'Ерлік Даңқы мәңгілік' сыныптан тыс жұмыс

/Фанфар.Жүргізуші шығады/.

1-жүргізуші: Қайырлы күн қадірменді өнер сүйер қадірлі ағайын!

2-жүргізуші: Армысыздар ата-аналар мен қонақтар,ұстаздар мен оқушылар!

1-жүргізуші: Жыл сайын өтілетін дәстүрлі Өнер фестиваліне қош келдіңіздер.

2-жүргізуші.

Құрметті қонақтар,ата-аналар мен оқушылар. Биылғы жыл Қазақстан Республикасында Ассамблея жылы,Ұлы Отан соғысының аяқталғанына

70 жыл, ҚР-ның Ата заңына 20 жыл және Қазақ хандығына 550 жыл толуына орай түрлі іс-шаралар жоспарланып өтілуде.

1-жүргізуші.

Біз бүгін ОҚО білім басқармасының 13.11.2014 жыл №1176 санды хатын негізге ала отырып «Ерлік даңқы-мәңгілік» айдарымен өнер фестивалін өткізгелі отырымыз.

2-жүргізуші.

Фестивалді өткізудегі мақсатымыз.Балалар мен жасөспірімдерді шығармашылыққа баулу,олардың бойында ұлттық-азаматтық рухты қалыптастыру,патриоттық тәрбиені шыңдау және отансүйгіштік сезімін дамыту іспеттес.

2-жүргізуші.Бүгінгі іс-шараға келген қонақтармен таныс болыңыздар:

1-жүргізуші.Әділ қазы төрайымы: Аудандық саз мектебінің директоры Жораева Әсия Бахадырқызы.

Мүшелері :Аудандық оқушылар үйінің директоры Мошқалов Сұңқар ағай.

Аудандық саз мектебінің тәрбие ісі меңгерушісі Абдиева Ақтолқын апай.

Күй ойналып тұрады.

2-жүргізуші.

Табаны күректей төрт жыл бойы ғаламат күш - қайрат көрсеткен біздің жауынгерлер қанқұмар фашистерге қарсы тұрып , қасық қаны қалғанша күресті . Төбеден қарша жауған ауыр бомбалар мен ажал оқтары қаншама мыңдаған боздақтардың өмірлерін қиып , ауыл-ауылдарды «қара қағаздар» аралап , халыққа қайғы сыйлады .

Айтуға оңай ! Көзбен көріп, түн қатып, мұз жастанып, қан кешкен ерлердің басына түскен ауыртпашылықты айтып жеткізу оңай емес.

1-жүргізуші.Сахналық қойылым «Кестелі орамал».

2-жүргізуші.Орындайтын 10 сынып оқушылары.

1-жүргізуші.Жер бетін қан сасытқан соғыс бітті!

Жер бетінен жамандық мүлдем үрікті!

Жеңістің жарқын күнін жыр қыламыз,

Аспандатып жырлаймыз жақсылықты.

2-жүргізуші. Осы сұрапыл соғыста жауды талқандап Ұлы Жеңіске жетуге қазақстандықтар да сүбелі үлес қосты. Жүздеген мың қазақстандықтар қолына қару алып, өз Отанының бостандығы үшін күресті.

Қазақстаннан майданға 1 миллион 196 мың 164 адам шақырылды. Соның әрбір төртіншісі шабуыл алаңында көз жұмды. Қазақстанда 20-дан астам

30 түрлі ұлт өкілдерінен тұратын атқыштар дивизиясы құрылған болатын.

1-жүргізуші. Қазақстандықтар Брест қамалын қорғады, Мәскеу түбінде өлімге бас тікті, Сталинград, Курск доғасындағы шайқастарда ерекше көзге түсті. Берлинді шабуылдады, Рейхстагқа Жеңіс туын Рахымжан Қошқарбаев ағамыз тікті.

2-жүргізуші. Жеңіс деген жақсылықтың сыңары,

Жігер менен құштарлықтың құралы.

Күрескердің арманы мен ұраны,

Қуаныш пен мерекенің бұлағы.

Сүйінші , халқым сүйінші,

Шаттан ата-анамыз!

Шаттан ата-бабамыз!

Кек қайтарып фашистен,

Соғыс бітті жеңіспен.

Жеңдік жауды күресте,

Жасалсын той мереке!

1-жүргізуші. Бүгінгі күн-мерекелік той күні,

Жарқын тілек жан көркейтсін бұл күні.

Қазағымның бар қасиеті көрініп,

Күй төгіліп,болсын қызық жыр күні.

