Урок по математика 'Сан аралықтарының бірігуі мен қиылысуы'

Сыныбы: 6

Сабақтың тақырыбы: Сан аралықтарының бірігуі мен қиылысуы

Сабақтың мақсаты:

1. Білімділік

Оқушыларды теңсіздіктер шешімін сан аралығымен жаза білуге, координаталық түзуде кескіндей білуге қалыптастыру.

2. Дамытушылық

Оқушылардың ой - өрісін кеңейту, математикалық тілде сөйлей білу қабілеттерін дамыту.

3. Тәрбиелік

Оқушыларды тез ойлап, дәл таба білуге, бірін - бірі сыйлауға, шапшаңдыққа, шыдамдылыққа тәрбиелеу.

Сабақтың түрі: жаңа сабақ

Сабақтың әдісі: Сұрақ - жауап, ой қозғау, оқулықпен жұмыс, кесте толтыру.

Сабақтың көрнекілігі: плакат, сызғыш

Сабақтың барысы: 1. Ұйымдастыру кезеңі

- оқушылармен сәлемдесіп, жоқ оқушыларды түгелдеу;

- оқу құралдарының түгел болуын талап ету;

- сынып тазалығы мен тәртіптеріне көңіл бөлу;

- назарларын сабаққа аудару.

2. Үй тапсырмасын тексеру

3. Жаңа сабақты оқып үйрету

Екі сан аралығы өзара қиылысу, қиылысуы бос жиын болуы немесе бірігуі мүмкін.

Екі сан аралығының қиылысуын қарастырайық. Мысалы: [-2;4] аралығы мен [1;6] аралығының қиылысуы - [1;4] аралығы.

Мұндай жағдайда [-2;4] және [1;6] аралығы қиылысады дейді.

Белгіленуі: [-2;4]∩[1;6]=[1;4].

Сан аралықтарының қиылыспайтын болуы. Мысалы: [-4;1] және [3;7] аралықтары өзара қиылыспайды немесе оларға ортақ сан аралығы жоқ.

Олай болса, : [-4;1] және [3;7] аралықтарының қиылысуы - бос жиын. Белгіленуі: [-4;1]∩[3;7]=∅.

Сан аралықтарының бірігуі. Мысалы: [-2;6] аралығының әрбір саны [-2;3] және [1;6] аралықтарының ең болмағанда біреуіне немесе екеуіне де тиісті болады.

Мұндай жағдайда : [-2;6] аралығын [-2;3] және [1;6] аралықтарының «бірігуі» деп атайды. Белгіленуі: [-2;3]∪[1;6]=[-2;6].

4 . Есептер шығару

№ 987 Сан аралығын координаталық түзуде кескіндендер:

1. [-3 ; 5]

2. ( -1 ; 8]

3. [-5; 0]

4. (0 ; 8)

5. (-∞ ; -4)

6. [ -9 ; +∞)

7. (-∞ ; 5)

8. (-5; +∞)

№ 999 Берілген сан аралықтарының тиісті аттарын жазып, кесетні толтырыңдар:

Сан аралығының белгіленуі

(-∞ ; 3]

[ -3; 2]

(-7; 0)

(-4; 2)

Сан аралығының аты

№ 991 Берілген сан аралықтарын координаталық түзуде кескіндеп, олардың қиылысуын жазыңдар:

1. (-8; 6] және [-5; 8];

2. [-9; 3] және (-∞; 0]

3. (-4; +∞) және (-5; 0]

4. [-9; 9] және [-1; 10].

№ 991 Берілген сан аралықтарын координаталық түзуде кескіндеп, олардың бірігуін жазыңдар:

1. [-8; 2] және [1 ; 9]

2. [-3; 7] және [-8; 2]

3. [-4; 3] және [1; 5]

4. [-2; 9] және [4; 10].

5. Сабақты қорытындылау

6. Оқушылар білімін бағалау

7. Үйге тапсырма 1003, 1004.