ҚОсымша білім беру мектептері арасында аудандық семинар өткізу туралы

Қосымша білім беру мектептері арасында аудандық семинар өтті

А.Байқыдыров атындағы саз мектебінде «Қосымша білім беру білім алушылардың өзін-өзі жетілдіру құралы ретінде» атты іс тәжірбие алмасу семинары өтті. Семинарға Ақжар саз мектебінің оқытушылары мен қосымша білім беру орталығы және жалпы білім беретін мектептердің ән күй пәнінің мұғалімдері қатысты. Семинарды саз мектебінің бишілері «Қамажай» биімен ашты. Мектептің қысқаша тарихымен мектеп директоры Қ.Сафаров таныстырып өтті. «Қосымша білім беру білім алушылардың өзін-өзі жетілдіру құралы ретінде» тақырыбы бойынша мектеп директорының оқу ісі жөніндегі орынбасары М.Нағыметжанов баяндама жасады. Мектептің соңғы екі жылдағы жетістіктерімен мектеп директорының тәрбие ісі жөніндегі орынбасары К.Сыдықова слайд арқылы таныстырды. Сольфеджио сыныбы бойынша Ғ.Самарханова, қобыз сыныбы бойынша Н.Нұғыспанова шеберлік сынып көрсетіп жоғары бағаланды.Сондай-ақ мектептің әрбір оқытушылары жеке сыныптарында өз тәжірбиелерін көрсетті.Семинар 2015 жылғы лауреат оқушылардың концертімен аяқталды. Семинарды аудандық білім беру бөлімінің әдіскері А.Муслимова қортындылап тиісті оқытушыларды марапаттады.

Мектеп директорының тәрбие

ісі жөніндегі орынбасары К.Сыдықова