Қазақ тілінен ашық сабақ Етістік (3сынып)

Қазақ тілі (3сынып)

Сабақтың тақырыбы: Етістік



Сабақтың мақсаты:

Б.м: Етістік туралы ұғымды кеңейту. Байланыстырып сөйлеу дағдыларын қалыптастыру.



Д.м: Сауатты, көркем жазуға төселдіру.Оқушылардың сөздік қорын молайтып, ойын, тілін, шығармашылығын дамыту.



Т.м:Оқушылардың логикалық сезімін оятып, әдептілікке, ұқыптылыққа, еңбексүйгіштікпен кәсіпкерлікке, татулыққа баулу.



Сабақтың түрі: Аралас сабақ



Сабақтың әдісі: «Кубизм», түсіндіру, , әңгіме, көрнекілік, ой қозғау

Пәнаралық байланыс: Дүниетану



Көрнекілігі: Тақырыпқа байланысты суреттер, кеспе қағаздар, сабақтың картасы, интерактивті тақта

Сабақтың барысы:

І. Ұйымдастыру кезеңі: Психологиялық дайындық

Әрбір адамның алдына қойған мақсаты болады,сол мақсатқа жету үшін көп еңбек етеді.Сол сияқты біздің де алдымызға қойған мақсатымыз бар.

Мақсатымыз - білім алу

Міндетіміз - еңбектену

Еңбек етіп топтаса,

«5-ке» қолды жеткізу

- Сәлеметсіздер ме, оқушылар?!

- Көңіл-күйлерің қалай?

- Бүгін сыныпта кім кезекші?

- Сыныпта кім жоқ?

- Сабақты бастауға дайынсыңдар ма?Зейінімізді сабаққа аударамыз.



-Ендеше сабағымызды бастаймыз!

ІІ. Үй тапсырмасын тексеру: 161- бет 55-жаттығу

ІІІ. Үй тапсырмасын тексеру: (Кубизм әдісі)

• Сөз таптарын ата

• Зат есім дегеніміз не?

• Негізгі зат есім дегеніміз не?

• Туынды зат есім дегеніміз не?

• Тәуелдік жалғау дегеніміз не?

• Ана сөзін үш жақта тәуелдеп айт

ІV. Мақсат қою: Сабақтың тақырыбы мен мақсатын хабарлау.

-Қандай сөз табын білеміз?

- Бүгінгі өтетін тақырыбымызды анықтау үшін сөзжұмбақ шешейік.

Киелі сан

Біздің мемлекет

Жаңғақ жейді

Уақыт құралы

Ас дәмін не келтіреді?

Біз нешінші сынып оқимыз?

Ең нашар баға

- Сонымен қандай тақырып екен?(Етістік)

V. Жаңа сабақ: 1. Демонстрация әдісі.

а) Музыка әуенімен екі оқушы би билейді.

ә) Бір оқушы балаларға сергіту сәтін жасатады.

- Инабат пен Жалын не істеді?(би биледі)

- Әли не істеді? (жаттығу жасады)

- Оқушылар қозғалды ма? Қимыл жасады ма? Іс-әрекеттер жасады ма?

- Олар жасаған қозғалысқа, қимылдарға, іс-әрекеттерге қандай сұрақтар қоясың ? Өздері ереже шығады.

2.Жаттығулармен жұмыс жасау

1. Дәптермен жұмыс

2. Күн ретін жазу

3. Көркем жазу. О одыбысы. Қандай дыбыс? Отан туралы мақал -мәтел айту

4. Топқа бөлу

1-жаттығу

І - топ «Зергер»

Жұмбақ шешейік

Үй ішінде бөлме

Бөлме іші көлде

Жүзді сайран салып

Бұл не?(аквариум)

-Жаттығуға қарайықшы, аквариум бар ма?

-Оның жанында бала не істеп тұр?

Суреттің жоғарғы жағында не тұр?

Бұл суреттегі құстар мен балықтар үй жағдайында да өмір сүре ме екен?

Суретке қарап әңгіме құрастырып жаз

ІІ - топ «Білімпаз»

Жұмбақ шешейік

Үстіне киген -

Сарғыш тон инелі(Кірпі)

• Суретке қандай әңгіме құрауға болады?

• Қандай әңгіме тақырып қойдыңдар?

2-жаттығу

Жұмбақты оқып, шешуін тап.

Шешуі: Аққу. Аққу туралы не білеміз?

Аққу - бұл қардан аппақ құс. Көрсең көз тоймайтын сұлулық рәмізі. Салмағы 7-10, кейде 13кг, қанатының құлашы 1,5м. Аққу 30-40жыл өмір сүреді. Халық аңызына сенсек, жылан аққу жұмыртқасына тимейді екен. 3-4жұмыртқа басады, 38-40 күнде өргізеді.

• Етістіктерді теріп жазып, оларға сұрақ қой.

• Сөйлемді етістіксіз айтып көр. Етістік не үшін керек екен?

3-жаттығу

Сөздерді оқы.

• Сөздерді сипатына қарай екі бағанға бөліп жаз.

«Үн қатпа» ойыны (2топқа)



Шарты: Оқушылар үн қатпай тек қимылмен ғана көрсетеді. Бір оқушы тақтаға шығып, әр қимылды сөзбен жазып шығады.



(Биледі, жүгірді, отырды, секірді, жазды, оқыды,тұрды)

VІ. Сергіту сәті: бейнебаянмен сергіту сәтін орындау

4-жаттығу

Берілген етістіктерді қатыстырып сөйлемдер құрап жаз.

Қонды, ұшты,секірді, тасыды.

• Сөйлемдегі етістіктерге сұрақ қой.

5-жаттығу

Мына төлдердің қайсысы қалай төлдейді?

• Етістіктердің астын сыз. Олардың қай сөзбен байланыстырып тұрғанын айт.

Бие құлындайды

Сиыр бұзаулайды

Түйе боталайды

Қой қоздайды

Ешкі лақтайды.

VІІ. Жаңа сабақты меңгергендігін тексеру:

6-жаттығу

Дұрысын табу.(Бас бармақ әдісін пайдалану)

Етістіктерге сұрақ қой.

Бие кісінейді

Түйе боздайды

Қой маңырайды

Сиыр мөңірейді

Ешкі бақырады

Ит үреді

Тауық қыт-қыттайды

Мысық мияулайды.

Шошқа қорсылдайды

Есек ақырады.

• Етістіктерге сұрақ қою.

VІІІ.Қорытындылау:

-Балалар бүгінгі сабақтан қандай әсер алдыңдар?

І - топқа: Семантикалық картамен жұмысЖинады

ІІ-топқа: Постермен жұмыс

ІХ. Үйге тапсырма: « Қояндарға көмек» Ішінде етістігі бар сөйлемдер жазамыз.

Бағалау