Жеңіске рух берген әндер 5-6 класс

№1 Алға мектеп -бақша

Тақырыбы

«Жеңіске рух берген әндер»

Ән-би байқауы

Музыка пән мұғалімі : Ержанова Гүлмира Е.

</ Алға қаласы

Тақырыбы: «Жеңіске рух берген әндер»

Мақсаты: Оқушыларға патриоттық тәрбие беру.Өз елін, жерін, Отанын сүюге, қадірлеуге тәрбиелеу. Патриоттық әндерді орындау шеберлігін арттыру.

1жүр.70 жыл - бейбіт көктем таңы атқалы

70-жыл шуақты күн таратты әнін

Талай құс содан бері қайта оралды

Соғыстан өлгендер тек оралмайды

Тек ұрпақ олар жайлы айтады әнді

2жүр.Бабалар мұра еткен елдігіне,

Тамсандық ағалардың ерлігіне.

Қан төгіп, жан қиып жатқан Ұлы Жеңіс,

Бүгінде 70 жасқа толды міне.

1 жүр. Әлемге той деп бүгін жар саламыз,

Қонақтарды құрметпен қарсы аламыз.

Төрлетіңдер достарым төрлетіңдер,

Жеңіс күні біз бүгін ән саламыз.

2жүр Армысыздар, құрметті көрермен қауым, ата-аналар, ұстаздар және оқушылар! 9 мамыр Ұлы Жеңістің 70 жылдық мерекесіне арналған «Жеңіске рух берген әндер» атты патриоттық ән -би байқауын ашуға рұқсат етіңіздер!

1 жүр Сіздерді 9 мамыр Жеңіс күні мерекесімен құттықтаймыз. Жанұяларыңызға қуаныш, дендеріңізге саулық, еңбектеріңізге жеміс тілейміз.

2жүр Ардақты елім, кең елім,

Құтты болсын мерекең.

Ырыс көктеп жеріңде,

Арта берсін берекең.

1жүр. Ал көрермен ықыласпен демейтін,

Жұлдыздардың өнерлерін көретін.

Сыры менен сымбатына қарап біз,

Әділдікпен бағаларын беретін -дей отырып

енді әділ қазылар алқасымен таныс болыңыздар

2жүр 1Нұртияқава Жанат Агадиловна мектебіміздің тәрбие ісі жөніндегі орынбасары.

1 жүр 2Бастауыш сынып мұғалімі Арқабаева Анар Амангаливна

2жүр 3Қыдыралиева Илия мектебіміздің әлеуметтік педагогі

1жүр Көп сөйлеп жөн-жобадан аспайық біз,

Ән шырқап, би-билеуден қашпайық біз.

Ал енді сіздер рұқсат етсеңіздер,

Сонымен кешімізді бастаймыз біз.

2жүр Өнерлі ұлдарыңыз ортада,

Шабытпен шақырайық қол соға.

Бағын сынауға бүгін міне келіп тұр,

Исаков Біржан біздің ортаға.

1 жүр «Катюша» әні орындайтын 8а сынып оқушысы Исаков Біржан

2 жүр Жырлайды сені жел жұпар шашқанда,

Жырлайды көктем гүлдерін ашқанда.

Тұрасың сен мәңгі жас болып жүректе,

Жүресің сен мәңгі ән болып аспанда.

1 жүр «Әлия биі» орындайтын 8а сынып оқушылары

1 жүр Барша халық жеңіс күнін тойлайды,

Жас сәбилер думандатып ойнайды.

Ардагерлер көздеріне жас алып,

Ұрпақтардың амандығын ойлайды.

2 жүр «Ән соғыстан қайтқан салдаттар» орындайтын 7а сынып оқушысы

Жұмағали Мүслима

1жүр. Бесінші сынып өнерлі ,

Өнерін халқым көр енді.

Моряк биін билейді,

Бағаларын өзің бер енді.

2 жүр. 5а сыныптың орындауында «Теңізшілер» биі

2жүр Отаным менің кең байтақ Қазақстан

Аман өткен талай дүлей азаптан.

Бар әлемді өз аузына қаратқан,

Кім бар қане артық дейтін қазақтан?!

1 жүр «Отаным Қазақстан» орындайтын 6б сынып оқушысы Айбек

1жүр.Бойда қызу қаны ойнаған жігерлі,

Қаһарманы заманымның бұл енді.

