'ХХІ ғасыр математигі' математика пәнінен топтық сайыс сағаты (7 класс)

ХХІ ғасыр математигі

Сабақтың мақсаты: Оқушылардың математикадан алған білімдерін еске түсіре отырып, олардың арасынан «ХХІ ғасыр математигі» үздігін анықтау.

Білімділік: Оқушылардың математикалық ой- өрісін дамыту, алған білімдерін пысықтау.

Дамытушылық: Ұйымдастырушылық қабілетін дамыту.

Тәрбиелік: Оқушыларды ұйымшылдыққа, ұқыптылыққа, жауапкершілікке баулу, өз бетімен жұмыс істей білетін жеке тұлғаны тәрбиелеу.

Көрнекілігі: Безендірілген класс бөлмесі, нақыл сөздер, кеспе қағаздары, логикалық есептер.

Түрі: Топтық сайыс сағаты.

Типі: Ойын түрінде

Жоспар: І. «Бәйге»

ІІ. «Полиглот»

ІІІ. «Ғажайып үштік»

ІV. «Көрермендер ойыны»

Қолданылған нақыл сөздер:

1. Арифметика математиканың, ал математика ғылымдардың патшасы.

(К.Гаусс)

2. Ақыл-ойды тәртіпке келтіретін математика.

(М.В.Ломоносов)

3. Математика - барлық ғылымдардың тұңғышы және оларға пайдалы да, қажет те. (Р.Бэкон)

Мұғалім: Бүгін 7 класс оқушыларының арасында өтетін «ХХІ ғасыр математигі» атты сайысымызға қош келдіңіздер!

І бөлім. «Бәйге» (әр дұрыс жауапқа 10 ұпай)

1. Нүктелер қалай белгіленеді? (латынның бас әріптерімен)

2. Екі нүкте арқылы неше түзу жүргізуге болады? (бір ғана түзу)

3. Екі түзудің неше ортақ нүктесі болуы мүмкін?(бір ғана ортақ нүкте)

4. Бұрышты қалай белгілейді?

5. Қандай бұрышты жазыңқы бұрыш деп атайды?(180⁰-қа тең)

6. Үшбұрыштың периметрін қалай табамыз?(3 қабырғасын қосамыз)

7. Сыба йлас бұрыштар қосындысы неше градус?(180⁰)

8. 90⁰-тан үлкен бұрыш қалай аталады? (доғал бұрыш)

9. Төрт қабырғасы бірдей болатын тіктөртбұрыш (шаршы)

10. Қандай үшбұрыш теңбүйірлі үшбұрыш деп аталады? (2 бүйір қабырғасы тең)

11. 90⁰-тан кіші бұрыш қалай аталады? (сүйір бұрыш)

12. Координаталық осьтерді ата. (ордината, абцисса)

13. 90⁰-қа тең бұрыш қалай аталады? (тік бұрыш)

14. Қандай үшбұрышты тең қабырғалы деп атаймыз? (барлық қабырғалары тең)

15. Екі жазыңқы бұрыштың қосындысы неге тең? (360⁰)

ІІ бөлім. «Полиглот» (әр дұрыс жауапқа 30 ұпай)

Мұғалім: Мен құрамында саны бар мақал- мәтел айтамын, ал сендер жасырылған санды тауып, қазақша, орысша, ағылшынша жауап бересіңдер.Бұл бөлімнен кейін ұпай саны аз екі оқушы ойыннан шығарылады.

1. «... құмалақ, .... қарын майды шірітер» (бір, один, one)

2. «... жылда ел жаңа» (елу, пятьдесят, fifty)

3. «... сомың болғанша, ... досың болсын» (жүз, сто, one hundred)

4. «Бір тал кессең, ... тал ек» (он, десять, ten)

5. «Білекті бірді жығар, білімді ... жығар» (мың, тысяча, one thousand)

6. «Жігітке ... өнерде аз» (жеті, семь, seven)

ІІІ бөлім «Ғажайып үштік» Бұл бөлімнен кейін ұпай саны аз екі оқушы ойыннан шығарылады.

20/1. Ең кіші жай сан (2)

20/2. Сыбайлас бұрыштардың біреуі 60⁰.Екінші бұрышты тап. (120⁰)

20/3. Үшбұрыштың неше тамаша нүктесі бар? (4)

30/1. Екі түзудің қиылысуынан пайда болған бұрыштардың бірі- 140⁰.Қалған бұрыштарды табыңдар. (140⁰,40⁰,40⁰)

30/2. 37 санын 5 үштік арқылы жаз. (33+3+3/3=37)

30/3. Бір таңбалы санға дәл сондай санды тіркеп жазса, неше рет өседі? (11 есе)

40/1. 3 санымен аяқталатын сан берілген.Ол 200- ден артық та, 205- тен кем.Берілген санды тап. (203)

40/2. Ешқандай арифметикалық амал қолданбай 666 санын бір жарым есе арттыр.

(999)

40/3. Екі қатынастың теңдігі. (пропорция)

ІV бөлім. «Көрермендер ойыны» Бұл бөлімде көрермендерге сұрақтар қойылады.

1. С әріпінен басталатын математикада қолданылатын терминдер (сектор, синус, секунд)

2. Алманың жартысы неге ұқсас? (өзінің жартысына)

3. 1 жұмыртқа 5 минутта піссе, 3 жұмыртқа неше минутта піседі? (5 минут)

4. Үш пар ат 30 км-ге шапса, әр ат қанша км-ге шапқан? (30 км)

Әділ қазылар алқасына сөз беріледі.Жеңіп шыққан оқушылар сыйлықтармен марапатталады.