'Екі айнымалысы бар сызықтық емес теңдеулер жүйесін қосу және алмастыру тәсілімен шешу'

Сабақ жоспары: Алгебра

Сабақ: 1

Мектеп: «Сейфуллин атындағы орта мектеп-бақша» КММ

Күні: 28.09.2015

Мұғалімнің есімі:Тондебаева Балжан Омаровна

Сынып:9 «Ә»

Қатысқандар саны:

Қатыспағандар саны:

Сабақ тақырыбы

Екі айнымалысы бар сызықтық емес теңдеулер жүйесін қосу және алмастыру тәсілімен шешу

Сабақ негізделген оқу мақсаты (мақсаттары)

Екі айнымалысы бар сызықтық емес теңдеулер жүйесін шешу, қосу және алмастыру тәсілдерімен танысу, оларды есептер шығаруда тиімді қолдану.

Табыс критерийлері

Барлық оқушылар:

Екі айнымалысы бар сызықтық емес теңдеулер жүйесін шешуде алмастыру және қосу тәсілдерін біледі, оларды қолданып есеп шығарады.

Оқушылардың басым бөлігі:

Теңдеулер жүйесін шешуде тиімді тәсілді қолдана біледі, шешімнің дұрыстығын тексере алады.

Кейбір оқушылар:

Күрделі теңдеулер жүйелерін шешуде тиімді тәсілдерді қолданады. Теңдеулер жүйесін құру арқылы тақырыптық есептерді шығарады.

Тілдік мақсат

Оқушылар: Өткен тақырыптар бойынша сұрақ қойып жауап береді, теңдеулер жүйесін шешу алгоритмдерін талдай алады.

Негізгі сөздер мен тіркестер:

Жаңа терминдермен жұмыс:Екі айнымалысы бар сызықтық емес теңдеу, алгебралық қосу тәсілі.

Алдыңғы оқу

Сабақты бастамас алдыңғы тақырыптарды еске түсіреміз.§1,2 бойынша еске түсіру сұрақтарын қоямыз.

-Екі айнымалысы бар сызықтық теңдеу

-Екі айнымалысы бар сызықтық емес теңдеу

-Айнымалы, бос мүше, коэффицент ұғымдары

-Сызықты, сызықты емес теңдеулерді қалай ажыратамыз

Жоспар

Сабақ кезеңдері

Жоспарланған уақыт

Жоспарланған жаттығулар (төменде жоспарланған жаттығулар мен қатар, ескертпелерді жазыңыз)

Ресурстар

Мұғалімнің әрекеті

Оқушылардың әрекеті

1-кезең: (10 минут) Қызығушылықты ояту:

- ұйымдастыру

- үй тапсырмасын тексеру;

-қарастырылған тақырып бойынша бұрынғы білім еске түсіріледі;

- белсенді әрекетке жұмылдырылады;

- ойлау жұмысына ынталандырылады

Сәлемдесу.

Қос шеңбер құрып оқушыларға көтеріңкі көңіл күй сыйлайтын сөздер айтамын, сабаққа әзірлігін анықтаймын.Теңдеулер түрлері бойынша топқа бөлемін. Оқушылар алдарына бірнеше теңдеулер жазылған қағаздар таратамын, алған теңдеу түрлері бойынша топқа бөлінеді.

1-топ. Бір айнымалысы бар сызықтық теңдеу

2-топ.Биквадрат теңдеу

3-топ.Толымсыз теңдеу

4-топ.Квадрат теңдеу

Топтарға бағалау парақтарын таратамын.Топ басшысы төмендегі критерийлер бойынша +,- таңбасымен белгілеп отырады

Сұрақтар бұрқасыны әдісі арқылы өткен тақырыптарды еске түсіреді. (Топтар бір-біріне сұрақтар қояды өткен тақырыптар негізінде)

Сәйкестендіру тесті арқылы үй тапсырмасы тексеріледі.(Слайд)

Шеңберге тұрып бір-біріне көңіл-күй сыйлайтын сөздер айтады.Топқа бөлінеді.

Еске түсіру үшін қайталау сұрақтарын қояды, жауап береді. Үйге берілген есептердің дұрыстығын сәйкестендіру тесті арқылы тексереді.

Интербелсенді тақта, оқулық, маркерлер, үлестірмелі қағаздар, түрлі-түсті қағаздар, бағалау парақтары

2-кезең: Мағынаны ажырату: (25 минут)

- оқушылар өз тәжірибелері арқылы жаңа білім туралы өзіндік түсінік пен пікір қалыптастырады;

- жаңа білім жайлы өзіндік түсінік қалыптастырады

Түрткі болу сұрақтары арқылы оқушыларға сұрақтар қоя отырып, екі айнымалысы бар сызықты теңдеулер жүйесімен жаңа тақырыпты салыстырмалы түрде оқушылардың өздері қорытынды жасауға бағыттаймын. 6-сыныпта өткен екі айнымалысы бар сызықты теңдеулер жүйесін шешуде қолданылатын қосу, алмастыру тәсілімен екі айнымалысы бар сызықтық емес теңдеулер жүйесін шешуде қолданылатын алгебралық қосу және алмастыру тәсілдерін салыстыра отырып практикалық тапсырмалар беремін. «Автобус аялдамасы» әдісі арқылы топтарға есептер беремін.

