'Тәуелсіз елім - тірегім'

Жамбыл жалпы білім беретін негізгі мектебі

6 сынып

Өткізген: Сапиева Л.Е.

2015-2016 оқу жылы

Сабақтың тақырыбы. «Тәуелсіз елім - тірегім»

Сабақтың мақсаты:

Білімділік мақсаты: Оқушылардың кәсіби музыка өнері туралы білімдерін жинақтау. Қазақстан Тәуелсіздігі туралы білімдерін тереңдету.

Тәрбиелік мақсат: патриоттық музыкаға деген балалардың сүйіспеншілігін ояту, оны құрметтейтін жан дүниесі бай, эстетикалық талғамы жоғары ұрпақ тәрбиелеу.

Дамытушылық мақсат: оқушының қиялын, тыңдай білу және ән айту қабілетін, ән мәтінінің мазмұны мен музыканы ұғыну дағдыларын дамытуға ықпал ету.

Сабақтың көрнекілігі: тәуелсіздікке арналған суреттер

Сабақтың типі: жаңа сабақ

Сабақтың формасы: аралас сабақ

Сабақтың әдісі: сұрақ - жауап,

Пәнаралық байланыс: тарих, әдебиет,

Сабақтың барысы:

І. Ұйымдастыру.

1. Сабақ өтуге қолайлы жағдай

2. Сынып оқушыларын түгендеу.

3. Оқушылар назарын сабаққа аудару.

ІІ. Үй тапсырмасын тексеру.

Сызықтық диктант арқылы «ХІV - ХVІ ғасырлардағы музыка өнері» тақырыбынан меңгерген білімдерін тексеру.

1. Орта Азия, Араб халифаты, Иран, Үндістан, Қытай, Жапон елдерінде мұқам, мақам, рок сияқты жанрлар пайда болды.

- 2. Скрипка , Виолончель аспаптарын виола аспабы ауыстырды.

3. Хор өнері дамып, нидерландық, римдік, венециандық мектептер қалыптасты.

- 4. Ең алғашқы фортепиано 1709 жылы Францияда жасалды.

- 5. Рококо - итальяндық аспаптық музыка.

6. Барокко, классицизм - итальян, француз опералары.

7. ХІV - ХVІ ғасырларда кантата, аспаптық концерт, камералық ансамбль сияқты жанрлар пайда болды.

8. «Құдіретті месса» Иоганн Себастьян Бахтың шығармасы.

9. Георг Фридрих Гендель опера және оратория жанрында көп шығарма жазған.

- 10. «Ринальдо» ораториясы Иоганн Себастьян Бахтың шығармасы.

2. Сөзжұмбақ арқылы музыкалық терминдерді пысықтау.

м

е

с

с

а

и

т

а

л

ь

я

д

и

н

а

м

и

к

а

ф

е

р

м

а

т

а

х

о

р

к

а

н

т

а

т

а

а

р

и

о

з

а

я

1. 5 бөлімді діни ән.

2. Ең алғашқы фортепиано жасалған ел.

3. Музыкадағы дыбыс күштерін азайту немесе күшейту дәрежесін айтады.

4. Дыбысты еркін созу белгісі.

5. Көп дауысты күрделі вокалды музыка.

6. Бірнеше бөлімді күрделі вокалды музыкалық шығарма

7. Операда жеке орындалатын ән.

3. Ән айту ережесі туралы сұрау. Дауыс жаттығулары. «Еркем-ай» әніне салып аңдардың, жануарлардың дыбысын дыбыстау.

Сыныптың «Қазақстан - қыран далам» әнін меңгеру деңгейін тексеру. (Жалпы хор арқылы әнді орындату. Жұптап ән тармақтарын жарыстыра орындату)

ІІІ. Жаңа сабақты түсіндіру.

Мұғалім сөзі.

Балалар, біз ХІV - ХVІ ғасырлардағы әлем халықтары музыкасынан біршама хабардар болдық. Ал қазақ халқының музыка өнерінің қалыптасуына үлес қосқан ұлы тұлғалар кімдер? Атын атай аласыңдар ма? Құрманғазы, Кетбұға, Асанқайғы, Дина және т.б (Оқушылар пікірін мұғалімнің өзі толықтырады) Даңқты ұлы тұлғалардың аңсағаны - қазақ халқының тәуелсіздігі болды.

• Тәуелсіздік дегеніміз не? Ежелден аңсаған ата-бабаларымыздың аңсаған арманы орындалды ма?

• Тәуелсіздікке қалай қол жеткіздік? Тәуелсіздік бастауы қандай оқиғадан бастау алды?

• Желтоқсан көтерілісінің қаһармандарынан кімдерді білесіңдер? Ия Қайрат Рысқұлбеков, Сабира Мұхамеджанова, Ләззат Асанова сынды батыр аға-апаларымыз.

• Тәуелсіздік күні қашан аталып өтеді?

Міне, балалар, бізге егемендік алу оңайға келмегенін түсіндіңдер. Біздің осындай ашық аспан астында бейбіт өмір сүруіміз тәуелсіздіктің және тәуелсіз ел тұғырын нық ұстап тұрған Елбасымыздың нұрлы саясатының арқасында. Бүгінде Қазақстанды бүкіл әлем таниды.

Осы Тәуелсіздігімізге арнап «Тәуелсіз Қазақстан» әнін үйренейік.

Әні: Ә.Әленовтікі. Сөзі: С.Тұрдалиевтікі.

Жаңа сабақты бекіту. Ал қане біздің патриоттығымызды білдіретін әндерден қандай әндер біледі екенбіз. Сол мақсатпен «Әуенді тап» ойынын ұйымдастырып жіберейік. (әуендердің 4-5 дыбысын тыңдатып, әннің атын табу.

1. Атамекен (Е. Хасанғалиев)

2. Елім менің. (Б. Төлеуханов, Н. Назарбаев)

3. Атамекен (орын. Р. Рымбаева)

4. «Қазақстан қыран - дала» (Нұр-Мұқасан тобы)

5. «Ұстазым» (Әбілахат Еспаев)

6. «Алға, жігіттер» (Ақылбек Жеменей)

Сабақты қорыту. Бүгінгі сабағымызды қорыта келе

1. Балалар бүгінгі сабақ сендерге ұнады ма?

2. Тәуелсіздік туралы не білдік?

3. Қандай әндер орындадық?

Үй тапсырмасы:

1. «Тәуелсіз Қазақстан» әнін жаттау.

2. Ән авторының шығармашылығы туралы ақпараттық ізденіс.