Открытый урок по природоведению' Отбасы мүшелері және олардың міндеттері'

Сабақ тақырыбы: Отбасы мүшелері және олардың міндеттері.

Сабақ мақсаты:

1. Отбасы туралы түсінік, туысқандықты білдіретін сөздер, татулық, бірлік жайында түсінік беру.

2. Ақыл, ой-өрісін, өз ойын толық жеткізе білу дағдысын, шығармашылықпен жұмыс істеу қабілеттерін қалыптастыру;

3. Әдептілікке, үлкенді құрметтеуге, кішіге қамқор болуға татулыққа, бірлікке тәрбиелеу.

Көрнекілігі: Интербелсенді тақта, оқулық, үлестірмелі тест қағазы.

Әдіс - тәсілі: Ой қозғау, сұрақ - жауап, тренинг, ассоциация.

Пәнаралық байланыс: ана тілі, ән күй.

Сабақтың барысы:

1. Ұйымдастыру кезеңі. (1 мин)

-Үлкенге де сіз,

Кішіге де сіз,

Барша жанды құрметтеп,

Бас иеміз біз.

Жақсы балалар, қазір бізде дүниетану сабағы.

Сабаққа дайындалу. Сабаққа үш топ қатысады.

1-топ - зерделілер , 2-топ - ұшқындар, 3-топ - алғырлар.

2. Өткен сабақты еске түсіру.(3 мин)

1. Қызыл кітап дегеніміз не?

2. Қазақстанның қызыл кітабына қандай жануарлар мен өсімдіктер кіреді?

3. Жойылып бара жатқан жануарлар мен өсімдіктерге қалай көмектесуге болады?

3. Жаңа сабақ.

1. Ой қозғау(7 мин)

Интербелсенді тақтамен жұмыс.

Өз .... - өлең төсегім.

• Балалар тақтадағы мақалда қандай сөз түсіп қалған? Үйім.

• Әр адамның өз үйі өзіне қандай екен? Ыстық, кең.

• Үйдің ішінде кімдер болады? Адамдар. Қандай адамдар?

• Ал енді мына суретте қандай адамдар бар? Оларды бір сөзбен не дейді?

• Отбасы. Отбасы мүшелеріне кімдер кіреді.

Ассоциация.

• Отбасы ата әке әже ана ұл қыз

• Балалар сендер ата-аналарыңа кім болып келесіңдер? Балалары боласыңдар.

• - Сендердің отбасы алдында қандай міндеттерің бар?

• - Әке мен ананың қандай міндеттері бар?

2. Мақсатты анықтау.

3. Мағынаны ажырат(7 мин)

а) Оқулықпен жұмыс.

75. беттегі «Отбасы» мәтінін әр топқа мәнерлеп оқыту.

ә) Мәтінді талқылау

- Мәтін не туралы?

- Отбасы

- Әр бөлімде не туралы айтылған?

б) Үш топпен схема арқылы жұмыс істеу.(5 мин)

1-топ: Туыстықты білдіретін сөздер

2- топ: Отбасы тату өмір сүру үшін не істеу керек, қандай болу керек?

3- топ: Тренинг «Жұбын тап». Әке, ата, әже, ана, нағашы ата, нағашы апа, ұл, қыз.

в) Балалар, Жиренше шешеннің мынадай сұрағы бар?(5 мин)

- Дүниеде не тәтті, не жұмсақ? (Ананың сүті тәтті, ананың алақаны жұмсақ.)

- Біздің елімізде аналарды қандай марапаттаулармен марапаттайды?

г) Мәтінмен танысу.

- Ендеше «Ана» тақырыпшасын мен оқимын. Ал сендер мұқият тыңдап отырыңдар.

ғ) Мәтінді талқылау.

- Яғни, көп балалы аналарымыз «Алтын алқа» және «Күміс алқамен» марапатталады.

- Балалар, биылғы жылы (2012ж) 7 бала өсірген анаға - алтын алқа,

Ал 6 бала өсірген анаға - күміс алқа беріледі екен.

д) Сергіту сәті . Ән «Менің анам алтын» (2 мин)

IV. Бекіту. Ой толғаныс(5 мин)

1. 1- топ: ана туралы 5-жолды өлең

2-топ: ана қандай адам?

3-топ: Ананың жылы сөздері

5. Қорытындылау. (2 мин)

- Сонымен, балалар, біз бүгін қандай тақырыппен таныстық?

- Отбасын кімдер құрайды?

- Балалар ананың қолын, жүрегін неге «алтынға» теңейді?

- Себебі аналарымыздың қолынан кез келген жұмыс келеді.

VI. Рефлексия(5 мин)

Жаңа тақырып бойынша тест жұмысы.

VII. Бағалау.(1мин)

VIII. Үй тапсырмасы. (1мин)

Мәтінді мазмұндау. «Менің анам» тақырыбына шығарма жазу.

Павлодар қаласының №2 жалпы орта білім беру мектебі.

Ашық сабақ

Пән: Дүниетану

Тақырып: Отбасы мүшелері және олардың міндеттері

Сынып: 2 «Ә»

Мұғалім: Смагулова Бақыт Байзрахметқызы

2011-2012 оқу жылы