкларын сынап карыйк әле.

Малайлар өчен биремнәр.

1.Маршка атлап йөрү.

2.Конвертка үз адресыңны дөрес итеп язу.

3.Төймә тагу.

4.Бәрәңге әрчү.

5.Кызыклы сорауларга җавап бирү.

6.Бию.

(Укучыларның чыгышы мак­тала.)

6 нчы укучы.

Узган буын мирас биргән кебек,

Йөрәкләрдә мәңге калырлык

Без яшибез эшебез булсын

Диеп,

Килер буын искә алырлык.

(«Кояшлы ил - безнең ил» җыры башкарыла.)

Алып баручы. Кадерле ку­наклар! Без сезгә, сакта торган абыйларга рәхмәт әйтәбез. Сезгә булган олы хөрмәт йөзен­нән балаларның үзләре ясаган бүләкләрен кабул итеп алыгыз.

(Әкрен генә көй яңгырый, ба­лалар әтиләренә, бабайларына бүләкләрен тапшыралар.)

Кичә үрнәгендә Ш.Галиев, Ш.Маннур, Н.Арсланов шигырьләре дә файдаланылды.