Концерт-сабақ 'Ән - ана, бала - оның қайырмасы'

Сабақтың тақырыбы: Ана - ән, бала - оның қайырмасы.

Сабақтың түрі: концерт - сабақ.

Сабақтың типі: жаңа білімді қалыптастыру сабағы.

Сабақтың мақсаты: анаға деген махаббатын оқушы бойына музыка арқылы жеткізу.

Сабақтың міндеті:

а) музыканы тыңдау және ән айту барысында музыкалық сауаттылық элементтерінен білім беру.

ә) оқушылардың ойлау қабілеті мен есте сақтау қабілетін дамыту.

б) музыка арқылы әсемдікке , сұлулыққа тәрбиелеу.

Сабаққа керекті құрал- жабдықтар:

1. Қабырға газеті.

2. Ұлағатты сөздер жазылған плакаттар мен көрнекіліктер

3. Сөзжұмбақ.

4.Әннің сөзі жазылған слайдтар.

5.Баян аспабы.

6. Үнтаспа.

Пәнаралық байланыс: тарих, әдебиет.

Сабақтың мазмұны мен өту барысы:

1.Ұйымдастыру кезеңі. Оқушыларды музыкамен сыныпқа кіргізіп, орындарына отырғызу.

2. Өткен материалды қайталау. Жазып келген рефераттарын тексеру.

Жаңа білімді қалыптастыру:

1. Аналар мейрамына байланысты нота тізбегі арқылы оқушылардың білімін тексеру.

2. Музыка тыңдау. Майлықожаның « Ана туралы толғауы »

3. « Анашым » әнін үйрену.

4. Музыка сауаты : легато, стакатто, екпін.

Бүгінгі сабағымыздың тақырыбы, балалар « ана-ән, бала- оның қайырмасы.

Барлығымыздың да анамыз бар. Аспанда жұлдыз көп болса, ай жалғыз. Сол ай секілді ана да бізде біреу. Ана құдіреті де кең ұғым. Оның аялы, ыстық алақаны , ақ сүті мен мейірімділігіне ешкімнің құшағы тең келмейді. Махаббаты шексіз, адал. Біз ана алдында мәңгі қарыздармыз.

Енді, балалар тақтадағы мына мақал- мәтелдерді көрейікші.

Ананың сүтін ақта.

Бабаның құтын сақта.

Мұны қалай түсінеміз? Яғни ананы өмір бойы қадірлеп , қастерлеп өтуіміз керек екендігін білдіреді.

Бала әкенің білек еті.

Ананың жүрек еті.

Бала - әкенің көмекшісі, ана - баласы үшін жанын беруге даяр. Мінеки, балалар, халық мақал- мәтелі тегін айтылмаған.

Қазір тақтаға қарайықшы. Онда нота тізбегі ілулі тұр.Бұл жерде сендерге , яғни екі топқа тапсырма берілген. Осы нотада берілген тапсырманы топ жетекшілері алып ,жауап берулері керек.

1. Ана туралы мақал- мәтелдерден жарыс.

2. Ана туралы тақпақтан жарыс.

3. Ана туралы әннен жарыс.

Ән орындау кезеңінде дауыс баптау жаттығуын жасап алуымыз керек. До мажор гаммасын орындаймыз . Жаттығу легато, стаккато түрінде өтеді. Осы жерде легато - дыбысты үзбей орындау екенін, стаккато- үзіп-үзіп орындау екендігі айтылады.

Келесі бөлім - музыка тыңдау. Қазір тыңдалатын бүгінгі тақырыбымызға байланысты Майлықожаның « Ана туралы толғауы» Ж. Айжанованың орындауында тыңдаймыз. Музыканы тыңдап болған соң оқушылар онда не айтылғаны туралы пікірлер айтады.

Бүгінгі сабақта үйренетін әніміз -« Анашым». Әнін жазған М . Омаров, сөзін жазған Қ. Жұмағалиев.

Сазгер әнші М. Омаров Әл- Фараби атындағы Мәдениет институтының түлегі. Ол туралы тағы не білесіңдер?

Ән нәзік сезіммен , вальс екпінінде орындалады. Осы жерде екпін туралы айтылады. Екпін - музыкалық шығарманың мазмұнын , образын, сипатын білдіреді.

Екпіннің екі түрі бар: 1.Вальс. 2.Марш.

Әнді мұғалім орындап береді. Әнді хормен орындау.

Сөзжұмбақ

А Н А Ш Ы М 1. Тәттімбеттің күйі 2. Құрманғазының күйі 3. Африка халқының ішекті аспабы. 4. Қазақ халқының ішекті аспабы 5. Динаның күйі

Сабақты қорыта келе айтарым , анамызды әрдайым қадірлеп , сыйлап өтейік. Өйткені анаға тең келетін ештеңе жоқ. Анадан ардақты , аяулы жан бар ма?

Бүгінгі сабаққа қатысқан оқушыларды нота арқылы бағалаймын :

-бүтін нота -5.

-жарты нота-4

Үйге тапсырма:

1. «Анашым» әнін жаттап келу.

«Менің анам» атты шығарма жазып келу.