Музыка пәнінен сабақ жоспары 'Ән өнерінің майталманы Манарбек Ержанов'

1.2.Ән өнерінің майталманы Манарбек Ержанов

Сабақтың тақырыбы: Ән өнерінің майталманы Манарбек Ержанов

Сабақтың мақсаты: Манарбек Ержановтың шығармашылығымен танысу.

1.Білімділік: Қазақ операсының негізгі жанрларымен танысу.

2.Дамыту: Ән айту қабілетін дамыту.

1.Әнгіме әдісі арқылы:

Сабақ барысы

Манарбек Ержанов-Арқа өңірінің әншілік дәстүрін жалғастырып жеткізуші.Манарбектің дауысы өте әдемі жоғары тенорда,қазақтар мұндай дауысқа «қаз дауысты» деп теңеу айтқан.Әншінің репертуары өте мол болған.Манарбек білмейтін ән кемде-кем.Манарбек Ақан сері,Біржан сал,Мәди,Әсет,Жаяу Мұса сынды көптеген әнші-композиторлардың әндерін орындап жеткізді. Манарбек тек ән айтып қана қойған жоқ,ол театр актері ретінде де халыққа танымал бола білді. Манарбек ескіден жеткен өнерді үлкен сахынаға алып шығып,оларды кәсіби денгейде көтерді.Қазақ операларының барлық ариялары қазақ әндерінің негізінде жазылып,оркестір сүйемелдеуімен жаңа заманға лайық жаңғыра түсті.

2.Ән тыңдау.

Қазақтың жазтаңдай әншісі Манарбек Ержановтың орындауында Е.Брусиловскийдің «Қыз Жібек» операсынан Шегенің әні мен термесі.

3.Ән орындау. «Мектебім» әнін үйренуді жалғастыру.

4.Біліп ал.

Қазақ операларының ең биік шоқтығы болып есептелетін Е.Брусиловскийдің «Қыз Жібек»,А.Жұбанов пен Л.Хамидидің «Абай» және М.Төлебаевтың «Біржан-Сара» опералары.1936 жылы Мәскеуде өткен қазақ әдебиеті мен мәдениеттің онкүндігінде тұнғыш рет қазақтың «Қыз Жібек» операсы үлкен табыспен өтеді. «Қыз Жібек» операсының либреттосын Ғабит Мүсірепов,музыкасы Евгений Брусиловский жазған.

Қазақ операсында Е.Брусиловский, А.Жұбанов, Л.Хамиди сынды әйгілі композиторлар қазақтың терме,желдірме және толғау сынды сөз өнеріндегі жанрларды кеңінен қолданды.

Ал қазақтың дәстүрлі түрсыс-салттық жыры «Жар-жар» әнін операға орынды пайдаланады.Қазақтың үйлену салтына байланысты туған «Жар-жар» әнін қор ұжымы орындаған.Мұндай қор ұжымын «Қыз Жібек» операсында қолданады.Үйлену салтына байланысты операдағы сахыналық қойылымдар басқа да дәстүрлі тойбастар,беташар,сыңсу,қоштасу әндерімен де толыға түседі.Бұл дәстүрлі әндерді «Абай»мен «Біржан-Сара» операларынан кездестіре аламыз.