План- конспект урока по геометрии в 8 классе 'Средняя линия трапеции'

Геометрия, 8 класс

Сабақтың тақырыбы: Трапецияның орта сызығы

Мақсаты: Трапецияның орта сызығы туралы теорема мен оның дәлелдемесімен танысу. Трапецияның орта сызығының қасиетін есептер шығаруда қолдана білу.

Оқытудың нәтижесі: Трапецияның орта сызығы туралы теореманы, формуласын білетін болады.Формуланы есеп шығаруда тиімді қолданып, білімдерін жетілдіріп, ойлау қабілеттерін дамыта түседі.

Әдіс - тәсілдер: СТО, АКТ; Топтық жұмыс, жеке жұмыс, жалпы сыныптық жұмыс

Сабақтың жабдығы: Интерактивті тақта, маркерлер, А- 2 форматты қағаздар, стикерлер, оқулық

І. Сыныпты стикерлер арқылы топқа бөлемін.

Оқушылар топқа бөлініп, топ басшыларын сайлайды.

ІІ. Өткен тақырыптар қайталанады: 5 минут

1-топқа: Трапеция анықтамасы

2-топқа: Трапецияның элементтері

3-топқа: Трапеция түрлері

4-топқа: Тең бүйірлі трапецияның қасиеттері

Топтың шешімімен әр топтан бір оқушы жауап береді.

ІІІ. Жаңа тақырыпты игеру:

Трапецияның орта сызығы туралы теореманы оқушыларға өз беттерінше оқып танысу тапсырылады.

Интерактивті тақтадан теореманың дәлелдемесі көрсетіліп, қорытындыланады.

IV. Интерактивті тақтадан тақырып бойынша берілген мысалдардың шығару жолдары көрсетіледі. Сұрақ-жауап арқылы есептің шығарылуы қарастырылады, талданады.

V. Өз беттерінше шығаруға интерактивті тақтада есептер беріледі:

1-топқа: Трапецияның орта сызығы 6-ға тең. Табандарының ұзындығын табыңдар.

2-топқа: Теңбүйірлі трапецияның бүйір қабырғалары 3см, орта сызығы 5см. Периметрін табыңдар.

3-топқа: Теңбүйірлі трапецияның орта сызығы 4см, бүйір қабырғаларының қосындысы 5см. Периметрін табыңдар.

Сызбасын сызып, тақтаға есепті әр топтан бір оқушы шығарады.

VІ. Оқулық бойынша топпен жұмыс: №107,108 есептер шығарылады.

VІІ. «Бағдаршам» бойынша қорытынды, рефлексия жасау.

VІІІ. Үйге тапсырма беріледі: Трапецияның орта сызығы. №110, 112

ІХ. Бағалау: ОүБ; Стикер түсі арқылы бағаланады.