2-жүргізуші. Дина Нүрпейісованың күйі «Жеңіс».

1-жүргізуші.Орындайтын квартет.

1-жүргізуші.

Жер бетін қан сасытқан соғыс бітті!

Жер бетінен жамандық мүлдем үрікті!

Жеңістің жарқын күнін жыр қыламыз,

Аспандатып жырлаймыз жақсылықты.

2-жүргізуші.Ән «Бейбітшілікті».

1-жүргізуші.Орындайтын Жарқынбаева Нұргүл.

2-жүргізуші.

Мың бұралып билейді қыздарымыз,

Қолдары майысқанда таң қалмаңыз.

Қазақтың «Қазақ биін» билейтұғын,

«Ақмаржан» би тобын қарсы аламыз.

1-жүргізуші. М.Мақатаевтың «Аққулар ұйықтағанда» атты поэмасына қойылған би.

2-жүргізуші.Ортада «Ақ маржан» би тобы.Аралас топ орындайды. Жетекшісі Садықова Зина.

1-жүргізуші.

« Керей менЖәнібек 1465 жылы алғашқы хандықты құрды, қазақтың мемлекеттілігінің тарихы сол кезден бастау алады. Бәлкім ол бүгінгі шекарасындағы, бүкіл әлемге осынша танымал әрі беделді, осы ұғымның қазіргі мағынасындағыдай мемлекет болмаған да шығар. Бірақ бұлай деп сол кезеңдегі басқа да барлық мемлекеттер туралы да айтуға болады. Ең маңыздысы, сол кезде оған негіз қаланды, біз - бабаларымыздың ұлы істерінің жалғастырушыларымыз. Бүгінде біздің еліміз барлық таяу мемлекеттер мен көп ғасырлық достық және тату көршілестік дәстүрлерін сақтап отыр. Осы қарым-қатынасты әрдайым сақтағанымыз жөн», - деді Қазақстан Президенті.

2- жүргізуші: Біздің халқымыз қазақтың батыр қыздары Әлия Молдағұлова мен Мәншүк Мәметованың есімдерін мақтанышпен атайды.

Әлия, Мәншүк қайсар гүлі қазақтың.

Ерлігіне таң қаламын ғажап тым.

Солар төккен қызыл қанның арқасы,

Қазақстан аспанында азат күн.

1-жүргізуші:

Ән.«Батырлар».Орындайтын квартет.

1-жүргізуші: Ағалар саптан шықпасын,

Аналар қабақ шытпасын,

Бақытқа жетіп бар адам,

Сәбилер тыныш ұйықтасын.

Қазақстан -бейбіт өмір кешуде ,

Өткен күні ұрпақтардың есінде.

Енді соғыс атын ұрпақ ұмытсын,

Тыныштықтың бұзылмасын көші де-дей отырып сахна төріне мектебіміздің жас талант әнші Сырбек Жеңісті шақырамыз.

1-жүргізуші.Ән. «Жеңіс туы».

2-жүргізуші.Цирк және пародия жанры бойынша сахна төріне мектебіміздің көңілді тапқырлар клубының өнерпаздарын шақырамыз.

1-жүргізуші.

Пародия. «Военком».

2-жүргізуші.

Мың бұралып билеген

Аруды кім сүймеген .

Күміс көмей аруларға

Кімдер басын имеген-дей отырып келесі кезекті орта топ буынындағы бишілердің орындауындағы «Сарбаздар» әніне қойылған биі.

1-жүргізуші.Ортада «Ақмаржан» бишілер тобын қарыс алыңыздар.

2-жүргізуші.

«Катюша».

1-жүргізуші.

Орындайтын Есенгелді Нұрәділ.

2-жүргізуші. Шөмішбай Сариевтің сөзіне жазылған Сейдолла Байтерековтың әні «Қазақстан қыран далам».Орындайтын хор.

1-жүргізуші.Сахна төріне әділқазы алқаларын қошеметтеп қорытынды сөзге шақырамыз.

2-жүргізуші.Бірге жүзген ән мен жыр кемесінде,

Қалсын мәңгі бұл думан ел есінде.

Сау болыңдар көрермен ағайындар,

Кездескенше ән мен жыр кемесінде.

1-жүргізуші.Осымен «Ерлік даңқы-мәңгілік» атты Өнер-2015 фестивалі өз мәресіне жетті. Көңіл қойып тыңдағандарыңызға көптен-көп рахмет.

2-жүргізуші. Келесі кездескенше сау-саламатта болыңыздар.