Отан даңқын мүддесі үшін қажеттік,

Сарбаздар ол - елдігімнің тірегі.

2жүр. «Сарбаздар» биі орындайтындар 5а сынып оқушылары

2 жүр. Саған жырдан - сый арнағам,

Қиял құсын қуған жерім,

Туған жерін сүйе алмаған,

Сүйе алар ма туған елін!

1жүр.«Туған жер»әні орындайтын 7б сынып оқушысы Сагинова Диана

1 жүр.Шараның сынығындай ізін басып,

Теңіздің толқынындай шалқып тасып.

Сахнада сан құбылып,мың бұралып,

Қыздарымыз би билейді таң қалдырып.

2 жүр. 5б сынып оқушыларының орындауында «Қыздар-ай» биі

2 жүр.Сен неткен Отан - Анам, ғажап едің,

Әспеттеп көркем тілмен жазар едім.

Болашақ ұрпағының бақыты үшін,

Жайнай бер, Ұлы Отан - Қазақ елім?

1 жүр.Халқым менің! Саған қарап жұбанам,

Тарих беті қатар-қатар бұралаң.

Талай зардап қайғы мұңның- соңынан,

Егеменді алғаныма қуанам.

2 жүр.«Жаса Қазағым» орындайтын 6а сынып оқушысы Маскатов Дәулет

1 жүр.Жадыраған жаздай жылы жаны бар,

Жақсылықтың шырағы боп жағылар.

Мерекеге келген сыйлы қонақтар,

Қыздарымыздың тамаша биін қабыл ал.

2 жүр. Би: 6а-сынып оқушылардың орындауында би «Смуглянка»

1 жүр.Аспанда күн жарқырап күліп тұрды,

Бейбіт өмір шаттығы тұнып тұрды.

Соғыстан соңғы сәби күлкісімен,

Қара күндер қайғысын ұмыттырды.

2жүр.Біз байқамай отырған бір әнші бар,

Өнеріне өзгелер тәнті шығар.

Саяжанды шақырайық біз ортаға,

Жүректі тербететін бір ән шырқар.

1 жүр.8а сынып оқушысы Қадірбек Саяжанның орындауында «Синий платочек»әні

1 жүр. Ал құрметті қонақтар

Ортаға назар салыңдар

Бишілер шығып келеді

Қол соғып қарсы алыңдар

2 жүр.6б сынып оқушыларының орындауында «Катюша» би

1 жүр. Көк байрағым желбірейді елімде,

Қалықтасын қыран құсы көгімде.

Ашық аспан бейбітшілік бейнесі,

Әуелесін Қазақстан жерінде

2 жүр. Қазақта жоқ бір ауыз ән салмаған,

Қай қазақта әншісін қарсы алмаған.

Нұрқасымдай баламыз ән шырқаса,

Жан бар ма екен қызығып, тамсанбаған.

1 жүр. «Қазақ жігіттері» орындайтын 5а сынып оқушысы Балтабаев Нұрқасым

1 жүрТаңданайық өнерге тамсанайық

Биші қыздар ортада қарсы алайық

Шабыттансын көңілі көтерілсін

Өнерліні мадақтап жар салайық

2жүр 6а сыныптың орындауында «Синий платочек» биі

2 жүр. Жеңіс күні ардагерлер әперген,

Желберетіп қызыл туды көтерген.

Туған елін жау қолында қалдырмай

Ерлікпенен ел парызын өтеген.

1 жүр. «Жеңіс туы желбіреп» әні орындайтын 5б сынып оқушысы, Айжарық, Бауыржан.

1 жүр. Көптен күткен көк Байрақ желбіреді,

Күннің көзі көктемдей елжіреді.

Мұнан ыстық, жалын - от бар ма сірә,

Отан - әнмен жүрегім тербеледі

2 жүр Аспанда күн жарқырап күліп тұрды,

Бейбіт өмір шаттығы тұнып тұрды.

Соғыстан соңғы сәби күлкісімен,

Қара күндер қайғысын ұмыттырды.

1 жүр 7а сыныптың орындауында би «Жеңіс күні»

1 жүр Осымен байқауымыз тәмамдалды. Әділ қазылар алқасына сөз беріледі.

2 жүр Ұлы Жеңістің 70 жылдығына арналған «Жеңіске рух берген әндер» атты патриоттық әндер байқауы аяқталды.