Әр топқа есептер беру:

1-топ42 есеп

2-топ 45 есеп,

3-топ 48 есеп

4-топ 49 есеп

25-26 бет.«Автобус аялдамасы» әдісімен топтар есептерін тексеріп жатқанда әр топтан бір спикер шығып есепті тақтаға шығарады. «No hands» кездейсоқ таңдау әдісі арқылы үлестірмелі қағаз таратамын.

Әр топқа күрделі деңгейлі қосымша тапсырмалар беремін

Қойылған сұрақтарға жауап береді, салыстырады сын тұрғысынан ойлап қорытынды жасайды.

Топпен бірлесіп есептер шығарады,

Жауабы (5;-2),(2;-5)

«Автобус аялдамасы» әдісі арқылы келесі топтарға есептерінің шығару жолдарын көрсетеді, тақтамен, үлестірмелі қағазбен жұмыс жасайды.

3-кезең: (10 минут)

Ой-толғаныс:

• анализ, өз ойлары мен түсініктерін өздері игерген мәліметтері арқылы жеткізеді;

• синтез, бір-бірімен ой бөліседі

• сабақ қорытындысы

«Инсерт» әдісі арқылы бүгінгі тақырыпты қорытындылау үшін парақша таратамын.

Бүгінгі сабақ бойынша өз ойларын қорытындылайды.

Келесі оқуға арналған тапсырмалар(үй тапсырмасы)

Үйге тапсырма 44,50,51 есептерді шығару, интернет желілерінен теңдеу тақырыбымен жұмыс жасаған ғалымдар жайлы дерек жинау (тарихи дерек)

Қосымша ақпарат

Саралау - Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделіндіруді қалай жоспарлайсыз?

Бағалау - Оқушылардың үйренгенін тексеруді қалай жоспарлайсыз?

Пәнаралық байланыс.

Қауіпсіздік және еңбекті қорғау ережелерін орындау. АКТ құзыреттілік. Құндылықтармен байланыс.

Екі айнымалысы бар сызықтық емес теңдеуді шығару үшін қосу, алмастыру тәсілдеріне оқушыларлың қатысыуымен мысалдар көрсетіп шығару жолын талқылып жауаптарын тексеріп көрсету қажет.

Қабілеті жоғары оқушылар қорытындылау кезінде деңгейлік есептерді, мәселе есептерді теңдеу құру арқылы шығарып,өздері де тақырыптық есептер құра алатын болады.

Бағалау парағы арқылы топ басшысы бағалайды, ашық журнал арқылы оқушылар өздерін бағалайды.

Сыныптың қауіпсіздік нормалары сақталған.

Информатика сабағымен пәнаралық байланыс

Оқушы оқу мақсатына жетті,себебі: Оқушылар екі айнымалысы бар сызықтық емес теңдеулердің қосу, алмастыру тәсілдерін меңгерді, тиімді тәсілін пайдаланып есептер шығара алды,теңдеудің дұрыстығын тексере алды.

Оқушы оқу мақсатына талпынды, себебі:

Оқушылар екі айнымалысы бар сызықтық емес теңдеулердің қосу, алмастыру тәсілдерімен танысты,есептер шығаруда қолдана білді.

Рефлексия

Сабақ / оқу мақсаттары шынайы ма? Бүгін оқушылар не білді? Оқу неге бағытталған болды? Жоспарлаған саралау шаралары тиімді болды ма? Берілген уақыт ішінде үлгердім бе? Мен өз жоспарыма қандай түзетулер еңгіздім және неліктен?

Бүгінгі сабақта оқушылар екі айнымалысы бар сызықтық емес теңдеулер жүйесін қосу және алмастыру тәсілімен шығару жолын білді.Сабаққа жоспарланып алынған әдістер тиімді болды, бірақ уақытты тиімді пайдалана алмадым жоспарлаған сабағым 45 минутқа сыймай қалды, ұйымдастыру кезеңіне көбірек уақыт жіберіп алдым.

Қорытынды бағамдау

Қандай екі нәрсе табысты болды (оқытуды да, оқуды да ескеріңіз)?

1.Түркі болу сұрақтары оқушылардың жаңа сабақты өздерінің қорытып шығаруы

2.Бағалау парақшалары,критерийалды бағалау

Қандай екі нәрсе сабақты жақсарта алды (оқытуды да, оқуды да ескеріңіз)?

1.Автобус аялдамасы әдісі оқушылар өз қателерімен жұмыс жасай алды

2.Ашық журнал оқушылар өздерін шынайы бағалай алды

Сабақ барысында мен сынып немесе жекелеген оқушылар туралы менің келесі сабағымда жетілдіруге көмектесетің не білдім?

Қабілеті жоғары оқушыларды қабілеті төмен оқушылармен бірге бірлесе отырып топтық жұмыс жасайды. Олар көмек көрсету арқылы олардың жинақталуына септігін тигізіп, оқуға тарта алады. Топқа қойылатын талап бойынша әр топ шығарған есепті қалай шығарғанын басқа топ алдында қорғайды және әрбір топ мүшесінің өзіндік рөлі болу керек.